ໃນປີ 2107 ເປັນປີທີ່ມີຄວາມຫມນຄວາມສໍາຄັນທີ່ສຸດ ເຊິ່ງເປັນປີທີສອງຂອງການຈັດຕັ້ງປະຕິບັດມະຕິກອງປະຊຸມໃຫນ່ຄັ້ງທີ 10 ຂອງພັກ, ມະຕິກອງປະຊຸມໃຫຍ່ຄັ້ງທີ 4 ຂອງອົງຄະນະພັກກະຊວງ ແລະ ແຜນພັດທະນາເສດຖະກິດສັງຄົມແຫ່ງຊາດ 5 ປີ ຄັ້ງທີ8 ກໍ່ຄືແຜນຍຸດທະສາດວຽກງານກວດກາ ຂອງຂະແໜງອຸດສາຫະກໍາ ແລະ ການຄ້າ ແຕ່ປີ 2016-2020 ໃຫ້ບັນລຸຜົນຕາມລະດັບຄາດຫມາຍ; ສະນັ້ນ ໃນເວລາ 8: 30 ຂອງວັນທີ 20 ກຸມພາ 2017 ຈຶ່ງເປັນມືໄຂກອງປະຊຸມກ່ຽວກັບການຝຶກອົບຮົມວຽກງານກວດກາໄລຍະສັ້ນ ຂອງກະຊວງອຸດສາຫະກໍາ ແລະ ການຄ້າ ຈົນຮອດວັນທີ 24 ກຸມພາ 2017. ໂດຍການເປັນປະທານ ທ່ານ ພັນ ວິໄລສົມ ຫົວໜ້າກົມກວດກາ
ຈຸດປະສົງຄາດໝາຍຂອງການຝຶກອົບຮົມແມ່ນເພື່ອ ແນ່ໃສ່ເພີ່ມຄວາມຮັບຮູ້ ແລະ ຍົກລະດັບຄວາມຮູ້ຄວາມສາມາດທາງດ້ານທິດສະດີ ແລະ ພຶດຕິກຳໃຫ້ແກ່ພະນັກງານກວດກາຂອງຂະແໜງອຸດສາຫະກຳ ແລະ ການຄ້າ ເພື່ອນຳໄປໜູນໃຊ້ໃນການເຄື່ອນໄຫວວຽກງານຕິດຕາມກວດກາຢູ່ໃນກົມກອງ, ທ້ອງຖິ່ນທີ່ຕົນຮັບຜິດຊອບໃຫ້ມີຄວາມໜັກແໜ້ນເຂັ້ມແຂງທາງດ້ານປະລິມານ ແລະ ຄຸນນະພາບ, ສາມາດເປັນ ເສນາທິການດ້ານວຽກງງານກວດກາໃຫ້ແກ່ຄະນະພັກ, ຄະນະນຳຂັ້ນຕົ້ນ ແລະ ຂັ້ນເທິງຖັດຕົນ, ເຮັດໃຫ້ຄະນະພັກ ອຳນາດການປົກຄອງຂັ້ນຕ່າງໆເຫັນໄດ້ຄວາມໝາຍຄວາມສຳຄັນຂອງວຽກງານກວດກາ, ຖືວຽກງງານກວດກາເປັນໜ້າທີ່ ແລະ ຄວາມຮັບຜິດຊອບຂອງຕົນຢ່າງແທ້ຈິງ, ເປັນເຈົ້າການຊີ້ນຳ ນຳພາຂະແໜງກວດກາ ເຮັດໝ້າທີ່ເຄື່ອນໄຫວວຽກງານຕິດຕາມ, ກວດກາຢ່າງເປັນປົກກະຕິຈຶ່ງສາມາດກຳໄດ້ສະພາບການຂອງໝ່ວຍພັກ, ສະມາຊິກພັກ, ພະນັກງານລັດຖະກອນທີ່ຢູ່ໃນຄວາມຮັບຜິດຊອບຂອງຕົນ, ປຸກລະດົມຂະບວນການຂອງສະມາຊິກພັກພະນັກງານລັດຖະກອອນ ແລະ ມະຫາຊົນເຂົ້ຮ່ວມກວດກາ, ສະກັດກັ້ນ ແລະ ຕ້ານບັນດາປະກົດການຫຍໍ້ທໍ້ດ້ານຕ່າງໆ ໃຫ້ຫຼຸດໝ້ອຍຖອຍລົງເທື່ຶລະກ້າວ ເຊິ່ງບັນດາເນື້ອໃນເອກະສານທີ່ນຳມາຝຶກອົບຮົມຄັ້ງນີ້ມີທັງໝົດ 7 ບົດຄື:
- ຄວາມຮູ້ພື້ນຖານກ່ຽວກັບວຽກງານກວດກນພັກ.
- ວຽກງານຕິດຕາມ, ກວດກາພັກ.
- ຄວາວມຮູ້ພື້ນຖານກ່ຽວກັບວຽກງງານກວດກາລັດ.
- ວຽກງງານສະກັດກັ້ນ ແລະ ຕ້ານການສໍ້ລາດບັງຫຼວງ.
- ວຽກງານຄົ້ນຄ້ວາຄຳຮ້ອງ, ຄຳສະເໝີ.
- ການສ້າງເອກະສານກ່ຽວກັບວຽກງານກວດກາ (ວິທີສ້າງແຜນການກວດກາ).
- ກົງຈັກການຈັດຕັ້ງ ແລະ ການບຳລຸງກໍ່ສ້າງພະນັກງານກວດກາ ແລະ ບາງເອກະສານທີ່ສຳຄັນຂອງລັດຖະບານກ່ຽວກັບວຽກງງານກວກດກາ ຈຳນວນໜຶ່ງ ພາຍຫຼັງສຳເລັດບັ້ນຝຶກອົບຮົມບັນດານັດສຳມະນາກ່ອນຈະໄດ້ຮັບໃບຢັ້ງຢືນຜົນສຳເລັດການຝຶກອົບຮົມວຽກງານກວດກາໄລຍະສັ້ນຈາກ ປະທານ ຄະນະກວດກາຂັ້ນສູນກາງພັກ.
ທີ່ສໍາຄັນ ແລະ ເປັນທີ່ຫນ້າພູມໃຈການຝຶກອົບຮົມຄັ້ງນີ້ ນັກສໍາມະນາກອນທຸກທ່ານ ແມ່ນໄດ້ເອົາໃຈໃສ່ໃນການແລກປ່ຽນບົດຮຽນ ເຊິ່ງກັນ ແລະ ກັນ ເຮັດໃຫ້ກອງປະຊຸມມີຄວາມຫມາຍຄວາມສໍາຄັນຍິ່ງຂຶ້ນ.
[ພາບ ແລະ ຂ່າວ: ສູນສະຖິຕິ ແລະ ຂໍ້ມູນຂ່າວສານ]
