ລັດຖະບານ ລາວ ຈະປະກາດເປີດ ແລະ ເລີ່ມການຈັດຕັ້ງປະຕິບັດປີການທ່ອງທ່ຽວລາວ 2018 ຢ່າງເປັນທາງການໃນໂອກາດດຽວກັນກັບງານບຸນນະມັດສະການທາດຫຼວງ ທີ່ຈະມີຂຶ້ນໃນທ້າຍເດືອນຕຸລາ 2017 ນີ້. ທ່ານ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວໃຫ້ການຢືນຢັນວ່າ: ການປະກາດເປີດ ແລະ ເລີ່ມການຈັດຕັ້ງປະຕິບັດປີການທ່ອງທ່ຽວ ລາວ 2018 ໄດ້ກຳນົດຈະຈັດຂຶ້ນຢ່າງເປັນທາງການໃນໂອກາດດຽວກັນກັບ ງານບຸນນະມັດສະການພະທາດຫຼວງ ປະຈຳປີ 2017 ທີ່ຈະເລີ່ມຂຶ້ນຢ່າງເປັນທາງການໃນວັນທີ 28 ຕຸລາທີ່ຈະມາເຖິງນີ້ ໂດຍຈະເຊີນບັນດາສື່ມວນຊົນ ແລະ ແຂກຕ່າງປະເທດ … Continue reading →
ລັດຖະມົນຕີລາວ ຍອມຮັບວ່າ ຊາວຕ່າງຊາດເດີນທາງ ເຂົ້າມາທ່ອງທ່ຽວໃນລາວຫລຸດລົງເຖິງ 12 ເປີເຊັນ ໃນຊ່ວງ 6 ເດືອນທຳອິດຂອງປີ 2017 ໂດຍສະເພາະນັກທ່ອງທ່ຽວໃນກຸ່ມອາຊຽນດ້ວຍກັນນັ້ນ ລົດລົງຫຼາຍທີ່ສຸດ. ທ່ານບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ ຍອມຮັບວ່າ ໃນຊ່ວງ 6 ເດືອນທຳອິດຂອງປີ 2017 ຊາວຕ່າງຊາດ ໄດ້ເດີນທາງເຂົ້າມາທ່ອງທ່ຽວໃນລາວ ຫລຸດລົງເຖິງ 12 ເປີເຊັນ ເມື່ອທຽບໃສ່ ໄລຍະດຽວກັນຂອງປີ 2016 ໂດຍສະເພາະແມ່ນນັກທ່ອງທ່ຽວ ຈາກປະເທດສະມາຊິກ ໃນກຸ່ມອາຊຽນ ດ້ວຍກັນນັ້ນ ຖືເປັນກຸ່ມນັກທ່ອງທ່ຽວທີ່ເດີນທ່ອງເຂົ້າມາໃນລາວ … Continue reading →
ລັດຖະມົນຕີ ກະຊວງປ້ອງກັນປະເທດເນັ້ນຢໍ້າວ່າ ກອງທັບມີພາລະໜ້າທີ່ທີ່ສໍາຄັນ ທີ່ຈະຕ້ອງຮັບປະກັນຄວາມປອດໄພໃຫ້ແກ່ໂຄງການກໍ່ສ້າງລົດໄຟເຊື່ອມຕໍ່ລາວ ກັບ ຈີນ. ພົນໂທຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ ຖະແຫລງຢືນຢັນວ່າ ພາລະໜ້າທີ່ ທີ່ສໍາຄັນ ຂອງກອງທັບປະຊາຊົນລາວຈະຕ້ອງປະຕິບັດໃຫ້ໄດ້ 100 ເປີເຊັນ ກໍຄືການຮັບປະກັນຄວາມປອດໄພໃຫ້ແກ່ໂຄງການກໍ່ສ້າງທາງລົດໄຟເຊື່ອມຕໍ່ລະຫວ່າງລາວກັບຈີນ ໂດຍປະສານສົມທົບກັບທຸກພາກສ່ວນ ໃນທຸກພື້ນທີ່ ທີ່ທາງລົດໄຟຜ່ານ ທັງຍັງຈະຕ້ອງກວດກາທຸກການເຄື່ອນໄຫວໃນສັງຄົມ ອີກດ້ວຍ ດັ່ງທີ່ພົນໂທຈັນສະໝອນ ໄດ້ໃຫ້ການເນັ້ນຢໍ້າວ່າ: “ການປະຕິບັດໜ້າທີ່ຢູ່ພາກສະໜາມ ມັນມີການພົວພັນກັບຫລາຍພາກສ່ວນ ດັ່ງນັ້ນ ຖ້າປະຕິບັດໜ້າທີ່ ພື້ນທີ່ໃດ ກໍຈະຕ້ອງປະສານສົມທົບກັບຄະນະພັກ ອໍານາດການປົກຄອງຂອງທ້ອງຖິ່ນນັ້ນ ໃຫ້ແໜ້ນແຟ້ນ ໃຫ້ມີຄວາມເປັນເອກະພາບ ໃຫ້ຮັບປະກັນ ເພາະບໍ່ແມ່ນແຕ່ໜ້າທີ່ ທີ່ຈະກວດຄົ້ນ ເກັບກູ້ລະເບີດເທົ່ານັ້ນ ພວກສະຫາຍຍັງຕ້ອງເຮັດໜ້າທີ່ ຮັບປະກັນຄວາມສະຫງົບປອດໄພ ຢູ່ໃນເຂດດັ່ງກ່າວ ຊຶ່ງບັນດາຄົນບໍ່ດີ ຍັງຈະເລັດລອດສ້າງບັນຫາໃຫ້ພວກເຮົາ … Continue reading →
ທ່ານນາງ ປານີ ຢາທໍຕູ້ ປະທານສະພາແຫ່ງຊາດ ລາວ ໃຫ້ການຢືນຢັນວ່າ ປະຊາຊົນລາວ ທຸກຄົນທີ່ໄດ້ຮັບຜົນກະທົບຈາກໂຄງການພັດທະນາຕ່າງໆຂອງລັດທີ່ລວມເຖິງໂຄງການກໍ່ສ້າງທາງລົດໄຟໃນ ລາວ ເພື່ອເຊື່ອມຕໍ່ກັບ ຈີນ ດ້ວຍນັ້ນ ຈະໄດ້ຮັບການຊ່ວຍເຫຼືອ ແລະ ຊົດເຊີຍຜົນເສຍຫາຍຢ່າງຍຸຕິທຳ ແລະ ສອດຄ່ອງກັບສະພາບທີ່ເປັນຈິງ ໂດຍຫຼ້າສຸດຄະນະປະຈຳສະພາແຫ່ງຊາດ ແລະ ຄະນະລັດຖະບານ ລາວ ກໍໄດ້ປະຊຸມເພື່ອປຶກສາຫາລືກັນ ກ່ຽວກັບ ມາດຕະການຕ່າງໆທີ່ຈະຈັດຕັ້ງປະຕິບັດເພື່ອຮັບປະກັນວ່າ ປະຊາຊົນ ລາວ ທີ່ຖືກກະທົບດັ່ງກ່າວຈະໄດ້ຮັບການຊ່ວຍເຫຼືອ ແລະ ການຊົດເຊີຍຢ່າງເຕັມສ່ວນ ດັ່ງທີ່ທ່ານນາງ ປານີ ໄດ້ໃຫ້ການຢືນຢັນວ່າ. “ກອງປະຊຸມຄັ້ງນີ້ໄດ້ພ້ອມກັນປຶກສາຫາລື ການຈັດຕັ້ງປະຕິບັດນະໂຍບາຍຊົດເຊີຍຕໍ່ປະຊາຊົນທີ່ໄດ້ຮັບຜົນກະທົບຈາກໂຄງການລົງທຶນພັດທະນາຂອງ ລັດ ລວມທັງໂຄງການກໍ່ສ້າງທາງລົດໄຟ, ໂຄງການລົງທຶນພາຍໃນ … Continue reading →
ໂຄງການກໍ່ສ້າງທາງລົດໄຟ ລາວ-ຈີນ ສົ່ງຜົນກະທົບຕໍ່ປະຊາຊົນລາວ 4,411 ຄອບຄົວໃນ 13 ເມືອງຂອງ 5 ແຂວງ ໂດຍທາງການລາວ ແລະ ຈີນ ຈະຊົດເຊີຍຄວາມເສຍຫາໃຫ້ຕາມສະພາບຕົວຈິງ. ທ່ານ ລັດຕະນະມະນີ ຄູນນິວົງ ຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ ຢືນຢັນວ່າ ການສຳຫຼວດ ກ່ຽວກັບຜົນກະທົບຈາກໂຄງການກໍ່ສ້າງທາງລົດໄຟ ລາວ-ຈີນດໍາເນີນການສຳເລັດແລ້ວ ໃນຂະນະນີ້ ຊຶ່ງກໍປະກົດວ່າ ມີປະຊາຊົນທີ່ຈະໄດ້ຮັບຜົນກະທົບ ຈຳນວນ 4,411 ຄອບຄົວ ໃນເຂດ 13 ເມືອງໃນແຂວງຫລວງນ້ຳທາ,ອຸດົມໄຊ, ຫລວງພະບາງ, ວຽງຈັນ ແລະ ນະຄອນຫລວງວຽງຈັນ ໂດຍມີທີ່ດິນທີ່ຖືກກະທົບ 3,832 … Continue reading →
ກອງປະຊຸມປັບປຸງກົດໝາຍວ່າດ້ວຍການແຂ່ງຂັນທາງທຸລະກິດ ສະບັບ ພາສາອັງກິດ ວັນທີ 15 ທັນວາ 2015 ທີ່ໂຮງແຮມ ເສດຖາ ປາລາສ ນະຄອນຫລວງວຽງຈັນ ກົມການຄ້າພາຍໃນ ກະຊວງອຸດສາຫະກຳ ແລະ ການຄ້າ ໃນຖານະທີ່ຮັບຜິດຊອບໂດຍກົງວຽກງານປົກປ້ອງຜູ່ຊົມໃຊ້ແລະ ວຽກງານແຂ່ງຂັນທາງທຸລະກິດໄດ້ຈັດກອງປະຊຸມປັບປຸງກົດໝາຍວ່າດ້ວຍການແຂ່ງຂັນທາງທຸລະກິດ ສະບັບ ພາສາອັງກິດວັນທີ 15 ທັນວາ 2015 ທີ່ໂຮງແຮມ ເສດຖາ ປາລາສ ນະຄອນຫລວງວຽງຈັນ ຊຶ່ງກອງປະຊຸມດັ່ງກ່າວນີ້ແມ່ນໄດ້ຮັບການສະໜັບສະໜູນທຶນ ຈາກອົງການGIZ-CPL2 ລັດຖະບານເຢຍລະມັນໂດຍການເປັນປະທານຂອງທ່ານ ສຸລະຍົນ ພິລາວົງຮອງຫົວໜ້າກົມການຄ້າພາຍໃນ ກະຊວງອຸດສາຫະກຳແລະ ການຄ້າເຂົ້າຮ່ວມໃນກອງປະຊຸມມີຜູ້ຕາງໜ້າຈາກພາຍໃນກະຊວງ, ຂະແໜງການ ແລະ ອົງການທີ່ກ່ຽວຂ້ອງເຊັ່ນ: ສຳນັກງານປະທານປະເທດ, ຫ້ອງການລັດຖະບານ, ກະຊວງການຕ່າງປະເທດ, ມະຫາວິທະຍາໄລແຫ່ງຊາດ … Continue reading →
ໃນຕອນເຊົ້າ ຂອງວັນທີ່ 1 ພະຈິກ 2015 ທີ່ຜ່ານມານີ້ຢູ່ທີ່ຕະຫຼາດອຸດົມຊັບໄດ້ມີພິທີເປີດງານວາງສະແດງສິນຄ້າ ຫັດຖະກຳ, ກະສິກຳ ແລະ ສິນຄ້າອຸດສາຫະກຳ ເພື່ອຕ້ອນຮັບກອງປະຊຸມໃຫ່ຍຂອງອົງຄະນະພັກແຂວງອຸດົມໄຊຄັ້ງທີ່ VIII ງານວາງສະແດງສິນຄ້າໃນຄັ້ງນີ້ເຊີ່ງຈະໄດ້ຈັດຂື້ນໃນລະຫວ່າງວັນທີ 30 ຕຸລາ 2015 ຫາວັນທີ 5 ພະຈິກ 2015. ໂດຍການເປັນປະທານຂອງທ່ານ ບຸນທຳ ວັນນະພອນ ຮອງເລຂາໜ່ວຍພັກ ຮອງຫົວໜ້າພະແນກອຸດສາຫະກຳ ແລະ ການຄ້າ. ເຂົ້າຮ່ວມພິທີເປີດງານໃນຄັ້ງນີ້ມີບັນດາທ່ານຜູ້ຕາງໜ້າຈາກພະແນກການຂະແໜງການທີ່ກ່ຽວຂ້ອງ, ບັນດາຮ້ານຂາຍເຄື່ອງຫົວໜ່ວຍທຸລະກິດ, ພໍ່ຄ້າຊາວຂາຍຢູ່ເທດສະບານເມືອງໄຊ, ຕົວແທນຈາກບັນດາ 6 ເມືອງເຂົ້າຮ່ວມທັງໜົດຈຳນວນ 60 ກວ່າສະຫາຍ. ຈຳນວນຮ້ານຂາຍເຄື່ອງທີ່ເຂົ້າມາ ວາງສະແດງຂາຍໃນຄັ້ງນີ້ມີທັງໝົດ 66 ຮ້ານ, ໃນນັ້ນມີຮ້ານຂາຍເຄື່ອງຫັດຖະກຳຈາກເມືອງ … Continue reading →
ຂປລ.ໂຄງການກໍ່ສ້າງເສັ້ນທາງລົດໄຟ ລາວ-ຈີນ ໃກ້ຈະເປັນຈິງ ເນື່ອງຈາກກອງປະຊຸມລັດ ຖະບານເປີດກວ້າງ ປະຈຳສົກປີ 2014-2015 ໄດ້ຮັບຮອງແຜນດຳເນີນການຂອງກະຊວງໂຍທາທິການ ແລະ ຂົນສົ່ງ ກ່ຽວກັບຮູບແບບ, ໂຄງສ້າງຂອງການລົງທຶນ, ລວມທັງດ້ານນະໂຍບາຍສະໜັບສະໜູນໂຄງການ, ຕະຫລອດເຖິງຜົນສຳຫລວດແລວທາງ ແລະ ຂອບເຂດສະຖານີຕ່າງໆ. ທ່ານ ດຣ.ບຸນຈັນ ສິນທະວົງ ລັດຖະມົນຕີວ່າການ ກະຊວງໂຍທາທິການ ແລະ ຂົນສົ່ງຊີ້ແຈງຕໍ່ສື່ມວນຊົນໃນວັນທີ 25 ກັນຍາ 2015 ນີ້ວ່າ: ໂຄງການກໍ່ສ້າງເສັ້ນທາງລົດໄຟ ລາວ-ຈີນ ຄາດວ່າຈະເລີ່ມຂຶ້ນໃນທ້າຍປີນີ້ ຢ່າງແນ່ນອນ ໂດຍມີຄວາມຍາວ 417 ກິໂລແມັດ ເຊິ່ງນຳໃຊ້ມາດຕະຖານເຕັກນິກສາກົນໃນການອອກແບບ ມີຄວາມກວ້າງ 1.435 ແມັດ, ເປັນເສັ້ນທາງລົດໄຟລາງດ່ຽວນຳໃຊ້ຄວບຄູ່ກັນ ລະຫວ່າງ ລົດໄຟຂົນສົ່ງໂດຍສານ ທີ່ມີຄວາມໄວ 160 ກິໂລແມັດ/ຊົ່ວໂມງ ແລະ ລົດໄຟຂົນສົ່ງສິນຄ້າ, ຄວາມໄວ 120 ກິໂລແມັດ/ຊົ່ວໂມງ. ຕະຫລອດໄລຍະເສັ້ນທາງມີສະຖານີທັງໝົດ 31 ແຫ່ງ, ໃນນັ້ນມີ ສະຖານີໃຫຍ່ຈຳນວນ 5 … Continue reading →
ໃນຕອນເຊົ້າຂອງວັນທີ 30 ມີຖຸນາ 2015 ທີ່ຜ່ານມານີ້ຢູ່ທີ່ຫ້ອງປະຊຸມພະແນກອຸດສາຫະກຳ ແລະ ການຄ້າ ແຂວງອຸດົມໄຊ ໄດ້ມີກອງປະຊຸມປຶກສາຫາລື ແລະ ຊອກຫາວິທີການຄຸ້ມຄອງແກ້ໄຂບັນຫາຊາວຕ່າງປະເທດທີ່ທຳມາຄ້າຂາຍ ແລະ ດຳເນີນທຸລະກິດຢູ່ ສປປລາວ ໂດຍສະເພາະແມ່ນຢູ່ພາຍໃນແຂວງອຸດົມໄຊ. ໂດຍການເປັນປະທານຂອງທ່ານ ສຸກ ບຸນທະຈິດ ເລຂາໜ່ວຍພັກ, ຮອງຫົວໜ້າພະແນກອຸດສາຫະກຳ ແລະ ການຄ້າ. ມີບັນດາທ່ານ ຕາງໜ້າຈາກພະແນກການທີ່ກ່ຽວຂ້ອງຂອງແຂວງ, ຂະແໜງການພາຍໃນພະແນກ ແລະ ຫ້ອງການທີ່ກ່ຽວຂ້ອງພາຍໃນເມືອງໄຊ ເຂົ້າຮ່ວມທັງໝົດຈຳນວນ 22 ທ່ານ, ຍິງ 2 ທ່ານ. ກອງປະຊຸມຍັງໄດ້ຮັບຟັງກ່ຽວກັບບົດສະຫຼຸບຫຍໍ້ການຈັດຕັ້ງປະຕິບັດຄຸ້ມຄອງຊາວຕ່າງປະເທດໃນໄລຍະຜ່ານມາໃຫ້ບັນດາທ່ານໄດ້ຮັບຟັງ, ຈາກນັ້ນປະທານກອງປະຊຸມຍັງໄດ້ຍົກເອົາບາງບັນຫາຂື້ນມາເພື່ອເປັນການປຶກສາຫາລືແລກປ່ຽນນຳບັນດາທ່ານທີ່ມາຈາກແຕ່ລະຂະແໜງການ. ຈາກນັ້ນບັນດາທ່ານ,ບັນດາສະຫາຍກໍ່ໄດ້ຍົກເອົາສະພາບການ ແລະ ບັນຫາຕ່າງໆທີ່ພົບເຫັນໃນໄລຍະຜ່ານມາ … Continue reading →
ໃນຕອນເຊົ້າວັນທີ 14 ມັງກອນ 2015 ທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສປປ ລາວ ພ້ອມດ້ວຍຄະນະ ໄດ້ລົງຊຸກຍູ້ການຜະລິດ ຢູ່ເມືອງສີສັດຕະນາກ ແລະ ຫາດຊາຍຟອງ ນະຄອນຫລວງວຽງຈັນ ໂດຍມີທ່ານເຈົ້າຄອງ, ຮອງເຈົ້າຄອງນະຄອນຫລວງວຽງຈັນ, ບັນດາທ່ານລັດຖະມົນຕີວ່າການ, ຊ່ວຍວ່າການ, ທ່ານເຈົ້າເມືອງ ແລະ ພະແນກການທີ່ກ່ຽວຂ້ອງ ເຂົ້າຮ່ວມເຄື່ອນໄຫວ. ໂອກາດຢ້ຽມຢາມເມືອງຫາດຊາຍຟອງ ທ່ານປະທານປະເທດ ແລະ ຄະນະ ໄດ້ຢ້ຽມຢາມຟາມກະສິກຳ ພັນເພັດ ການກະເສດ ແລະ ໄດ້ຮັບຟັງການ ລາຍງານຈາກທ່ານ ທອງສະຫວັນ ມີບຸນ ປະທານບໍລິສັດ ພັນເພັດກະສິກຳ ຈໍາກັດ … Continue reading →
