ໃນວັນທີ 10 ມີນາ 2017 ເວລາ 7:00 ໂມງ ທີ່ ຮ້ານອາຫານຄົວລາວ ໄດ້ມີພິທີງານລ້ຽງສົ່ງຂອງທ່ານ ເຈີ່ນບ໊າວຢ້າມ ທີ່ປຶກສາທູດເສດຖະກິດການຄ້າປະຈໍາລາວ ໂດຍການເຂົ້າຮ່ວມຂອງ ທ່ານ ນາງ ເຂັມມະນີ ພົນເສນາ ລັດ ຖະມົນຕີກະຊວງອຸດສາຫະກໍາ ແລະ ການຄ້າ, ທ່ານ ບຸນມີ ມະນີວົງ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ ແລະ ພ້ອມດ້ວຍບັນດາກົມ, ຮອງກົມເຂົ້າຮ່ວມ.
ໃນພິທີງານລ້ຽງເພື່ອອໍາລາໃນຄັ້ງນີ້ ທ່ານ ນາງ ເຂັມມະນີ ພົນເສນາ ໄດ້ມອບໃບຍ້ອງຍໍ ແລະ ໄດ້ກ່າວຄວາມຂອບໃຈທີ່ທ່ານ ເຈີ່ນບ໊າວຢ້າມ ໄດ້ທຸ້ມເທຄວາມຮູ້ຄວາມສາມາດ ແລະ ເອົາໃຈໃສ່ໃນການປະຕິບັດຫນ້າທີ່ໃນໄລຍະ 3 ປີຜ່ານ ມາທີ່ໄດ້ປະຕິບັດຫນ້າທີ່ເປັນທີ່ປຶກສາທູດເສດຖະກິດການຄ້າ ປະຈໍາຢູ່ ສປປ ລາວ ແລະ ໄດ້ໂອ້ລົມແລກປ່ຽນບົດຮຽນ ເຊິ່ງ ກັນ ແລະ ກັນ, ຊຶ່ງນໍາມາດ້ວຍໄມຕີຈິດມິດຕະພາບ, ການຮ່ວມມືຂອງສອງປະເທດ ບ້ານອ້າຍ ເມືອງນ້ອງໃຫ້ນັບມື້ນັບແໜ້ນແຟ້ນຂຶ້ນ ເພື່ອເປັນການຊຸກຍູ້ສົ່ງເສີມການພັດທະນາເສດຖະກິດຂອງ ສປປ ລາວ ແລະ ສສ ຫວຽດນາມ.
[ພາບ ແລະ ຂ່າວ: ສູນສະຖິຕິ ແລະ ຂໍ້ມູນຂ່າວສານ]
