ສະມາຊິກສະພາແຫ່ງຊາດ ສະເໜີໃຫ້ປະຕິຮູບວິທີການຄັດເລືອກ ເອົາການນຳທີ່ຕຳແໜ່ງຕັ້ງແຕ່ ລັດຖະມົນຕີຂຶ້ນໄປ ດ້ວຍການລົງຄະແນນຢ່າງປິດລັບ ເພື່ອທີ່ຈະໄດ້ຜູ້ທີ່ມີຄວາມຮູ້-ຄວາມສາມາດຢ່າງແທ້ຈິງ. ທ່ານ ນາງບົວຄຳ ທິບພະວົງ ສະມາຊິກສະພາແຫ່ງຊາດລາວ ເຂດ 1 ນະຄອນວຽງຈັນໄດ້ໃຫ້ທັດສະນະວ່າ ສະພາແຫ່ງຊາດ ຈະຕ້ອງມີການປະຕິຮູບວິທີການຄັດເລືອກເອົາບຸກຄະລາກອນຂັ້ນສູງ ໃນວົງການລັດຖະບານ ເພື່ອເຮັດໃຫ້ໄດ້ບຸກຄະລາກອນຜູ້ທີ່ມີຄວາມຮູ້ ແລະ ຄວາມສາມາດ ໃນການປະຕິບັດພາລະໜ້າທີ່ ໃນຕຳແໜ່ງທີ່ໄດ້ຮັບການແຕ່ງຕັ້ງນັ້ນ ຢ່າງແທ້ຈິງ ທັງນີ້ດ້ວຍການປ່ຽນແປງວິທີ ການລົງຄະແນນຮັບຮອງ ຂອງສະມາຊິກສະພາແຫ່ງຊາດຢ່າງເປີດເຜີຍ ໄປເປັນການລົງຄະແນນຢ່າງປິດລັບ ຊຶ່ງຈະເຮັດໃຫ້ການລົງຄະແນນດັ່ງກ່າວ ຂອງສະມາຊິກສະພາແຫ່ງຊາດ ມີອິດສະຫລະຫຼາຍຂຶ້ນ ເພາະບໍ່ຕ້ອງຢ້ານວ່າ ຜູ້ທີ່ເປັນເປົ້າໝາຍທີ່ຈະໄດ້ຮັບການແຕ່ງຕັ້ງນັ້ນ ຈະບໍ່ພໍໃຈ ຖ້າຫາກປາກົດວ່າ ສະມາຊິກສະພາແຫ່ງຊາດຄົນໃດ ບໍ່ລົງຄະແນນຮັບຮອງເອົາຜູ້ເປັນເປົ້າໝາຍດັ່ງກ່າວນັ້ນເອງ. … Continue reading →
ພາບທີ່ຖ່າຍໃນວັນທີ 4 ມິຖຸນາ, 2016 ສະແດງໃຫ້ເຫັນວ່າ ມີຜູ້ຍິງຄົນນຶ່ງ (ທາງຂວາ) ຖ່າຍຮູບເອົາພາບນໍ້າຖ້ວມໃນເຂດຕາຝັ່ງແມ່ນໍ້າ Seine ໃນນະຄອນ Paris. ພວກນັກວິທະຍາສາດເວົ້າວ່າ ການປ່ຽນແປງຂອງດິນຟ້າອາກາດທີ່ເກີດມາຈາກການກະທໍາຂອງມະນຸດຂ້ອນຂ້າງວ່າ ເຮັດໃຫ້ລະດັບນໍ້າຖ້ວມໃນເດືອນເມສາ ປີ 2016 ໃນຝຣັ່ງເພີ້ມຂຶ້ນສອງເທົ່າ ລັດຖະບານສະຫະລັດໄດ້ເປີດເຜີຍລາຍງານ ກ່ຽວກັບການປ່ຽນແປງຂອງດິນຟ້າອາກາດ ທີ່ເວົ້າວ່າ “ບໍ່ມີການອະທິບາຍຢ່າງອື່ນ ທີ່ໜ້າເຊື່ອຖືໄດ້” ສໍາລັບປະກົດການໂລກຮ້ອນເອົ້າ ນອກເໜືອໄປກວ່າ ມາຈາກການກະທໍາຂອງມະນຸດ. ການປະເມີນດິນຟ້າອາກາດໃນລະດັບຊາດ ທີ່ລັດຖະບານຖືກບັງຄັບດ້ວຍກົດໝາຍໃຫ້ພິມເຜີຍແຜ່ ຜົນການປະເມີນໃນແຕ່ລະສີ່ປີນັ້ນ ໄດ້ເວົ້າໃນວັນສຸກວານນີ້ວ່າ: ການປ່ຽນແປງຂອງດິນຟ້າອາກາດແມ່ນເກືອບວ່າ ລ້ວນແລ້ວແຕ່ເກີດມາຈາກການກະທໍາຂອງມະນຸດ ໂດຍທັງໝົດ. ລາຍງານສະບັບນີ້ … Continue reading →
ນາຍົກລັດຖະມົນຕີລາວ ຍອມຮັບວ່າ ເສດຖະກິດຂອງລາວ ໃນຕະຫລອດປີ 2017 ນີ້ ຈະຂະຫຍາຍຕົວເພີ້ມຂຶ້ນຕໍ່າກວ່າລະດັບຄາດໝາຍທີ່ແຜນການວາງໄວ້ ແຕ່ລາຍຮັບຂອງປະຊາຊົນລາວ ຍັງເພີ້ມຂຶ້ນຢ່າງຕໍ່ເນື່ອງ. ທ່ານ ທອງລຸນ ສີສຸລິດ ນາຍົກລັດຖະມົນຕີ ຖະແຫລງຍອມຮັບວ່າ ການຈັດຕັ້ງປະຕິບັດແຜນການ ພັດທະນາດ້ານເສດຖະກິດ ແລະ ສັງຄົມ ໃນຕະຫຼອດປີ 2017 ນີ້ ຈະໄດ້ຕໍ່າກວ່າລະດັບຄາດໝາຍ ທີ່ລັດຖະບານລາວວາງໄວ້ພຽງເລັກນ້ອຍ; ໃນຂະນະດຽວກັນ ສະພາວະເສດຖະກິດມະຫາພາກ ກໍຄົງຍັງມີສະຖຽນລະພາບ ແລະ ລວມຍອດຜະລິດຕະພັນພາຍໃນ ຫລື GDP ຍັງເຮັດໃຫ້ລາຍຮັບສະເລ່ຍຂອງປະຊາຊົນລາວເພີ້ມຂຶ້ນຢ່າງຕໍ່ເນື່ອງ ທັງຍັງສາມາດລົບລ້າງ ບັນຫາຄວາມທຸກຍາກ ຂອງປະຊາຊົນລາວ ໄດ້ເກີນລະດັບຄາດໝາຍອີກດ້ວຍ … Continue reading →
ສະມາຊິກແຫ່ງຊາດ ລາວ ລະບຸວ່າ ການກວດພົບການສໍ້ລາດບັງຫຼວງທີ່ຍັງຄົງນັບມື້ເພີ່ມຂຶ້ນ ເພາະການຮ່ວມມື ຢ່າງເປັນຂະບວນການ ຂອງເຈົ້າໜ້າທີ່ລັດ ກັບ ນັກທຸລະກິດລາວ ແລະ ຊາວຕ່າງຊາດ. ທ່ານ ບຸນທອງ ຈິດມະນີ ປະທານອົງການກວດກາລັດຖະບານລາຍງານ ຕໍ່ກອງປະຊຸມສະໄໝສາມັນຄັ້ງທີ 4 ຂອງສະພາແຫ່ງຊາດ ລາວ ຊຸດທີ 8 ທີ່ດຳເນີນກອງປະຊຸມໃນວັນທີ 16 ຕຸລາ ຫາ ວັນທີ 17 ພະຈິກນີ້ວ່າ ໄດ້ກວດພົບໂຄງການນອກແຜນການປະຈຳປີ 2017 ຂອງລັດຖະບານ ລາວ ຈຳນວນ 285 ໂຄງການຢູ່ທີ່ແຂວງຫຼວງນໍ້າທາ, … Continue reading →
ທະນາຄານແຫ່ງ ສປປ ລາວ ບໍ່ສາມາດຄວບຄຸມອັດຕາແລກປ່ຽນ ລະຫວ່າງ ເງິນຕາຕ່າງປະເທດ ກັບ ເງິນກີບໃຫ້ຢູ່ໃນອັດຕາທີ່ເໝາະສົມໄດ້ ເພາະວ່າພາກທຸລະກິດເອກະຊົນຂາດຄວາມເຊື່ອໝັ້ນໃນຄ່າເງິນກີບ. ທ່ານ ສົມພາວ ໄຟສິດ ຜູ້ວ່າການທະນາຄານາແຫ່ງ ສປປ ລາວ ຍອມຮັບວ່າອັດຕາແລກປ່ຽນເງິນຕາໃນ ລາວ ໄດ້ຕົກຢູ່ພາຍໃຕ້ສະພາວະຜັນຜວນຢ່າງຕໍ່ເນື່ອງ ຊຶ່ງນອກຈາກຈະມີສາເຫດມາຈາກສະພາວະເຄັ່ງຕຶງດ້ານງົບປະມານຂອງລັດຖະບານ ລາວແລ້ວ ກໍຍັງມີສາເຫດມາຈາກສະພາວະການຫຼຸດລົງຂອງທຶນສຳຮອງເງິນຕາຕ່າງປະເທດໃນຄັງຂອງລັດຖະບານ ລາວດ້ວຍ; ພາຍໃຕ້ສະພາບການດັ່ງກ່າວນີ້ ຍັງເຮັດໃຫ້ພາກທຸລະກິດເອກະຊົນຂາດຄວາມເຊື່ອໝັ້ນໃນຄ່າເງິນກີບ ຈຶ່ງໄດ້ພາກັນຖືຄອງເງິນຕາຕ່າງປະເທດຫຼາຍຂຶ້ນ ໂດຍສະເພາະແມ່ນເງິນໂດລາ ສະຫະລັດ ແລະ ເງິນບາດ ຊຶ່ງກໍເຮັດໃຫ້ທະນາຄານຂອງລັດບໍ່ສາມາດຄວບຄຸມເງິນຕາ ແລະ ອັດຕາແລກປ່ຽນທີ່ເໝາະສົມດັ່ງທີ່ທ່ານ ສົມພາວ … Continue reading →
ນາຍົກລັດຖະມົນຕີລາວ ຍອມຮັບວ່າ ເສດຖະກິດຂອງລາວຂະຫຍາຍຕົວຕໍ່າກວ່າຄາດໝາຍແຜນການ ທີ່ວາງໄວ້ໃນປີ 2017 ແຕ່ກໍເຊື່ອໝັ້ນວ່າ ພື້ນຖານເສດຖະກິດຂອງລາວ ຍັງມີສະຖຽນລະພາບ ແລະ ຍັງຈະຂະຫຍາຍຕົວເພີ້ມຂຶ້ນຕໍ່ໄປ. ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຖະແຫລງຍອມຮັບຕໍ່ກອງປະຊຸມສະໄໝສາມັນຄັ້ງທີ 4 ຂອງສະພາແຫ່ງຊາດລາວຊຸດທີ 8 ທີ່ໄຂຂຶ້ນຢ່າງເປັນທາງການໃນວັນທີ 16 ຕຸລາ ແລະ ຍັງຈະດໍາເນີນຕໍ່ໄປຈົນເຖິງວັນທີ 16 ພະຈິກ 2017 ນີ້ວ່າ ການຈັດຕັ້ງປະຕິບັດແຜນການພັດທະນາ ທາງເສດຖະກິດຂອງລາວ ໃນປີ 2017 ນີ້ ຈະບໍ່ສາມາດຈັດຕັ້ງປະຕິບັດໄດ້ຕາມຄາດໝາຍທີ່ວາງໄວ້ ກໍຄື ໃນຂະນະທີ່ຄາດໝາຍທີ່ວາງເອົາໄວ້ວ່າຈະຊຸກຍູ້ໃຫ້ຍອດຜະລິດພາຍໃນ (GDP) … Continue reading →
ຄ່າໃຊ້ຈ່າຍສູງເປັນສາເຫດສຳຄັນປະການຫນຶ່ງ ທີ່ເກີດໃຫ້ນັກທ່ອງທ່ຽວຊາວຕ່າງຊາດເດີີນທາງເຂົ້າມາໃນລາວຫລຸດລົງຢ່າງຕໍ່ເນື່ອງ ທັງຍັງເປັນຄ່າໃຊ້ຈ່າຍ ທີ່ສູງກວ່າທຸກປະເທດໃນເຂດລຸ່ມແມ່ນໍ້າຂອງອີກດ້ວຍ.“ ທ່ານ ສູນ ມະນີວົງ ຫົວໜ້າກົມໂຄສະນາ ແລະ ສົ່ງເສີມການທ່ອງທ່ຽວ ໃນສັງກັດກະຊວງຖະແຫລງຂ່າວ, ວັດທະນາທຳ ແລະທ່ອງທ່ຽວ ໃຫ້ການຢືນຢັນວ່າ: ການມີຄ່າໃຊ້ຈ່າຍຕ່າງໆທີ່ສູງກວ່າທຸກປະເທດ ທີ່ຢູ່ໃນເຂດລຸ່ມແມ່ນໍ້າຂອງດ້ວຍກັນ ເປັນສາເຫດທີ່ສຳຄັນປະການຫນຶ່ງທີ່ເຮັດໃຫ້ນັກທ່ອງທ່ຽວຊາວຕ່າງຊາດ ເດີນທາງເຂົ້້າມາໃນລາວຫລຸດລົງຢ່າງຕໍ່ເນື່ອງ ໂດຍສະເພາະ ຄ່າຄອງຊີບ, ຄ່າເດີນທາງ ,ຄ່າ ທຳນຽມ ແລະ ຄ່າບໍລິການຕ່າງໆນັ້ນ . “ລາຍການທ່ອງທ່ຽວ ຖ້າແມ່ນໄປທ່ອງທ່ຽວຫວຽດນາມໄດ້ 4 ວັນ 5 ຄືນ ມາທ່ຽວບ້ານເຮົາໄດ້ແຕ່ 2 … Continue reading →
ຄະນະປະຈຳສະພາແຫ່ງຊາດລະບຸວ່າ ລັດຖະບານລາວຈັດຕັ້ງປະຕິບັດແຜນການພັດທະນາ ເສດຖະກິດສັງຄົມ ໃຫ້ຕໍ່າກວ່າລະດັບຄາດໝາຍໃນເກືອບທຸກດ້ານ ໂດຍສະເພາະການພັດທະນາສີມືແຮງງານນັ້ນ. ທ່ານ ບຸນປອນ ສີສຸນາດ ຄະນະປະຈຳສະພາແຫ່ງຊາດ ແລະ ປະທານກຳມາທິການທຸລະກິດເທັກໂນໂລຢີ ແລະສິ່ງແວດລ້ອມ ຖະແຫລງລາຍງານຕໍ່ກອງປະຊຸມສະໄໝສາມັນຄັ້ງທີ 4 ຂອງສະພາແຫ່ງຊາດລາວ ຊຸດທີ 8 ທີ່ດຳເນີນກອງປະຊຸມແຕ່ວັນທີ 16 ຕຸລາ ຫາ 17 ພະຈິກ 2017 ນີ້ວ່າ ການຈັດຕັ້ງປະຕິບັດແຜນພັດທະນາເສດຖະກິດ ແລະ ສັງຄົມ ຂອງລັດຖະບານລາວ ໃນໄລຍະ 9 ເດືອນຜ່ານມາ ບໍ່ສາມາດບັນລຸຄາດໝາຍທີ່ວາງໄວ້ໃນເກືອບທຸກດ້ານ … Continue reading →
ໜີ້ສິນພາຍໃນຂອງລັດຖະບານລາວ ເພີ້ມຂຶ້ນຢ່າງຫລວງຫລາຍ ເພາະການອະນຸຍາດໃຫ້ບັນດາບໍລິສັດເອກະຊົນເປັນຜູ້ລົງທຶນໃຫ້ກ່ອນໃນບັນດາໂຄງການພັດທະນາຕ່າງໆທີ່ເຮັດໃຫ້ລັດຖະບານຕ້ອງຊໍາລະຄືນໃນພາຍຫລັງ. ທ່ານ ສົມດີ ດວງດີ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການເງິນ ຖະແຫລງຍອມຮັບວ່າ ລັດຖະບານລາວກໍາລັງປະເຊີນກັບບັນຫາໜີ້ສິນພາຍໃນເພີ້ມຂຶ້ນຢ່າງຫລວງຫລາຍ ໂດຍມີສາເຫດມາຈາກການທີ່ໄດ້ອະນຸຍາດໃຫ້ບັນດາບໍລິສັດເອກະຊົນເປັນຜູ້ອອກ ຫລື ລົງທຶນໃຫ້ກ່ອນ ໃນບັນດາໂຄງການພັດທະນາຕ່າງໆ ທີ່ລັດຖະບານບໍ່ມີຄວາມພ້ອມໃນດ້ານງົບປະມານ ແລະ ເມື່ອບໍລິສັດເອກະຊົນໄດ້ດໍາເນີນງານສໍາເລັດແລ້ວນັ້ນ ຈຶ່ງເຮັດໃຫ້ລັດຖະບານມີພັນທະທີ່ຕ້ອງຊໍາລະຄືນເງິນທຶນດັ່ງກ່າວ ພ້ອມດ້ວຍດອກເບ້ຍທີ່ໄດ້ຕົກລົງໄວ້ ໃນສັນຍາຂອງແຕ່ລະໂຄງການນັ້ນ. ໂດຍໜີ້ສິນດັ່ງກ່າວນີ້ ຍັງບໍ່ທັນລວມເຖິງໜີ້ສິນ ທີ່ເກີດຈາກການກູ້ຢືມ ເພື່ອດຸ່ນດ່ຽງງົບປະມານ ແຕ່ຢ່າງໃດກໍຕາມ ດັ່ງທີ່ທ່ານສົມດີ … Continue reading →
ລັດຖະບານລາວ ເນັ້ນການເສີມສ້າງຄວາມໝັ້ນຄົງແຫ່ງຊາດ ເພື່ອຮັບປະກັນ ໃຫ້ການຈັດຕັ້ງປະຕິບັດ ແຜນການພັດທະນາເສດຖະກິດ-ສັງຄົມແຫ່ງຊາດ ໃນສົກປີ 2018 ໃຫ້ມີປະສິດທິຜົນ ຢ່າງແທ້ຈິງ. ທ່ານ ຈະເລີນ ເຢຍປາວເຮີ ລັດຖະມົນຕີ ແລະ ໂຄສົກຄະນະລັດຖະບານລາວ ຢືນຢັນວ່າລັດຖະບານລາວ ໄດ້ໃຫ້ຄວາມສຳຄັນເປັນພິເສດຕໍ່ການເສີມສ້າງຄວາມໝັ້ນຄົງ ແລະ ຄວາມສະຫງົບຮຽບຮ້ອຍພາຍໃນ ເພື່ອຮັບປະກັນໃຫ້ກັບການຈັດຕັ້ງປະຕິບັດ ແຜນການພັດທະນາເສດຖະກິດ-ສັງຄົມ ໃນປີ 2018 ໃຫ້ມີປະສິດທິພາບ ແລະ ບັນລຸຕາມເປົ້າໝາຍທີ່ວາງໄວ້ ໃນທຸກດ້ານ ໂດຍສະເພາະແມ່ນແຜນເງິນຕາ ແລະ ແຜນງົບປະມານດັ່ງທີ່ ທ່ານ ຈະເລີນ ໄດ້ໃຫ້ການຢືນຢັນໃນໂອກາດກອງປະຊຸມເປີດກວ້າງ ລະຫວ່າງ ຄະນະລັດຖະບານ … Continue reading →
