ວັນທີ 13 ມິຖຸນາ 2023, ທີ່ກະຊວງອຸດອຸດສາຫະກໍາ ແລະ ການຄ້າ ຈັດກອງປະຊຸມເຜີຍແຜ່ເຊື່ອມຊືມບັນດານິຕິກໍາທີ່ ກ່ຽວກັບ ເພື່ອເປັນການກະກຽມດໍາເນີນກອງປະຊຸມຄົບຄະນະກາງສະໄໝ ຂອງຄະນະບໍລິຫານພັກກະຊວງອຸດສາຫະກໍາ ແລະ ການຄ້າ ສະໄໝທີ V, ໂດຍການເປັນປະທານຂອງ ສະຫາຍ ມະໄລທອງ ກົມມະສິດ ກໍາມະການສໍາຮອງສູນກາງພັກ, ເລຂາຄະນະບໍລິຫານງານພັກກະຊວງ ອຄ, ມີຮອງເລຂາຄະນະບໍລິຫານງານພັກກະຊວງ ອຄ, ບັນດາເລຂາໜ່ວຍພັກ, ຄະນະໜ່ວຍພັກ ແລະ ຫ້ອງການພັກ ທົ່ວອົງຄະນະພັກກະຊວງ ອຄ ເຂົ້າຮ່ວມ.
ໂອກາດນີ້ ທ່ານ ມະໄລທອງ ກົມມະສິດ ເລຂາຄະນະບໍລິຫານງານພັກກະຊວງ ອຄ ໄດ້ເຜີຍແຜ່ເຊື່ອມຊຶມເອກະ ສານຄື: ເຜີຍແຜ່ເນື້ອໃນມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 6 ສະໄໝທີ XI; ເນື້ອໃນເອກະສານ (ສືບຕໍ່ຍູ້ແຮງຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບ ດ້ານໃນການນໍາພາຂອງພັກ); ແລະ ຄໍາແນະນໍາຂອງຫ້ອງວ່າການສູນກາງພັກ ກ່ຽວກັບບົດສະຫຼຸບຕີລາຄາການຈັດຕັ້ງປະ ຕິບັດມະຕິກອງປະຊຸມໃຫຍ່ ອົງຄະນະພັກກະຊວງ, ອົງການ ແລະ ທ້ອງຖິ່ນ ໄລຍະກາງສະໄໝ ຕິດພັນກັບແຜນພັດທະ ນາເສດຖະກິດ-ສັງຄົມ ແລະ ການຈັດຕັ້ງປະຕິບັດວາລະແຫ່ງຊາດ ສະບັບເລກທີ 03/ຫສພ, ລົງວັນທີ 08 ພຶດສະພາ 2
ທ່ານ ນ ຈັນສຸກ ແສງພະຈັນ ຮອງເລຂາຄະນະພັກກະຊວງ ອຄ ໄດ້ເຜີຍແຜ່ ຄື: ຄໍາສັ່ງຂອງຄະນະເລຂາທິການສູນກາງພັກ ວ່າດ້ວຍການດໍາເນີນກອງປະຊຸມຄົບຄະນະກາງສະໄໝຂອງຄະນະບໍລິຫານງານພັກ ແຕ່ລະຂັ້ນ ສະບັບເລກທີ 268/ຄລສພ, ລົງວັນທີ 20 ມັງກອນ 2023; ຄໍາແນະນໍາຂອງຄະນະຈັດຕັ້ງສູນກາງພັກ ກ່ຽວກັບການຈັດຕັ້ງປະຕິບັດຄໍາສັ່ງຂອງຄະນະເລຂາທິການສູນກາງພັກ ວ່າດ້ວຍການດໍາເນີນກອງປະຊຸມຄົບຄະນະກາງສະໄໝຂອງຄະນະບໍລິຫານງານພັກ ແຕ່ລະຂັ້ນ ສະບັບເລກທີ 25/ຄຈສພ, ລົງວັນທີ 24 ມັງກອນ 2023; ແລະ ແຈ້ງການຂອງຄະນະຈັດຕັ້ງສູນກາງພັກ ກ່ຽວກັບການກະກຽມ ແລະ ດໍາເນີນກອງປະຊຸມຄົບຄະນະບໍລິຫານງານພັກກະຊວງ-ອົງການ ຂັ້ນຕົນ ສະບັບເລກທີ 88/ຄຈສພ, ລົງວັນທີ 11 ພຶດສະພາ 2023.
ນອກຈາກນີ້ ມີຄະນະປະຈໍາພັກ, ຄະນະພັກ ກະຊວງ ອຄ ເຜີຍແຜ່ເອກະສານຕື່ມອີກຈໍານວນໜຶ່ງຄື. ຜ່ານແຜນການກະ ກຽມການດໍາເນີນກອງປະຊຸມກາງສະໄໝຂອງຄະນະບໍລິຫານງານພັກກະຊວງ ອຄ ສະໄໝທີ 5 ສະບັບ ເລກທີ 081/ຄບພ.ອຄ, ລົງວັນທີ 19 ພຶດສະພາ 2023; ຜ່ານມະຕິຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບເພື່ອກະກຽມດໍາເນີນກອງປະຊຸມຄົບຄະນະກາງສະໄໝ ຂອງຄະນະບໍລິຫານງານພັກກະຊວງ ອຄ ສະໄໝທີ 5 ສະບັບ ເລກທີ 082/ຄບພ.ອຄ, ລົງວັນທີ 19 ພຶດສະພາ 2023; ຜ່ານມະຕິຕົກລົງ ວ່າດ້ວຍການແຕ່ງຕັ້ງຄະນະຮັບຜິດ ຊອບດໍາເນີນກອງປະຊຸມຄົບຄະນະກາງສະໄໝຂອງຄະນະພັກຮາກຖານ ແລະ ຄະນະໜ່ວຍພັກທີ່ຂຶ້ນກັບຄະນະພັກກະ ຊວງ ອຄ ສະບັບເລກທີ 098/ຄບພ.ອຄ, ລົງວັນທີ 12 ມິຖຸນາ 2023; ຜ່ານແຈ້ງການ ກ່ຽວກັບການກະກຽມ ແລະ ດຳເນີນກອງປະຊຸມ ຄົບຄະນະກາງສະໄໝ ຂອງຄະນະພັກຮາກຖານ ແລະ ຄະນະໜ່ວຍພັກ ທີ່ຂຶ້ນກັບອົງຄະນະພັກກະຊວງ ອຄ ສະບັບເລກທີ 099/ຄບພ.ອຄ, ລົງວັນທີ 12 ມິຖຸນາ 2023; ຕາຕະລາງດໍາເນີນກອງປະຊຸມຄົບຄະນະກາງສະໄໝ ຂອງບັນດາຮາກຖານພັກ ແລະ ຂອງຄະນະບໍລິຫານງານພັກກະຊວງ ອຄ ສະໄໝທີ V ສະບັບເລກທີ 100/ຄບພ.ອຄ, ລົງວັນທີ 12 ມິຖຸນາ 2023; ຜ່ານຮ່າງຄໍາແນະນໍາ ກ່ຽວກັບການຜັນຂະຫຍາຍແຜນຈັດຕັ້ງປະຕິບັດ ວຽກບູລິມະສິດ ແລະ ວຽກສໍາຄັນຂອງກະຊວງ ອຄ ປະຈໍາປີ 2023; ແລະ ຜ່ານຂໍ້ຕົກລົງວ່າດ້ວຍການມອບຄວາມຮັບຜິດຊອບ ໃນການຈັດຕັ້ງປະຕິບັດແຜນວຽກບູລິມະສິດ ແລະ ວຽກສໍາຄັນຂອງກະຊວງ ອຄ ປະຈໍາປີ 2023.
ການຈັດຕັ້ງເຜີຍແຜ່ເຊື່ອມຊຶມເນື້ອໃນເອກະສານສຳຄັນໃນຄັ້ງນີ້ ເພື່ອເປັນການກຽມຄວາມພ້ອມໃນການກະ ກຽມດຳເນີນກອງປະຊຸມຄົບຄະນະກາງສະໄໝຂອງບັນດາຮາກຖານພັກ ແລະ ຂອງຄະນະບໍລິຫານງານພັກກະຊວງ ອຄ ສະໄໝທີ V ທີ່ຈະໄຂຂຶ້ນໃນໄວ້ໆນີ້ ທາງດ້ານຕ່າງໆ ເປັນຕົ້ນດ້ານເນື້ອໃນ, ວິທີການ ໃຫ້ຖືກຕ້ອງສອດຄ່ອງຕາມຄຳສັ່ງ, ຄຳແນະນຳ ແລະ ແຈ້ງການຂອງຂັ້ນເທິງ ແລະ ໃຫ້ບັນລຸຕາມແຜນການ. ພ້ອມນັ້ນ, ເປັນການສ້າງຄວາມເຂົ້າໃຈເລິກເຊິ່ງໃຫ້ຄະນະບໍລິຫານງານພັກກະຊວງ, ຄະນະພັກຮາກຖານ, ຄະນະໜ່ວຍພັກ ແລະ ຄະນະກົມ ທົ່ວອົງຄະນະພັກກະຊວງອຸດສາຫະກຳ ແລະ ການຄ້າ ໄດ້ຮັບຮູ້, ເຂົ້າໃຈກຳໄດ້ເນື້ອໃນເອກະສານສຳຄັນຕ່າງໆທີ່ນຳມາເຜີຍແຜ່ໃນມື້ນີ້ ເພື່ອນໍາໄປຈັດຕັ້ງຜັນຂະຫຍາຍໃນຂົງເຂດຄວາມຮັບຜິດຊອບຂອງຕົນໃຫ້ໄດ້ຮັບການຈັດຕັ້ງປະຕິບັດ ແລະ ບັນລຸຜົນສໍາເລັດ ຕາມລະດັບຄາດໝາຍ.
ຂ່າວ-ພາບ: ທ ໄພວັນ ໂຄດວັນທາ ສູນສະຖິຕິ ແລະ ຂໍ້ມູນຂ່າວສານ, ອຄ
