ບັນດາລັດຖະມົນຕີເສດຖະກິດອາຊຽນ (AEM) ຮ່ວມກັບກໍາມະການດ້ານການຄ້າສະຫະພາບເອີຣົບ ຈັດກອງປະຊຸມປຶກສາຫາລືດ້ານການຄ້າອາຊຽນ – ເອີຣົບຄັ້ງທີ 14 ຂຶ້ນ ທີ່ແຂວງຊຽງໃໝ່ ປະເທດໄທ ໃນວັນທີ 03 ມີນາ 2016 ທີ່ຜ່ານມາ ເພື່ອເພີ່ມທະວີສາຍພົວພັນດ້ານການຄ້າ ແລະ ການລົງທຶນ ໃຫ້ມີຄວາມເຂັ້ມແຂງຂຶ້ນກວ່າເກົ່າຢູ່ໃນ 2 ພາກພື້ນໂດຍເປັນປະທານຮ່ວມລະຫວ່າງ ທ່ານ ນາງ ເຂັມມະນີ ພົນເສນາ, ລັດຖະມົນຕີວ່າການກະຊວງອຸດສາຫະກໍາ ແລະ ການຄ້າ ແຫ່ງ ສປປ ລາວ ແລະ ທ່ານ ນາງ ເຊສິເລຍ ມານສະຕຣອມ (Cecilia Malmström) ລັດຖະມົນຕີການຄ້າສະຫະພາບເອີຣົບ. ໃນກອງປະຊຸມດັ່ງກ່າວ, ສອງຝ່າຍໄດ້ແລກປ່ຽນທັດສະນະ ພ້ອມຍົກໃຫ້ເຫັນການພົວພັນຮ່ວມມືດ້ານການຄ້າ ແລະ ການລົງທຶນ ຈາກອະດີດເຖິງປັດຈຸບັນ ໄດ້ຮັບການເຕີບໃຫຍ່ຂະຫຍາຍຕົວເຂັ້ມແຂງຂຶ້ນເລື້ອຍໆ ໂດຍສະເພາະສະຫະພາບ ເອີຣົບເປັນຄູ່ຮ່ວມດ້ານການຄ້າ-ການລົງທຶນໃຫຍ່ທີ່ສຸດອັນດັບ … Continue reading →
ທ່ານ ນາງ ເຂັມມະນີ ພົນເສນາ ລັດຖະມົນຕີວ່າກະຊວງອຸດສະຫະກຳ ແລະ ການຄ້າ ຂອງ ສປປ ລາວ ແລະ ຜູ້ແທນການຄ້າ ສະຫະລັດອາເມລິກາ ທ່ານ ໄມໂຄ ໂຟຼແມນ ໄດ້ເຊັນສັນຍາການຄ້າ ແລະ ການລົງທຶນສອງຝ່າຍ ເຊິ່ງທັງສອງທ່ານໄດ້ເປັນປະທານຮ່ວມປະຊຸມລັດຖະມົນຕີເສດຖະກິດ ອາຊຽນ – ອາເມລິກາ ຢູ່ຊານຟຣານຊິດໂກ ລັດແຄຣິຟໍເນຍ ສະຫະລັດອາເມລິກາ ໃນອາທິດທີ່ຜ່ານມາ. ສັນຍາການຄ້າ ແລະ ການລົງທຶນ ເປັນເວທີໃຫ້ສະຫະລັດອາເມລິກາ ແລະ ສປປ ລາວ ສາມາດປຶກສາຫາລືກ່ຽວກັບບັນຫາການຄ້າ ແລະ ການລົງທຶນ ເພື່ອເສີມຂະຫຍາຍສາຍສຳພັນເສດຖະກິດສອງຝ່າຍ ໂດຍຜ່ານການອຳນວຍຄວາມສະດວກທາງດ້ານການຄ້າ, ສິ່ງກີດຂວາງທີ່ບໍ່ແມ່ນພາສີ, … Continue reading →
ກະຊວງອຸດສະຫະກໍາ ແລະ ການຄ້າ ຈັດສໍາມະນາວິທະຍາສາດ, ເສດຖະກິດ ແລະ ການ ຄ້າໃນຫົວຂໍ້ “ກຽມຄວາມພ້ອມທຸກດ້ານ ໃນການເຊື່ອມໂຍງເສດຖະກິດ ກັບສາກົນ” ໃນໂອກາດງານວາງ ສະແດງສິນຄ້າວຽງຈັນ 2015 ເພື່ອເປັນການສະເຫລີມສະຫລອງວັນສະຖາປະນາ ສປປ ລາວ ຄົບຮອບ 40 ປີ ຂຶ້ນໃນວັນທີ 28 ພະຈິກ 2015 ທີ່ສູນການຄ້າລາວໄອເຕັກມໍ ໂດຍມີທ່ານ ທອງລຸນສີສຸລິດ ຮອງ ນາຍົກລັດຖະມົນຕີ, ລັດຖະມົນຕີວ່າການ ກະຊວງການຕ່າງປະເທດ, ທ່ານນາງ ເຂັມມະນີ ພົນເສນາ ລັດ ຖະມົນຕີວ່າການກະຊວງອຸດສະຫະກໍາ ແລະ ການຄ້າ, ບັນດາລັດຖະມົນຕີຊ່ວຍວ່າການ, ຮອງເລຂາທິ ການໃຫຍ່ອາຊຽນ ແລະ ທູຕານຸທູດ, ອົງການຈັດຕັ້ງສາກົນ, ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ. ທ່ານ ທອງລຸນ ສິສຸລິດ ກ່າວວ່າ: ພັກ-ລັດຖະບານເຮົາ ຍາມໃດກໍໃຫ້ຄວາມສໍາຄັນ ແລະ ເອົາໃຈ ໃສ່ຢ່າງເປັນເຈົ້າການໃນວຽກງານເຊື່ອມໂຍງເສດຖະກິດກັບພາກພື້ນ ແລະ ສາກົນ, ຖືວ່າເປັນໜຶ່ງໃນວຽກ ງານບູລິມະສິດໃນການຊຸກຍູ້, ສົ່ງເສີມ ແລະ ພັດທະນາເສດຖະກິດ-ສັງຄົມ ຂອງປະເທດຊາດ, ເຊິ່ງປີນີ້ ສປປ … Continue reading →
ງານວາງສະແດງສີນຄ້າວຽງຈັນ 2015 ສະເຫລີມສະຫລອງວັນສະຖາປະນາ ສປປ ລາວ ຄົບຮອບ 40 ປີ ໄດ້ເປີດຂຶ້ນແຕ່ວັນທີ 28 ພະຈິກ ຫາ 7 ທັນວາ 2015 ທີ່ສູນການຄ້າ ລາວ-ໄອເຕັກມໍ, ນະຄອນຫລວງວຽງຈັນ ເຊິ່ງມີບັນດາອົງການຈັດຕັ້ງ ແລະ ທຸລະກິດທັງພາຍໃນ ແລະ ຕ່າງປະເທດ 200 ກວ່າຫົວໜ່ວຍທຸລະກິດ, ມີຫລາຍກວ່າ 350 ຫ້ອງວາງສະແດງ,ໃນນັ້ນມາຈາກພາຍໃນ 159 ຫົວໜ່ວຍ, ມາຈາກຕ່າງແຂວງ 23 ຫົວໜ່ວຍ ແລະ ສິນຄ້າໜຶ່ງເມືອງ ໜຶ່ງຜະລິດຕະພັນ 15 ຫົວໜ່ວຍ, ມາຈາກ ຕ່າງປະເທດ ແລະ ອົງການຈັດຕັ້ງສາກົນ 50 ຫົວໜ່ວຍ, ໂດຍມີທ່ານ ທອງສິງ ທໍາມະວົງ ນາຍົກລັດຖະ ມົນຕີແຫ່ງ ສປປ ລາວ, ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ທ່ານ ລິມ ຮົງຮິນ ຮອງເລຂາທິການໃຫຍ່ອາຊຽນ, ມີບັນດາລັດຖະມົນຕີວ່າການ, ຊ່ວຍວ່າການ, … Continue reading →
ໃນຕອນເຊົ້າວັນທີ 28 ພະຈິກ 2015 ທີ່ຜ່ານມາ, ກ້ອນກຳລັງສວນສະໜາມ ຈຳນວນ 408 ຄົນ ຂອງກະຊວງອຸດສາຫະກຳ ແລະ ການຄ້າ ໄດ້ຊ້ອມໃຫຍ່ຄັ້ງສຸດທ້າຍ ຢູ່ເດີ່ນສະໜາມຫລວງ ເພື່ອກຽມພ້ອມສະແດງ ໃນໂອກາດສະເຫລີມສະຫລອງວັນສະຖາປະນາ ສປປ ລາວ ຄົບຮອບ 40 ປີ (2/12/1975-2/12/2015), ພາຍຫລັງທີ່ມີການຝຶກຊ້ອມມາໄດ້ຫລາຍເດືອນ. [ບົດຂ່າວ: ສູນສະຖິຕິ ແລະ ຂ່າວສານ]
ໃນຕອນເຊົ້າວັນທີ 29 ກັນຍາ 2015, ທ່ານ ນາງ ເຂັມມະນີ ພົນເສນາ ລັດຖະມົນຕີວ່າການ ກະຊວງອຸດສາຫະກຳ ແລະ ການຄ້າ ໄດ້ເຂົ້າພົບ ທ່ານ ໂຣແບັກໂຕ ອາເຊເວີໂດ, ຜູ້ອຳນວຍການໃຫຍ່ຂອງອົງການການຄ້າ ເພື່ອຍື່ນສານການໃຫ້ສັດຕະຍາບັນຮັບຮອງເອົາສັນຍາວ່າດ້ວຍ ການອຳນວຍຄວາມສະດວກທາງການຄ້າຂອງ ສປປ ລາວ ຊຶ່ງເປັນສະມາຊິກອົງການການຄ້າໂລກປະເທດທີ 18 ທີ່ຮັບຮອງເອົາສັນຍາດັ່ງກ່າວ. ສັນຍາວ່າດ້ວຍ ການອຳນວຍຄວາມສະດວກທາງການຄ້າ ແມ່ນໝາກຜົນຂອງກອງປະຊຸມລັດຖະ ມົນຕີ ທີ່ ບາຫຼີ ໃນປີ 2013 ຊຶ່ງປະກອບດ້ວຍຂໍ້ກໍານົດດ້ານຄວາມໂປ່ງໃສ, ການເຄື່ອນຍ້າຍສິນຄ້າລະຫວ່າງປະເທດ, ການກວດກາ, ການແຈ້ງພາສີ, ລວມທັງການຂົນສົ່ງສິນຄ້າຜ່ານແດນ. ສັນຍາດັ່ງກ່າວ ກຳນົດມາດຕະການກ່ຽວກັບຂະແໜງການຄ້າ, … Continue reading →
ວັນທີ 2 ກັນຍາ 2015ທີ່ຜ່ານມາ, ກະຊວງອຸດສາຫະກໍາ ແລະ ການຄ້າ ໄດ້ຈັດກອງປະຊຸມເຜີຍແຜ່ ແລະ ປະຖະກະຖາຂຶ້ນ ທີ່ຫ້ອງປະຊຸມໃຫຍ່ຂອງກະຊວງ ພາຍໃຕ້ການເປັນປະທານຂອງ ທ່ານ ນາງ ເຂັມມະນີ ພົນເສນາ ເລຂາຄະນະພັກ, ລັດຖະມົນຕີວ່າການ ກະຊວງອຸດສາຫະກໍາ ແລະ ການຄ້າຊຶ່ງເຂົ້າຮ່ວມໂດຍ ບັນດາສະຫາຍຄະນະປະຈໍາພັກ, ລັດຖະມົນຕີຊ່ວຍວ່າການ, ຄະນະພັກກະຊວງ, ເລຂາຄະນະພັກຮາກຖານ, ຄະນະໜ່ວຍພັກ, ຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກ, ພະນັກງານບໍານານ ທັງໝົດຫຼາຍກວ່າ 140 ສະຫາຍ. ກອງປະຊຸມໄດ້ຮັບຟັງການເຜີຍແຜ່ມະຕິກອງປະຊຸມຄົບຄະນະ ຄັ້ງທີ 10 ສະໄໝ IX ຂອງຄະນະບໍລິຫານງານສູນກາງພັກ, ມະຕິກອງປະຊຸມໃຫຍ່ຜູ້ແທນອົງຄະນະພັກກະຊວງອຸດສາຫະກໍາ … Continue reading →
ກອງປະຊຸມໃຫຍ່ຄັ້ງທີ IV ຂອງອົງຄະນະພັກກະຊວງອຸດສາຫະກໍາ ແລະ ການຄ້າ (ອຄ) ໄຂຂຶ້ນຢ່າງເປັນທາງການ ລະຫວ່າງວັນທີ 09-10 ກໍລະກົດ 2015 ທີ່ຜ່ານມາ ໂດຍການໃຫ້ກຽດເຂົ້າຮ່ວມຂອງສະຫາຍ ສົມສະຫວາດ ເລັ່ງສະຫວັດ ກຳມະການກົມການເມືອງສູນການພັກ, ຮອງນາຍົກລັດຖະມົນຕີ, ຜູ້ຊີ້ນຳຂົງເຂດວຽກງານເສດຖະກິດ ການຜະລິດ ແລະ ຈໍລະຈອນ. ຈຸດປະສົງຂອງການຈັດກອງປະຊຸມໃນຄັ້ງນີ້ ແມ່ນເພື່ອພ້ອມກັນຕີລາຄາຄືນຜົນການຊີ້ນໍາໆພາຂອງອົງຄະນະພັກກະຊວງອຸດສາຫະກໍາ ແລະ ການຄ້າ ໃນການປະຕິບັດມະຕິກອງປະຊຸມໃຫຍ່ຄັ້ງທີ III ຂອງຕົນໃນໄລຍະ 2011-2015 ເພື່ອຊອກໃຫ້ເຫັນດ້ານຕັ້ງໜ້າ, ຜົນງານ, ຈຸດອ່ອນ ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ພ້ອມທັງຄົ້ນຄວ້າກໍານົດທິດທາງແຜນການສູ້ຊົນໄລຍະປີ 2016-2020, ນອກນີ້ ກໍເພື່ອເປັນການສໍາຫລວດກວດກາຄືນຜົນການເຄື່ອນໄຫວຊີ້ນໍາໆພາຂອງຄະນະພັກກະຊວງ ແລະ ຍັງຈະໄດ້ດໍາເນີນການເລືອກຕັ້ງເອົາຄະນະບໍລິຫານງານພັກກະຊວງຊຸດໃໝ່. … Continue reading →
ເວລາ 10:00 ຂອງເຊົ້າຂອງມື້ນີ້ ທີ່ຫ້ອງປະຊຸມໃຫຍ່ ກະຊວງອຸດສາຫະກຳ ແລະ ການຄ້າ ຄະນະນຳກະຊວງອຸດສາຫະກຳ ແລະ ການຄ້າ (ອຄ), ພ້ອມດ້ວຍພະນັກງານພາຍໃນກະຊວງ ອຄ ຈັດພິທີຖວາຍເພນ ແດ່ພຣະສົງ 9 ອົງ ແລະ ພິທີບາສີສູ່ຂວັນຂຶ້ນ ເພື່ອເປັນສິຣິມຸງຄຸນໃຫ້ແກ່ຄະນະນຳ ແລະ ພະນັກງານພາຍໃນກະຊວງ ອຄ ທຸກຄົນ, ພາຍຫຼັງເສັດພິທີ ກໍ່ໄດ້ຮ່ວມຮັບປະທານອາຫານທ່ຽງຮ່ວມກັນ. [ສູນສະຖິຕິ ແລະ ຂ່າວສານ]
ກະຊວງ ອຸດສາຫະກຳ ແລະ ການຄ້າ (ອຄ) ໄດ້ຈັດກອງປະຊຸມໃຫຍ່ ຄັ້ງທີ III ຂອງຄະນະຊາວໜຸ່ມ ກະຊວງ ພ້ອມທັງໄດ້ປ່ອນບັດເລືອກຕັ້ງຄະນະຊາວໜຸ່ມກະຊວງຊຸດໃໝ່ ຂຶ້ນໃນວັນທີ 28 ພຶດສະພາ ທີ່ຜ່ານມາ ໂດຍການເປັນປະທານຂອງ ທ່ານ ນາງ ເຂັມມະນີ ພົນເສນາ ເລຂາຄະນະພັກກະຊວງ ລັດຖະມົນຕີວ່າການກະຊວງ ອຄ, ທ່ານ ດຣ. ວິໄລວົງ ບຸດດາຄຳ ເລຂາຄະນະບໍລິຫານສູນກາງຊາວໜຸ່ມ ປະຊາຊົນປະຕິບັດລາວ, ພ້ອມດ້ວຍບັນດາສະຫາຍຄະນະຊາວໜຸ່ມກະຊວງ. ທ່ານ ນາງ ເຂັມມະນີ ພົນເສນາ ກ່າວວ່າ: ກະຊວງ ອຄ ມີຊາວໜຸ່ມ ທັງໝົດ … Continue reading →
