ໃນຕອນເຊົ້າຂອງວັນທີ 30 ມີຖຸນາ 2015 ທີ່ຜ່ານມານີ້ຢູ່ທີ່ຫ້ອງປະຊຸມພະແນກອຸດສາຫະກຳ ແລະ ການຄ້າ ແຂວງອຸດົມໄຊ ໄດ້ມີກອງປະຊຸມປຶກສາຫາລື ແລະ ຊອກຫາວິທີການຄຸ້ມຄອງແກ້ໄຂບັນຫາຊາວຕ່າງປະເທດທີ່ທຳມາຄ້າຂາຍ ແລະ ດຳເນີນທຸລະກິດຢູ່ ສປປລາວ ໂດຍສະເພາະແມ່ນຢູ່ພາຍໃນແຂວງອຸດົມໄຊ. ໂດຍການເປັນປະທານຂອງທ່ານ ສຸກ ບຸນທະຈິດ ເລຂາໜ່ວຍພັກ, ຮອງຫົວໜ້າພະແນກອຸດສາຫະກຳ ແລະ ການຄ້າ. ມີບັນດາທ່ານ ຕາງໜ້າຈາກພະແນກການທີ່ກ່ຽວຂ້ອງຂອງແຂວງ, ຂະແໜງການພາຍໃນພະແນກ ແລະ ຫ້ອງການທີ່ກ່ຽວຂ້ອງພາຍໃນເມືອງໄຊ ເຂົ້າຮ່ວມທັງໝົດຈຳນວນ 22 ທ່ານ, ຍິງ 2 ທ່ານ. ກອງປະຊຸມຍັງໄດ້ຮັບຟັງກ່ຽວກັບບົດສະຫຼຸບຫຍໍ້ການຈັດຕັ້ງປະຕິບັດຄຸ້ມຄອງຊາວຕ່າງປະເທດໃນໄລຍະຜ່ານມາໃຫ້ບັນດາທ່ານໄດ້ຮັບຟັງ, ຈາກນັ້ນປະທານກອງປະຊຸມຍັງໄດ້ຍົກເອົາບາງບັນຫາຂື້ນມາເພື່ອເປັນການປຶກສາຫາລືແລກປ່ຽນນຳບັນດາທ່ານທີ່ມາຈາກແຕ່ລະຂະແໜງການ. ຈາກນັ້ນບັນດາທ່ານ,ບັນດາສະຫາຍກໍ່ໄດ້ຍົກເອົາສະພາບການ ແລະ ບັນຫາຕ່າງໆທີ່ພົບເຫັນໃນໄລຍະຜ່ານມາ ແລະ ຕໍ່ກັບຄຳຖາມເຈາະຈີ້ມ ຂອງປະທານຂື້ນມາປຶກສາຫາລືກັນ ຢ່າງກົງໄປກົງມາ ໂດຍສະເພາະແມ່ນຂັ້ນຕອນການເຂົ້າມາຂອງຄົນຕ່າງປະທດ, ການໄດ້ຮັບອານຸຍາດຈາກຂະແໜງການທີ່ກ່ຽວຂ້ອງ ແລະ ການພົວພັນກັນຮ່ວມມືໃນຕໍ່ໜ້າ. ໃນຕອນທ້າຍປະທານກອງປະຊຸມກໍ່ໄດ້ມອບໃຫ້ແຕ່ລະຂະແໜງການນຳໄປຄົ້ນຄ້ວາ ແລະ ນຳສະເໜີຕໍ່ຄະນະພະແນກຂອງຕົນ.
ກອງປະຊຸມໄດ້ດຳເນີນເປັນເວລາ 1 ຕອນກໍ່ໄດ້ອັດລົງ.
ຂຽນໂດຍ: ຄຳຝັ້ນ ພາວິວົງກອນ
