ການລົງສໍາພາດໃນຄັ້ງນີ້ແມ່ນເລີ່ມຈາກແຂວງຫລວງນໍ້າທາ ໃນວັນທີ 08 ທັນວາ 2016 ໄດ້ເຂົ້າສໍາພາດພະແນກແຜນການ ແລະ ການລົງທຶນ ແຂວງຫລວງນໍ້າທາໂດຍແມ່ນທ່ານບຸນຈັນ ອຸໄທວັນ ຫົວຫນ້າຫ້ອງການເປັນຜູ້ໃຫ້ສໍາພາດ ແລະ ໃນເວລາຕໍ່ມາໄດ້ເຂົ້າພົບປະສໍາພາດ ພະແນກໂຍທາທິການ ແລະ ການຂົນສົ່ງ ທ່ານ ຈັນທະຈອນ ແກ້ວນະຄອນ ເປັນຜູ້ປະສານງານໂຄງການທາງລົດໄຟລາວ-ຈີນ ແລະ ສໍາພາດບໍລິສັດຢາງພາລາຢຸນນານຈໍາກັດ ທີ່ເປັນບໍລິສັດໃຫຍ່ ແລະ ມີບົດບາດໃນແຂວງຫລວງນໍ້າທາ. ໃນວັນທີ 09 ທັນວາ 2016 ໄດ້ເຂົ້າພົບປະສໍາພາດພະແນກແຜນການ ແລະ ການລົງທຶນແຂວງອຸດົມໄຊໃຫ້ສໍາພາດໂດຍ ທ່ານ ອ່ອນແກ້ວ ອຸ່ນອາລົມ ຫົວຫນ້າພະແນກ ແຜນການ ແລະ ການລົງທຶນແຂວງອຸດົມໄຊ ແລະ ໃນເວລາຕໍ່ມາແມ່ນໄດ້ເຂົ້າສໍາພາດພະແນກອຸດສາຫະກໍາ ແລະ ການຄ້າ ແຂວງອຸດົມໄຊໂດຍສໍາພາດທ່ານ ຄໍາເພົາ ສິລິສຸກ ຫົວຫນ້າພະແນກອຸດສາຫະກໍາ ແລະ ການຄ້າແຂວງອຸດົມໄຊ ແລະ ສໍາພາດ ທ່ານ ສີນວນ ຄໍາດີ ຮອງຫົວຫນ້າພະແນກໂຍທາທິການ ແລະ ຂົນສົ່ງແຂວງອຸດົມໄຊ ແລະ ຕໍ່ມາສໍາພາດໂຄງການຄະນະສ້າງທາງອຸດົມໄຊ-ປາກມອງໂດຍສໍາພາດ ທ່ານ ຈັນເພັງ ມະນີວັນ ຮັກສາການຄະນະໂຄງການ ແລະ ໃນເວລາຕໍ່ມາໃຫ້ກຽດແກ່ຄະນະ ໂຄງການການຮ່ວມມືລາວ-ຈີນ ແມ່ນໄດ້ເຂົ້າສໍາພາດ ທ່ານ ຮອງເຈົ້າແຂວງ ແຂວງອຸດົມໄຊ ທ່ານ ສົມຈິດ ບັນຍາສັກ ຜູ້ຊີ້ນໍາວຽກງານເສດຖະກິດ.
ວັນທີ 12 ທັນວາ 2016 ເດີນທາງໄປແຂວງຫລວງພະບາງ ໄດ້ເຂົ້າພົບປະສໍາພາດເຈົ້າຂອງໂຄງການເຂື່ອນໄຟຟ້ານໍ້າອູ 2 ທີ່ກໍາລັງດໍາເນີນການກໍ່ສ້າງ ແລະ ເຂື່ອນໄຟຟ້ານໍ້າອູ1ທີ່ສໍາເລັດການກໍ້ສ້າງໄປແລ້ວ.
ໃນວັນທີ 13 ທັນວາ 2016 ແມ່ນໄດ້ເຂົ້າສໍາພາດທ່ານ ນາງ ສິລິພອນ ສຸພັນທອງ ຫົວຫນ້າພະແນກແຜນການ ແລະ ການລົງທຶນ ແຂວງຫລວງພະບາງ ແລະ ເວລາຕໍ່ມາ ໄດ້ສໍາພາດ ທ່ານ ຄໍາຕັນ ສົມພັນວິໄລ ຮອງຫົວຫນ້າພະແນກ ອຸດສາຫະກໍາ ແລະ ການຄ້າ ແຂວງຫລວງພະບາງ ຫລັງຈາກນັ້ນໄດ້ເຂົ້າສໍາພາດ ທ່ານ ຟ້າສະຫນັ່ນ ທໍາມະວົງ ຫົວຫນ້າພະແນກໂຍທາທິການ ແລະ ຂົນສົ່ງ ແຂວງຫລວງພະບາງ. ໃນວັນທີ 14 ທັນວາ 2016 ເດີນທາງມາແຂວງວຽງຈັນໂດຍໄດ້ເຂົ້າພົບປະສໍາພາດໂຮງງານສີມັງລາວວັງວຽງໂດຍສໍາພາດ ທ່ານ ມາຈັນ ຮອງອໍານວຍການຝ່າຍຈີນ ເຊິ່ງເປັນບໍລິສັດທີ່ຜະລິດ ແລະ ຈໍາຫນ່າຍໃນປະເທດລາວ100% ແລະ ທາງບໍລິສັດກໍ່ໄດ້ຕອນຮັບເປັນຢ່າງດີ. ໃນວັນທີ 16 ທັນວາ 2016 ໃນພາກເຊົ້າກໍ່ໄດ້ເຂົ້າສໍາພາດເຂດເສດຖະກິດພິເສດໄຊເສດຖາ. ສ່ວນໃນພາກບ່າຍສໍາພາດກະຊວງແຜນການ ແລະ ການລົງທຶນໂດຍສໍາພາດທ່ານ ວິຈິດ ຊິນດາວົງ ຮອງປະທານ ຄະນະກໍາມາທິການຮ່ວມມືລາວ-ຈີນ, ກະຊວງແຜນການ ແລະ ການລົງທຶນ. ໃນຄະນະດັ້ງກ່າວມີທັງຫມົດ 23 ທ່ານ ນັກຂ່າວຈີນ 5 ທ່ານ. ໃຊ້ເວລາທັງຫມົດ 11 ວັນ.
[ສູນສະຖິຕິ ແລະ ຂໍ້ມູນຂ່າວສານ]
