ຕົວແທນຂອງນັກທຸລະກິດຍີ່ປຸ່ນເຂົ້າຢ້ຽມຂໍ່ານັບລັດຖະມົນຕີ ກະຊວງອຸດສາຫະກໍາ ແລະ ການຄ້າ
ໃນວັນທີ 16 ມັງກອນ 2017 ເວລາ 11:00ໂມງ ທີ່ຫ້ອງຮັບແຂກ ກະຊວງອຸດສາຫະກໍາ ແລະ ການຄ້າ ໂດຍທ່ານ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກໍາ ແລະ ການຄ້າ ໄດ້ຕ້ອນຮັບຄະນະຕົວແທນນັກທຸລະກິດຍີ່ປຸ່ນທີ່ມາລົງທຶນຢູ່ ສປປ ລາວ ແລະ ໄດ້ມີການແລກປ່ຽນບົດຮຽນເຊິ່ງກັນ ແລະ ກັນ ພ້ອມທັງໂອ້ລົມກ່ຽວກັບສະ ພາບວຽກງານການລົງທຶນ, ການພັດທະນາ ດ້ານກະສິກໍາ ແລະ ອຸດສາຫະກໍາປຸງແຕ່ງ ຢູ່ໃນ ສປປ ລາວ.
ສິ່ງສໍາຄັນແມ່ນມີຫລາຍບໍລິສັດຍີ່ປຸ່ນທີມາລົງທຶນຢູ່ ສປປ ລາວ ແລະ ທ່ານລັດຖະມົນຕີກະຊວງອຸດສາຫະກໍາ ແລະ ການຄ້າ ໄດ້ສະແດງຄວາມຍິນດີ ແລະ ດີໃຈຫລາຍທີ່ນັກທຸລະກິດຂອງປະເທດຍີ່ປຸ່ນ ເຫັນໄດ້ທ່າແຮງ ແລະ ເຂົ້າມາລົງ ທຶນຢູ່ໃນ ສປປ ລາວ.
[ພາບ ແລະ ຂ່າວ: ສູນສະຖິຕິ ແລະ ຂໍ້ມູນຂ່າວສານ]
