ເພື່ອຜັນຂະຫຍາຍການນໍາໃຊ້ປຶ້ມຄູ່ມືວຽກງານສະຖິຕິອຸດສາຫະກໍາປຸງແຕ່ງ ແລະ ການຄ້າໃຫ້ແກ່ພະນັກງານຜູ້ຮັບຜິດ ຊອບວຽກງານສະຖິຕິໃນຂົງເຂດອຸດສາຫະກໍາ ແລະ ການຄ້າ ທົ່ວປະເທດໄດ້ຮັບຮູ້ເຂົ້າໃຈກ່ຽວກັບລະບົບເກັບກໍາ-ລາຍງານວຽກງານສະຖິຕິຂະແໜງອຸດສາຫະກໍາປຸງແຕ່ງ ແລະ ການຄ້າ.
ກົມແຜນການ ແລະ ການຮ່ວມມື ຮ່ວມກັບ ກົມການນໍາເຂົ້າ ແລະ ສົ່ງອອກ, ກົມ ການຄ້າພາຍໃນ, ກົມອຸດສາຫະກຳ ແລະ ຫັດຖະກໍາ ແລະ ກົມທະບຽນ ແລະ ຄຸ້ມຄອງວິສາຫະກິດ ກະຊວງອຸດສາຫະກໍາ ແລະ ການຄ້າ (ອຄ) ໄດ້ເປີດຍັ້ນຝຶກອົບການນໍາໃຊ້ປຶ້ມຄູ່ມືວຽກງານສະຖິຕິອຸດສາຫະກໍາປຸງແຕ່ງ ແລະ ການຄ້າໃຫ້ແກ່ພະນັກງານຜູ້ຮັບຜິດຊອບວຽກງານສະຖິຕິຂະແໜງອຸດສາຫະກໍາປຸງແຕ່ງ ແລະ ການຄ້າ ທົ່ວປະເທດຊຸດທີ I ໃນລະຫວ່າງວັນທີ 17- 21 ພະຈິກ 2014 ທີ ໂຮງແຮມມິດຕະພາຍ ແຂວງອຸດົມໄຊ, ຊຶ່ງໃຫ້ກຽດເປັນປະທານໂດຍກ່າວເປີດພິທີດັ່ງກ່າວໂດຍ ທ່ານ ສິລິສຳພັນ ວໍຣະຈິດ ຫົວໜ້າ ກົມແຜນການ ແລະ ການຮ່ວມມື ກະຊວງອຸດສາຫະກຳ ແລະ ການຄ້າ, ມີ ທ່ານ ບຸນທັນ ວັນນະໄຊ ຫົວໜ້າ ພະແນກ ອຄ ແຂວງ ອຸດົມໄຊ, ທ່ານ ບົວຈັນ ບຸນວົງໄຊ ຮອງຫົວໜ້າກົມແຜນການ ແລະ ການຮ່ວມມື ກະຊວງອຸດສາຫະກໍາ ແລະ ການຄ້າ, ພ້ອມດ້ວຍນັກສໍາມະນາກອນຈາກພະແນກ ອຄ ແຂວງວຽງຈັນ ແລະ 8 ແຂວງ ພາກເໜືອ ເຂົ້າຮ່ວມ ລວມທັງໝົດ 74 ທ່ານ, ໃນນັ້ນປະກອບມີຍິງ 15 ທ່ານ.
ການຈັດຝຶກອົບຮົມນີ້ເປັນນີ້ຖືເປັນບາດກ້າວທໍາອິດ ມີຄວາມໝາຍຄວາມສໍາຄັນເປັນຢ່າງຍິງໃນໃນວຽກງານພັດ ທະນາສ້າງຄວາມເຂັ້ມແຂງດ້ານສະຖິຕິອຸດສາຫະກໍາປຸງແຕ່ງ ແລະ ການຄ້າ ກໍ່ຄື ວຽກງານການພັດທະນາບຸກຄະລາກອນໃຫ້ມີຄວາມຮູ້ ຄວາມສາມາດວິຊາສະເພາະດ້ານສະຖິຕິອຸດສາຫະກໍາປຸງແຕ່ງ ແລະ ການຄ້າ, ຊຶ່ງນັກສໍາມະນາກອນ ທັງໝົດຈະໄດ້ຮຽນຮູ້ກ່ຽວກັບຫຼັກການ ວິທີເກັບກໍາ-ລາຍງານຂໍ້ມູນສະຖິຕິ ຂະແໜງອຸດສາຫະກໍາປຸງແຕ່ງ ແລະ ການຄ້າ ແນ່ໃສ່ການຈັດຕັ້ງ ປະຕິບັດວຽກງານວິຊາສະເພາະດັ່ງກ່າວໃຫ້ເປັນເອກະພາບ ສະດວກວ່ອງໄວ ທັນເວລາ ມີປະສິດທິພາບ. ຊຶ່ງປື້ມຄູ່ມືວຽກງານສະຖິຕິອຸດສາຫະກໍາປຸງແຕ່ງ ແລະ ການຄ້າຫົວດັ່ງກ່າວຖືກສ້າງຂຶ້ນໂດຍສະໜັບສະໜູນຈາກໂຄງການພັດທະນາສ້າງຂີດຄວາມສາມາດດ້ານສະຖິຕິ (LAOSTAT) ກໍ່ຄືຈາກທະນາຄານໂລກ (World Bank)ໂດຍແມ່ນກົມແຜນການ ແລະ ການຮ່ວມມື (ສູນສະຖິຕິ ແລະ ຂ່າວສານ) ເປັນໃຈກາງປະສານງານກັບກົມທະບຽນ ແລະ ຄຸ້ມຄອງວິສາຫະກິດ, ກົມອຸດສາຫະກໍາ ແລະ ຫັດຖະກໍາ, ກົມການຄ້າພາຍໃນ, ກົມການນໍາເຂົ້າ ແລະ ສົ່ງອອກ, ບັນດາພະແນກອຸດສາຫະກໍາ ແລະ ການຄ້າແຂວງ/ນະ ຄອນຫລວງ ແລະ ພາກສ່ວນທີ່ກ່ຽວຂ້ອງອື່ນໆ ໃນການຄົ້ນຄ້ວາ ສັງລວມ ແລະ ຮີບໂຮມບັນດາຫລັກການເກັບກໍາ-ລາຍງານຂໍ້ມູນສະຖິຕິອຸດສາຫະກໍາປຸງແຕ່ງ ແລະ ການຄ້າລວມເຂົ້າ ເປັນປຶ້ມຄູ່ມືເພື່ອໃຫ້ຖືກຕ້ອງ ຊັດເຈນ ແລະ ເປັນເອກະພາບກັນທົ່ວປະເທດໃນການຈັດຕັ້ງ ປະຕິບັດວຽກງານ ດັ່ງກ່າວ.
ການຈັດຝຶກອົບຮົມດັ່ງກ່າວຈະດຳເນີນໄປເປັນເວລາ 5 ວັນຈຶ່ງຈະປິດລົງ.
