ຕອນເຊົ້າ ເວລາ 10: 00 ໂມງ ຂອງວັນທີ 8 ສິງຫາ 2024 ທີ່ຫ້ອງຮັບແຂກໃຫຍ່ຊັ້ນ 4 ກະຊວງອຸດສາຫະກໍາ ແລະ ການຄ້າ, ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານ KOIZUMI Tsutomu, ເອກອັກຄະລັດຖະທູດ ຍີ່ປຸ່ນ ປະຈຳ ສປປ ລາວ ພ້ອມດ້ວຍຄະນະມີຜູ້ຕາງໜ້າເຂົ້າຮ່ວມທັງສອງຝ່າຍ ປະມານ 15 ທ່ານ.
ໂອກາດນີ້ ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ກໍ່ແດງຄວາມຍິນດີຕ້ອນຮັບຕໍ່ ທ່ານ KOIZUMI Tsutomu, ທີ່ໄດ້ມາດຳລົງຕຳແໜ່ງເປັນເອກອັກຄະລັດຖະທູດ ວິສາມັນຜູ້ທີ່ມີອຳນາດເຕັມແຫ່ງ ຍີ່ປຸ່ນ ປະຈໍາສປປ ລາວ ເພື່ອເຮັດໃຫ້ສອງປະເທດ ລາວ-ຍີ່ປຸ່ນ ໄດ້ພົວພັນຮ່ວມມື ແລະເສີມສ້າງສາຍພົວພັນທີ່ດີ ຊຶ່ງກັນ ແລະ ກັນໃນໄລຍະຜ່ານມາ, ທັງສອງຝ່າຍໄດ້ປຶກສາຫາລື ຄວາມເຂົ້າໃຈຮ່ວມກັນຫຼາຍດ້ານ ເປັນຕົ້ນການລົງທຶນ, ໂຄງການຊ່ວຍເຫຼືອຫລ້າ ໃຫ້ແກ່ ສປປ ລາວ ໃນວຽກງານຕ່າງໆ ແລະ ດ້ານການພັດທະນາຊັບພະຍາກອນມະນຸດໃຫ້ແກ່ລາວ ລັດຖະບານຍີ່ປຸ່ນ ທີ່ໄດ້ໃຫ້ການຊ່ວຍເຫລືອ ແລະ ສະໜັບສະໜູນທາງດ້ານວິຊາການ ແລະ ທຶນຮອນຕໍ່ຂະແໜງອຸດສາຫະກຳ ແລະ ການຄ້າ, ທາງດ້ານການຄ້າ ປີ 2023 ມູນຄ່າການຄ້າລະຫວ່າງ ລາວ-ຢີ່ປຸ່ນ ສາມາດປະຕິບັດໄດ້ 263 ລ້ານກວ່າໂດລາສະຫາລັດ, ມູນຄ່າການນໍາເຂົ້້າປະຕິບັດໄດ້ 158 ລ້ານກວ່າໂດລາສະຫາລັດ ແລະ ມູນຄ່າການສົ່ງອອກ ປະຕິບັດໄດ້ 104 ລ້ານກວ່າໂດລາສະຫາລັດ (ດູນການຄ້າ 54 ລ້ານກວ່າໂດລາ).
ສິນຄ້າທີ່ລາວສົ່ງອອກຍີ່ປຸ່ນ ຕົ້ນຕໍປະກອບມີ: ໄມ້ ແລະ ຜະລິດຕະພັນໄມ້, ເຄື່ອງເຟີນິເຈີ, ແຜ່ນແພ ແລະ ເຄື່ອງນຸ່ງຮົ່ມ, ເຄື່ອງຫັດຖະກໍາ, ກາເຟ ແລະ ເຄື່ອງກະສິກໍາອື່ນໆ, ໂລຫະ ແລະ ອື່ນໆ.
ສິນຄ້າທີ່ລາວນໍາເຂົ້າຈາກຍີ່ປຸ່ນປະກອບມີ: ພາຫານະ, ເຄື່ອງກົນຈັກ ແລະ ອຸປະກອນ, ອຸປະກອນໄຟຟ້າ ແລະ ເຄື່ອງອີເລັກໂຕນິກ, ເຄື່ອງປຣັດສະຕິກ ແລະ ເຄື່ອງໃຊ້ສອຍປະຈໍາວັນ ແລະ ອື່ນໆ.
ທ່ານ D KOIZUMI Tsutomu, ເອກອັກຄະລັດຖະທູດກໍ່ໄດ້ສະເໜີໃນຕໍ່ໜ້າຈະເພີ່ມທະວີການຮ່ວມມື ລະຫວ່າງ ສະຫະລັດ ອາເມລິກາ ແລະ ສປປ ລາວ ພ້ອມທັງໃຫ້ຄຳປຶກສາສິ່ງອຳນວຍຄວາມສະດວກໃນວຽກງານຫຼາຍດ້ານທີ່ມີປະໂຫຍດສູງສຸດ.
ທ່ານ KOIZUMI Tsutomu, ກໍ່ສະແດງຄວາມຂອບໃຈມາຍັງທ່ານລັດຖະມົນຕີ ທີ່ໃຫ້ຄໍາປຶກສາຫາລືຢ່າງກົງໄປກົງມາເປັນປະໂຫຍດໃຫ້ແກ່ສອງປະເທດ ແລະ ໃຫ້ຄໍາໝັ້ນສັນຍາວ່າຈະໃຫ້ການຮ່ວມມື ລະຫວ່າງ ສປປ ລາວ – ຍີ່ປຸ່ນ ແລະ ອຳນວຍຄວາມສະດວກໃນວຽກງານຫຼາຍດ້ານ ເພື່ອໃຫ້ເກີດຜົນປະໂຫຍດໃຫ້ແກ່ສອງປະເທດໃນຕໍ່ໜ້າ.
ພາບ-ຂ່າວ: ໄພຄໍາອີ ກະຊວງ ອຄ.
