ສະຖິຕິອຸດສາຫະກຳ ແລະ ຫັດຖະກຳ ກຳລັງໄດ້ຮັບການປັບປຸງ
ໃນວັນທີ 28 ພຶດສະພາ 2018 ຢູ່ທີ່ກະຊວງອຸດສາຫະກໍາ ແລະ ການຄ້າ, ທ່ານ ພັນທອງ ພິດທຸມມາ , ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ ໄດ້ພົບປະກັບທ່ານ ນາງ ດົງໂກ ຮອງຫົວໜ້າພະແນກສະຖິຕິ ອົງການຢູນີໂດ, ພ້ອມດ້ວຍຊ່ຽວຊານປະຈໍາໂຄງການ ທ່ານ ອິດທິໄຊ ຍົດຊິຣິ, ຮອງຫົວໜ້າສໍານັກງານສະຖິຕິເສດຖະກິດອຸດສາຫະກຳ, ກະຊວງອຸດສາຫະກຳ ຂອງປະເທດໄທ.
ໃນວາລະພົບປະຄັ້ງນີ້ ຊ່ຽວຊານປະຈຳໂຄງການ ໄດ້ລາຍງານຜົນສໍາເລັດໃນການປັບປຸງລະບົບສະຖິຕິອຸດສາຫະ ກຳປຸງແຕ່ງ ແລະ ຫັດຖະກຳ ທີ່ໄດ້ຈັດຕັ້ງປະຕິບັດໃນໄລຍະ 3 ປີຜ່ານມາ ແລະ ທ່ານ ພັນທອງ ພິດທຸມມາ ໄດ້ສະແດງຄວາມຂອບໃຈ ຕໍ່ອົງການຢູນີໂດ ທີ່ມາຊ່ວຍໃນການປັບປຸງລະບົບສະຖິຕິອຸດສາຫະກຳປຸງແຕ່ງ ແລະ ຫັດຖະກຳ ຂອງ ສປປ ລາວ ແລະ ໄດ້ສະແດງການສະໜັບສະໜູນ ໃນການສືບຕໍ່ໂຄງການດັ່ງກ່າວ ໄລຍະທີ 2.
ຂໍ້ມູນໂດຍ: ກົມອຸດສາຫະກໍາ ແລະ ຫັດຖະກໍາ.
ຮຽບຮຽງໂດຍ: ພູຄໍາ ຫລວງສຸພົນ
