ຕອນບ່າຍ ເວລາ 3: 00 ໂມງ ຂອງວັນທີ 29/03/2017 ໂດຍໄດ້ຮັບແຈ້ງຈາກພົນລະເມືອງດີ ສະນັ້ນເຈົ້າໜ້າທີ່ກວດກາການຄ້າຂອງກະຊວງອຸດສາຫະກໍາ ແລະ ການຄ້າ ໄດ້ສົມທົບກັບເຈົ້າໜ້າທີ່ກວດກາການຄ້ານະຄອນຫຼວງ,ເຈົ້າໜ້າທີ່ກວດກາການຄ້າເມືອງໄຊເສດຖາ ແລະ ເຈົ້າໜ້າທີ່ຂອງພາກສ່ວນທີ່ກ່ຽວຂ້ອງເຊັ່ນກະຊວງສາທາລະນະສຸກກົມສັດຕະວະແພດ,ກົມອາຫານ ແລະ ຢາ, ໄດ້ພ້ອມລົງໄປກວດກາເຄື່ອງໃນສັດທີ່ນໍາເຂົ້າມາຈາກປະເທດຫວຽດນາມບໍ່ຖືກຕ້ອງຕາມລະບຽບກົດໝາຍບໍ່ໄດ້ຮັບການອະນຸຍາດຈາກພາກລັດ, ຜ່ານການກວດກາຈາກເຈົ້າໜ້າທີ່ກວດກາການຄ້າ ແລະ ເຈົ້າໜ້າທີ່ສາທາລະນະສຸກເຄື່ອງໃນສັດດັ່ງກ່າວບໍ່ສາມາດບໍລິໂພກໄດ້ ຊຶ່ງມີຈໍານວນທັງໝົດ: 360 Kg ຜູ້ນໍາເຄື່ອງໃນສັດເຂົ້າມາອອກຊື່ ທ້າວເຈົາ ຄົນສັນຊາດຫວຽດນາມ ທີ່ມາຄ້າຂາຍຢູ່ລາວ ຮູບແບບການນໍາເຂົ້າມາທາງລົດເມໂດຍສານສາຍລົດເມສາກົນດ່ານແດນສະຫວັນລາວບາວ, ເຄື່ອງດັ່ງກ່າວນໍາເຂົ້າມາຂາຍໂດຍບໍ່ຖືກ ຕ້ອງຈິ່ງໄດ້ສົມທົບກັບຫຼາຍພາກສ່ວນນໍາໄປທໍາລາຍຢູ່ຫຼັກ 24 ເມືອງໄຊທານີ ນະຄອນຫຼວງວຽງຈັນ.
ພິທີທໍາລາຍເຄື່ອງໃນສັດເປັນປະທານໂດຍ ທ່ານ ບຸນທຽນ ແກ້ວສີພາ ຄະນະພັກກະຊວງ, ຫົວໜ້າກົມການຄ້າພາຍໃນ, ກະຊວງອຸດສາຫະກໍາ ແລະ ການຄ້າ ແລະ ເຈົ້າໜ້າທີ່ຂອງຫຼາຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.
[ພາບ ແລະ ຂ່າວ: ສູນສະຖິຕິ ແລະ ຂໍ້ມູນຂ່າວສານ]
