ເພື່ອເປັນການກະກຽມ ແກ່ກອງປະຊຸມໂຕະມົນ ທີ່ຈະໄດ້ຈັດຂື້ນໃນເດືອນ ພະຈິກປີ 2013 ນີ້, ທາງໜ່ວຍງານຂະແໜງ ການຄ້າ ແລະ ພາກທຸລະກິດ ໄດ້ຈັດກອງປະຊຸມ ຄັ້ງທີ 4 ຂື້ນ ໃນວັນທີ 10 ຕຸລາ2013 ທີ່ ຫໍປະຊຸມແຫ່ງຊາດ ນະຄອນຫຼວງວຽງຈັນ.ໂດຍມີການນຳສະເໜີ ບັນດາບັນຫາ ທີ່ຕິດພັນກັບຂົງເຂດ ວຽກງານການອຳນວຍຄວາມສະດວກທາງດ້ານການຄ້າ, ບັນຫາສີມືແຮງງານ ແລະ ບັນດາຄວາມພະຍາຍາມໃນການປັບປຸງບັນດາລະບຽບກົດຫມາຍທີ່ເອື້ອອຳນວຕໍ່ພາກທຸລະກິດ.ນອກນັ້ນ, ກອງປະຊຸມ ຍັງໄດ້ປຶກສາຫາລື ກ່ຽວກັບຂະບວນການໃນການກະກຽມໃຫ້ແຫ່ແຜນພັດທະນາ ເສດຖະກິດ ສັງຄົມແຫ່ງຊາດຊຸດໃໝ່ (ແຜນ8) ຂອງລັດຖະບານ. ກອງປະຊຸມໃນຄັ້ງນີ້ ໄດ້ມີຜູ້ເຂົ້າຮ່ວມ ຈຳນວນ 120 ກ່ວາທ່ານ ພາຍໃຕ້ການເປັນປະທານຂອງ ພະນະ ທ່ານ ນາງ ເຂັມມະນີ ພົນເສນາ ລັດຖະມົນຕີຊ່ວຍວ່າການ ກະຊວງ ອຸດສາຫະກຳ ແລະ ການຄ້າ ແລະ ເປັນປະທານຮ່ວມໂດຍທ່ານ Michel Goffin, ອຸປະທູດ EU ປະຈຳ ສປປ ລາວ ທັງເປັນຜູ້ປະສານງານສຳລັບຜູ້ໃຫ້ທຶນ … Continue reading →
ໃນລະຫວ່າງວັນທີ 25-29/09/2013 ກົມສົ່ງເສີມ ແລະ ພັດທະນາສິນຄ້າ ກະຊວງອຸດສາຫະກໍາ ແລະ ການຄ້າລາວ ໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ກັບກົມສົ່ງເສີມການຄ້າລະຫວ່າງປະເທດ ກະຊວງພານິດໄທ ໃນການສົ່ງເສີມການຄ້າລະຫວາງປະເທດ, ການຮ່ວມມືດ້ານການຄ້າ 2 ຝ່າຍໃນຄັ້ງນີ້ຈະເປັນຜົນດີໃນການຊຸກຍູ້ສົ່ງເສີມການຄ້າ ແລະ ການລົງທຶນລະຫວ່າງ 2 ປະເທດກໍ່ຄືພາຍໃນອາຊຽນ ຊຶ່ງຈະຊ່ວຍສ້າງໃຫ້ແນວຄວາມຄິດເສດຖະກິດເປັນໜຶ່ງດຽວນັ້ນໃຫ້ເປັນຮູບປະທຳ ໂດຍເນື້ອໃນບົດບັນທຶກດັ່ງກ່າວປະກອບດ້ວຍ 6 ເງື່ອນໄຂດັ່ງນີ້: ທັງສອງຝ່າຍຈະຕ້ອງໄດ້ແລກປ່ຽນຂໍ້ມູນຂ່າວສານຂອງແຕ່ລະປະເທດກ່ຽວກັບ ກາລະໂອກາດທາງດ້ານທຸລະກິດ ເພື່ອເປັນການສົ່ງເສີມໃຫ້ມີການຄ້າຮ່ວມກັນ. ທັງສອງຝ່າຍຈະຕ້ອງສ້າງຄວາມເປັນໄປໄດ້ໃນການຈັດກິດຈະກຳຮ່ວມກັນ ເປັນຕົ້ນ ການຮ່ວມຈັດສຳມະນາ, ວາງສະແດງ ເພື່ອສົ່ງເສີມກາລະໂອກາດທາງດ້ານການຄ້າ ແລະ ການລົງທຶນລະຫວ່າງສອງປະເທດ. ຄູ່ຮ່ວມສັນຍາຈະຕ້ອງໄດ້ລະດົມທຸລະກິດພາຍໃນຂອງຕົນໃຫ້ເຂົຮ່ວມງານວາງສະແດງລະດັບສາກົນ ທີ່ຈັດຂຶ້ນໃນປະເທດຄູ່ຮ່ວມສັນຍາ. ຄູ່ສັນຍາຈະຕ້ອງໄດ້ສົ່ງເສີມການຈັດຕັ້ງຄະນະນັກທຸລະກິດ ເພື່ອໃຫ້ມີການໄປ-ມາຫາສູ່ກັນຂອງຄະນະນັກທຸລະກິດ ແລະ ພ້ອມດຽວກັນນີ້ ຄູ່ສັນຍາກໍ່ຕ້ອງໄດ້ອຳນວຍຄວາມສະດວກໃນການຈັດຕັ້ງກິດຈະກຳການຈັບຄູ່ທຸລະກິດໃນເວລາທີ່ປະເທດໃດໜຶ່ງສົ່ງຄະນະນັກທຸລະກິດມາຢ້ຽມຢາມ. ຄູ່ຮ່ວມສັນຍາຈະຕ້ອງໄດ້ສົ່ງເສີມທຸລະກິດພາຍໃນຂອງຕົນໃຫ້ສາມາດນຳໃຊ້ເຄື່ອງມືສື່ທາງດ້ານອີເລັກໂຕຣນິກ ເພື່ອຂະຫຍາຍຕະຫຼາດຂອງຕົນ ເປັນຕົ້ນການສ້າງຕະຫຼາດທາງອິນເຕີເນັດ. ທັງສອງເຫັນດີທີ່ຈະຮ່ວມກັນແກ້ໄຂບັນຫາ ຫຼື ສິ່ງກີດຂວາງທາງດ້ານການຄ້າ ແລະ ການລົງທຶນ ລະຫວ່າງສອງປະເທດ ແລະ ຈະຊ່ວຍໃນການຈັດປະຊຸມລະຫວ່າງ ນັກທຸລະກິດພາຍໃນຂອງຕົນ ກັບ ໜ່ວຍງານພາກລັດທີ່ກ່ຽວຂ້ອງ. ຕໍ່ກັບບັນຫານີ້ ກົມສົ່ງເສີມ ແລະ ພັດທະນາສິນຄ້າ, ກະຊວງອຸດສາຫະກຳ ແລະ ການຄ້າ ກໍ່ຈະໄດ້ສືບຕໍ່ຜັນຂະຫຍາຍຕາມພາລະບົດບາດຂອງກົມກ່ຽວກັບການຮ່ວມມືກັນໃນບັນດາໜ້າວຽກທີ່ໄດ້ເຊັນສັນຍາຮ່ວມກັນ ໃຫ້ປະກົດ ຜົນເປັນຈິງ ແລະ ມີປະສິດທິຜົນສູງສຸດເປັນຕົ້ນແມ່ນຈະໄດ້ແລກປ່ຽນຂໍ້ມູນຂ່າວສານການຄ້າເພື່ອໂຄສະນາເຜີຍແຜ່ໃຫ້ຜູ້ປະກອບການພາຍໃນຂອງລາວໄດ້ຮັບຮູ້ຢ່າງທົ່ວເຖິງ, ກິດຈະກຳຈັດງານວາງສະແດງສິນຄ້າລາວ-ໄທ ປີ 2014 ຜ່ານມາງົບປະມານແມ່ນຝ່າຍໄທເປັນເຈົ້າການຈັດແຈງທຸກຢ່າງ ຊຶ່ງເປັນການຍາກທີ່ຝ່າຍລາວຈະເຈລະຈາຕໍ່ລອງໃນດ້ານຕ່າງໆເນື່ອງຈາກວ່າຝ່າຍລາວບໍ່ມີງົບປະມານສົມທົບ ຕໍ່ບັນຫາດັ່ງກ່າວ ເຫັນວ່າຄວນມີງົບມະມານໃດໜຶ່ງ … Continue reading →
ຕອນເຊົ້າວັນທີ່ 1 ຕຸລາ 2013 ທີ່ຫ້ອງຮັບແຂກ ກະຊວງ ອຸດສາຫະກໍາ ແລະ ການຄ້າ ທ່ານ ດຣ ນາມ ວິຍະເກດ ລັດຖະມົນຕີ ວ່າການກະຊວງ ອຸດສາຫະກໍາ ແລະການຄ້າ (ອຄ) ໄດ້ຕ້ອນຮັບການພົບປະຂອງລັດຖະມົນຕີຊ່ວຍວ່າການກະຊວງເສດຖະກິດ ແຫ່ງປະເທດ ເບລາລຸດ ແລະ ທ່ານເອກອັກຄະລັດຖະທູດ ເບລາລຸດປະຈໍາຫວຽດນາມ ພ້ອມດ້ວຍນັກທຸລະກິດຈາກບໍລິສັດຜະລິດລົດ ແລະບໍລິສັດເຮັດທຸລະກໍາດ້ານການເງິນຊື່ດັ່ງ ຈາກປະເທດເບລາລຸດເຂົ້າຮ່ວມ. ການພົບປະກັນຄັ້ງນີ້ແມ່ນເປັນຕາມຄວາມປະສົງທີ່ທັງສອງປະເທດໄດ້ຕົກລົງພົບປະກັນເປັນປະຈໍາ ເພື່ອສືບຕໍ່ຮ່ວມມືທາງດ້ານເສດຖະກິດ, ຊຶ່ງຄັ້ງນີ້ທັງຝ່າຍເບລາລຸດແມ່ນມີຄວາມຕ້ອງການຊອກຫາຊອງທາງ ແລະ ໂອກາດໃນການເຂົ້າມາຮ່ວມລົງທຶນເຮັດທຸລະກິດດ້ານລົດຍົນ (ລົດມັດສ໌), ຜະລິດອຸປະກອນຂົນສົງ ແລະ ດ້ານການເຮັດທຸລະກໍາການສະໜອງເງິນກູ້ຮ່ວມກັບນັກທຸລກິດລາວ ໂດຍ ທ່ານດຣ ນາມ ວິຍະເກດ ລັດຖະມົນຕີວ່າການ ກະຊວງ ອຄ ກໍ່ໄດ້ກ່າວຄວາມຂອບໃຈພ້ອມທັງອະທິບາຍສະພາບເສດຖະກິດຂອງລາວໃຫ້ທັງຝ່າຍເບລາລຸດຮັບຮູ້ວ່າ ປັດຈຸບັນ ສປປ ລາວ ພວມເປັນທີສົນໃຈຂອງນັກລົງທຶນ ແລະ ກໍ່ມີການເຂົ້າມາລົງທຶນຂອງຫຼາຍປະເທດຊຶ່ງກໍ່ມີຄວາມຕ້ອງການອຸປະກອນຮັບໃຊ້ຫຼາຍ ແລະ ກຸ່ມທີເຂົ້າມາລົງທຶນຂະໜາດໃຫຍ່ຜະລິດອຸປະກອນດ້ານລົດຍົນ ແລະ ການຂົນສົງແມ່ນກຸ່ມບໍລິສັດໂຄລາວ ຈາກ ປະເທດເກົາຫຼີໃຕ້. ບັນຫາທີ່ທ່ານສະເໜີ ແມ່ນໃຫ້ຊອກຫາຫຸ້ນສ່ວນ ຜູ້ຮ່ວມມື ເພາະນັກທຸລະກິດລາວຍັງບໍ່ທັນໃຫຍ່ ແລະ ປະສົບການຍັງບໍ່ທັນຫຼາຍ ດັງນັ້ນ ສະເໜີໃຫ້ທາງຝ່າຍເບລາລຸດຮ່ວມມືກັບນັກທຸລກິດລາວ ແບບ 50/50 ໂດຍເລີ່ມຈາກໜ້ອຍຫາຫຼາຍ ເຊັ່ນ: ມາຕັ້ງບໍລິສັດ Showroomກ່ອນຈາກນັ້ນຈິ່ງຂະຫຍາຍສາຂາອອກ, ທັງກ່າວຕື່ມອີກວ່າ ຝ່າຍລາວມີຄວາມຍິນດີຕ້ອນຮັບນັກທຸລະກິດ ແລະ ຜູ້ລົງທຶນສະເໜີ ແລະ ໃນອານາຄົດການຄ້າໃນອາຊຽນຈະບໍ່ມີພາສີທັງຍັງສາມາດຈໍ່າໜ່າຍໄປທົ່ວ ASEAN ພ້ອມທັງ ຈີນ ອິນເດຍ ນອກຈາກນີ້ ທ່ານກໍ່ໄດ້ແນະນໍາບັນດາທະນາຄານໃນ ສປປ ລາວ ທີນັກທຸລະກິດເບລາລຸດສາມາດຮ່ວມມືດໍາເນີນການເຮັດທຸລະກໍາດ້ານການເງິນໄດ້. ຂ່າວ: ໂດມ
ໂດຍການ ຕອບຮັບການເຊື້ອເຊີນຂອງ ທ່ານ ດຣ. ນາມ ວິຍະເກດ ລັດຖະມົນຕີວ່າການ, ກະຊວງອຸດສາ ຫະກຳ ແລະ ການຄ້າ ລາວ. ທ່ານ ນິວັດທຳຣົງ ບຸນຊົງໄພສານ ຮອງນາຍົກລັດຖະມົນຕີ, ລັດຖະມົນຕີວ່າການກະ ຊວງພານິດແຫ່ງ ຣາຊະ ອານາຈັກໄທ ພ້ອມດ້ວຍຄະນະໄດ້ເດີນທາງຢ້ຽມຢາມ ສປປ ລາວ ແລະ ເປັນປະທານຮ່ວມໃນກອງປະຊຸມແຜນ ການຮ່ວມມືລະຫວ່າງກະຊວງອຸດສາຫະກຳ ແລະ ການຄ້າແຫ່ງ ສປປ ລາວ ແລະ ກະຊວງພານິດ ແຫ່ງ ຣາຊະອານາ ຈັກໄທ ຄັ້ງທີ 5 ຂຶ້ນໃນວັນທີ 8-9 ສິງຫາ 2013 ທີ່ໂຮງແຮມລາວພຣາຊາ, ນະຄອນຫຼວງວຽງຈັນ. ໃນໄລຍະຊຸມປີຜ່ານມາ ການພົວພັນການຄ້າສອງຝ່າຍ ລາວ-ໄທ ແມ່ນສືບຕໍ່ຂະຫຍາຍຕົວຢ່າງຕໍ່ເນື່ອງ ໃນປີ 2012 ມູນຄ່າການຄ້າລະຫວ່າງ ລາວ-ໄທ ສາມາດບັນລຸໄດ້ 4.8 ຕື້ໂດລາສະຫະລັດ … Continue reading →
ຕອນເຊົ້າຂອງວັນ ຈັນ ວັນທີ 5 ເດືອນ ສິງຫາ 2013 ນີ້ ທີ່ກະຊວງ ອຸດສາຫະກໍາ ແລະ ການຄ້າ, ທ່ານ ດຣ ນາມ ວິຍະເກດ ລັດຖະມົນຕີ ກະຊວງ ອຸດສາຫະກໍາ ແລະ ການຄ້າ ໄດ້ຕ້ອນຮັບການເຂົ້າຢ້ຽມອໍາລາ ຂອງ ທ່ານ ນາງ ແຄເຣັນ ສະຕີວອດທ໌ ທູດອາເມລິກາ ປະຈໍາ ສປປ ລາວ, ໃນການພົບປະຄັ້ງນີ້ ທັງສອງຝ່າຍໄດ້ປຶກສາຫາລືກັນກ່ຽວກັບວຽກງານການຮ່ວມມືລະຫວ່າງສອງປະເທດໃນດ້ານການຄ້າສາກົນ ແລະ ການເພີ້ມການຮ່ວມມືດ້ານການຄ້າຫຼາຍຝ່າຍຂອງປະເທດ ແລະ ບັນດາອົງການຄ້າໃນຂົງເຂດ ໃນວາລະດັງກ່າວ ທ່ານ ດຣ … Continue reading →
ກອງປະຊຸມພາກທຸລະກິດ ອາຊີ-ເອີຣົບ ຄັ້ງທີ 13 (AEBF) ໄດ້ໄຂຂຶ້ນຢ່າງເປັນທາງການ ໃນວັນທີ 4ພະຈິກ 2012ນີ້ ທີ່ໂຮງແຮມລາວພລາຊາ ນະຄອນຫຼວງວຽງຈັນ ສປປ ລາວ ໂດຍມີພະນະທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງ ສປປ ລາວ ໃຫ້ກຽດກ່າວເປີດກອງປະຊຸມ ຊຶ່ງມີທ່ານ ດຣ. ນາມ ວິຍະເກດ ລັດຖະມົນຕີວ່າການ ກະຊວງອຸດສາຫະກຳ-ການຄ້າ ພ້ອມດ້ວຍຄະນະຜູ້ແທນ ຈາກບັນດາປະເທດໃນທະວີບອາຊີ-ເອີຣົບ ເຂົ້າຮ່ວມ 350 ທ່ານ. ພະນະທ່ານ ທອງສິງ ທຳມະວົງ ໄດ້ໃຫ້ກຽດກ່າວເປີດກອງປະຊຸມຄັ້ງນີ້ວ່າ: ກອງປະຊຸມ (AEBF) ຄັ້ງນີ້ ແມ່ນມີຄວາມໝາຍສຳຄັນຍິ່ງ ເຖິງວ່າຈະຈັດຂຶ້ນເປັນຄັ້ງທີ … Continue reading →
ໃນຕອນເຊົ້າຂອງວັນທີ 26 ຕຸລາ 2012 ກອງປະຊຸມສະພາໃຫຍ່ສະໄໝວິສາມັນ ຂອງອົງການການຄ້າໂລກ (WTO) ໄດ້ໄຂຂຶ້ນທີ່ເຊີແນວ, ປະເທດສະວິດເຊີແລນ ເພື່ອຮັບຮອງເອົາເອກະສານ ເງື່ອນໄຂການເຂົ້າເປັນ ສະມາຊິກ ອຄລ ຂອງ ສປປ ລາວ ພາຍໃຕ້ການເປັນປະທານຂອງ ທ່ານ ນາງ ເອລີນ ໂຢຮານເຊນ, ຜູ້ຕາງໜ້າ ຖາວອນປະຈຳ ອຄລ ຂອງນໍເວ. ທ່ານ ດຣ. ທອງລຸນ ສີສຸລິດ,ຮອງນາຍົກລັດຖະມົນຕີ, ລັດຖະມົນຕີວ່າການ ກະຊວງການຕ່າງປະເທດ ທັງເປັນປະທານ ຄະນະກຳມະການປະສານງານລະດັບຊາດວ່າດ້ວຍ ການເຊື່ອມໂຍງ ເສດຖະກິດກັບສາກົນ (ຄປຊ)ໄດ້ນຳພາຄະນະຜູ້ແທນລາວ ຂັ້ນລັດຖະມົນຕີ, ລັດຖະມົນຕີຊ່ວຍວ່າການ ແລະ ວິຊາການ … Continue reading →
ໃນວັນທີ 24 ມັງກອນ 2013 ທີ່ ຫ້ອງການສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ຈັດກອງປະຊຸມ ປຸກລະດົມ ນັກທຸລະກິດ ເຂົ້າໄປລົງທຶນໃນເຂດຈຸດສຸມພັດທະນາເມືອງຮົ່ມ-ເມືອງໄຊສົມບູນ ເປັນກຽດເຂົ້າຮ່ວມກອງປະຊຸມໂດຍ ພະນະທ່ານ ອາຊາງ ລາວລີ, ຮອງນາຍົກລັດຖະມົນຕີ. ທ່ານ ດຣ ນາມ ວິຍະເກດ ລັດຖະມົນຕີວ່າການກະຊວງອຸດສາຫະກຳ ແລະ ການຄ້າ. ທ່ານ ສະນັ່ນ ຈຸນລະມະນີ ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດ. ທ່ານ ອາຊາງ ໄດ້ກ່າວຕໍ່ກອງປະຊຸມວ່າ: ເມືອງຮົ່ມ ແລະ ເມືອງໄຊສົມບູນ ແຂວງວຽງຈັນ ແມ່ນສອງເມືອງທີ່ຢູ່ໃນ 46 … Continue reading →
ໃນຕອນເຊົ້າ ເວລາ 6:30 ຂອງວັນທີ 02 ກຸມພາ 2013, ໄດ້ມີພິທີຍ່າງສະເຫລີມສະຫລອງການເຂົ້າເປັນສະມາຊິກອົງການຄ້າໂລກຂອງ ສປປ ລາວ ຢ່າງຟົດຟື້ນມ່ວນຊື່ນ, ຊຶ່ງກໍ່ເປັນວັນດຽວກັບທີ່ອົງການຄ້າໂລກ ໄດ້ປະກາດ ແລະ ຮັບຮອງເອົາ ສປປ ລາວ ເຂົ້າເປັນສະມາຊິກທີ 158 ຂອງອົງການການຄ້າໂລກ ຢ່າງເປັນທາງການ. ໃຫ້ກຽດເຂົ້າຮ່ວມເປີດພິທີໂດຍ ທ່ານ ດຣ ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ທັງເປັນປະທານຄະນະປະສານງານລະດັບຊາດວ່າດ້ວຍການເຊື່ອມໂຍງເສດຖະກິດກັບສາກົນ ແລະ ຄະນະນໍາກະຊວງອຸດສາຫະກໍາ ແລະ ການຄ້າ, ພ້ອມທັງຜູ້ເຂົ້າຮ່ວມຈາກພາກລັດ, ພາກທຸລະກິດ, ສະຖານທູດ ແລະ ອົງການຈັດຕັ້ງສາກົນ ເຂົ້າຮ່ວມຫຼາຍກວ່າ … Continue reading →
ການເຈລະຈາຕໍ່ລອງທາງດ້ານການຄ້າຂອງຫນ່ວຍປະຕິບັດງານເຈລະຈາເຂົ້າເປັນສະມາຊິກອົງການການຄ້າໂລກ (WTO)ຂອງ ສປປ ລາວ, ໄດ້ສ້າງກາລະໂອກາດທາງດ້ານການຄ້າສູ່ທຸລະກິດຢ່າງຫລວງຫລາຍ,ໃນຂະນະທີ່ກອງປະຊຸມຫນ່ວຍປະຕິບັດງານຄັ້ງທີ 10 ໄດ້ປະກາດຜົນສຳເລັດຮັບຮອງເອົາ ສປປ ລາວ ເຂົ້າເປັນສະມາຊິກແລ້ວ ພຽງແຕ່ລໍຖ້າເຊັນສັນຍາຮັບຮອງໃນທ້າຍເດືອນຕຸລານີ້,ຫລັງຈາກນັ້ນນັກທຸລະກິດລາວຈະສະແຫວງຫາກາລະໂອກາດໄດ້ ຫລື ບໍ່?. ທ່ານ ດຣ. ນາມ ວິຍະເກດ ລັດຖະມົນຕີວ່າການກະຊວງອຸດສາຫະກຳ ແລະ ການຄ້າ,ຖະແຫລງຂ່າວຜົນສຳເລັດການເຈລະຈາເຂົ້າເປັນສະມາຊິກອົງການການຄ້າໂລກຂອງ ສປປ ລາວ, ມື້ວານນີ້ວ່າ: ກອງປະຊຸມຫນ່ວຍປະຕິບັດງານຄັ້ງທີ 10 ທີ່ຈັດຂຶ້ນເມື່ອວັນທີ 28 ກັນຍາ ທີ່ ເຈນີວາ ປະເທດສະວິດເຊີແລນ,ຖືວ່າເປັນເທື່ອສຸດທ້າຍແລ້ວ ທີ່ມີການພິຈາລະນາສົນທິສັນຍາການເປັນສະມາຊິກ 3 ສະບັບຄື:ບົດລາຍງານປະຕິບັດງານກ່ຽວກັບລະບອບການຄ້າຕ່າງປະເທດ ແລະ ພັນທະທີ່ ສປປ ລາວຮັບເອົາເພື່ອຮັບປະກັນຄວາມສອດຄ່ອງກັບສັນຍາຂອງ WTO; ຕາຕະລາງຫລຸດຜ່ອນອັດຕາພາສີສຳລັບສິນຄ້າກະສິກຳ ແລະ ອຸດສາຫະກຳ; ຕາຕະລາງເປີດຂະແຫນງການບໍລິການ. ແນວໃດກໍ່ຕາມ ເອກກະສານເງື່ອນໄຂທັງຫມົດຂອງ ສປປລາວ ຍັງຈະຍື່ນສະເຫນີຕໍ່ສະພາໃຫຍ່ຂອງອົງການການຄ້າໂລກ ເພື່ອຮັບຮອງເອົາທີ່ຄາດວ່າຈະຈັດຂຶ້ນໃນວັນທີ 26ຕຸລານີ້; ພາຍຫລັງທີ່ຮັບຮອງເອົາແລ້ວ ລັດຖະບານກໍ່ຈະນຳສະເຫນີສະພາໃຫ້ສັດຕະຍາບັນຄາດວ່າໃນທ້າຍເດືອນທັນວາປີນີ້, ແລ້ວຈິ່ງແຈ້ງໃຫ້ສະມາຊິກອົງການການຄ້າໂລກຮູ້, ຫລັງຈາກນັ້ນ 30 ວັນ ສປປ ລາວ ຈະເປັນສະມາຊິກສົມບູນແບບອັດຕະໂນມັດເປັນປະເທດທີ 158.ການເຈລະຈາເຂົ້າເປັນສະມາຊິກອົງການການຄ້າໂລກຂອງຫນ່ວຍປະຕິບັດງານໄດ້ມີການຕໍ່ລອງກຳນົດເພດານເພື່ອປົກປ້ອງສິດຜົນປະໂຫຍດຂອງພາກທຸລະກິດພາຍໃນ, ໃນຂະນະ ທີ່ກົດຫມາຍ,ລະບຽບການຕ່າງໆທີ່ກ່ຽວພັນເຖິງການຄ້າຫລາຍກວ່າ 90ສະບັບໄດ້ຖືກປັບປຸງສອດຄ່ອງກັບລະບຽບຂອງອົງການການຄ້າໂລກແລ້ວ,ຂະນະດຽວກັນການເຂົ້າເປັນສະມາຊິກສົມບູນຕະຫລາດຂອງລາວກໍ່ຈະເປັນເສລີ ແລະ ໄດ້ຕະຫລາດໃຫຍ່ຂຶ້ນ,ເວລານັ້ນການຄ້າ, ການລົງທຶນຂອງຕ່າງປະເທດກໍ່ຈະຄ່ອຍໄຫລເຂົ້າມາລາວ,ເພາະການເຂົ້າເປັນສະມາຊິກແມ່ນຈະສ້າງຄວາມຫມັ້ນໃຈໃຫ້ນັກລົງທຶນກ້າລົງທຶນໃນລາວ,ເນື່ອງຈາກວ່າເວລາມີບັນຫາສາມາດຕໍ່ລອງໄດ້ງ່າຍ ໂດຍຜ່ານລັດຖະບານ ຫລື ອົງການການຄ້າໂລກໄດ້. ແນວໃດກໍ່ຕາມການເຂົ້າເປັນສະມາຊິກແມ່ນມີຜົນປະໂຫຍດຢ່າງຫລວງຫລາຍຕໍ່ຂະແຫນງການທຸລະກິດ,ເຊິ່ງຍັງຕ້ອງເບິ່ງວ່າທຸລະກິດຈະສາມາດເຂົ້າຫາຜົນປະໂຫຍດ ແລະ ຍາດເອົາຜົນປະໂຫຍດນັ້ນໄດ້ຫນ້ອຍຫລາຍປານໃດ,ໂດຍສະເພາະການຜະລິດສິນຄ້າຕາມລາຍການສິດທິພິເສດທີ່ຫລາຍປະເທດໄດ້ໃຫ້ແກ່ ສປປ ລາວເພາະຜ່ານມາຍັງເຫັນວ່າສິນຄ້າຂາອອກຂອງລາວຍັງບໍ່ທັນເປັນໄປຕາມຕາຕະລາງລາຍການສິນຄ້າສິດທິພິເສດເທົ່າທີ່ຄວນ.
