ໃນຕອນ​ເຊົ້າ ເວລາ 8:30 ມ ຂອງ​ວັນ​ທີ 02 ກັນຍາ 2019, ທີ່ຫ້ອງປະຊຸມໃຫຍ່ຊັ້ນ 01  ຂອງກະຊວງອຸດສາຫະກໍາ ແລະ ການຄ້າ ໄດ້ໄຂກອງປະຊຸມຄັ້ງທີ 6 ກ່ຽວ​ກັບ ບົດ​ສຶກສາ​ດ້ານ​ຍຸດ​ທະ​ສາດ​ພັດທະນາ​ອຸດສາຫະກໍາ 5 ຂະ​ແໜງ​ການ​ຍ່ອຍ “The 6 th Workshop on the Follow Up of the Lao PDR at the Cross Roads: Development Strategy of  Five Selected Sectors in the Lao PDR (2020-2025)” ຊຶ່ງຈັດຂຶ້ນໂດຍການຮ່ວມມື ລະຫວ່າງ ກະຊວງອຸດສາຫະກຳ ແລະ ການຄ້າ ແລະ ERIA ພາຍໃຕ້ການເປັນປະທານຂອງ ທ່ານ ສີ​ລິ​ສໍາພັນ ວໍຣະຈິດ ຫົວໜ້າ​ກົມ​ແຜນການ​ ​ແລະ ການ​ຮ່ວມ​ມື, ກະຊວງອຸດສາຫະກຳ ແລະ ການຄ້າ; ມີຜູ້ຕາງໜ້າຈາກກະຊວງກະສິກໍາ ແລະ ປ່າໄມ້, ກະຊວງວິທະຍາສາດ, ເຕັກໂນໂລຊີ ແລະ ສິ່ງແວດລ້ອມ, ກະຊວງພະລັງງານ ແລະ ບໍ່ແຮ່, ສະພາການຄ້າ ແລະ ອຸດສາຫະກໍາແຫ່ງຊາດລາວ, ອົງການ JICA, JETRO, WORLD BANK, ADB, AusAid, ບັນດາຫົວໜ້າ- ຮອງຫົວໜ້າກົມ, ຫົວໜ້າ- ຮອງຫົວໜ້າພະແນກ ແລະ ວິຊາການ ທີ່ກ່ຽວຂ້ອງເຂົ້າຮ່ວມ ຈໍານວນ 35 ກວ່າທ່ານ.

      ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອປຶກສາຫາລື ແລະ ຫາແນວທາງໃນການຜັນຂະຫຍາຍ ແລະ ຈັດຕັ້ງປະຕິບັດຍຸດທະສາດພັດທະນາອຸດສາຫະກໍາ 5 ຂະແໜງການຍ່ອຍ.

      ເນື້ອໃນຫົວຂໍ້ທີ່ໄດ້ນຳສະເໜີໃນກອງປະຊຸມໃນຄັ້ງນີ້ມີ:

        1.   ບົດສຶກສາດ້ານຍຸດທະສາດພັດທະນາອຸດສາຫະກໍາ 5 ຂະແໜງການຍ່ອຍ ຂອງສປປ ລາວ ຄື: Agriculture and Food Processing, Garments, Wood Processing, Handicraft and Artisan Crafts, and Information Technology in the Heavy Use of Cheap Electricity;

       2.   ບົດສຶກສາ “The SMEs White Paper 2018” ທີ່ກ່ຽວຂ້ອງກັບການພັດທະນາ ວິສາຫະກິດຂະໜາດນ້ອຍ ແລະ ກາງ;

      3.      Review of Follow-Up Activities and Future Work Plans;

      4.      Report on Vientiane-Hanoi Expressway Project.

        ພ້ອມດຽວກັນນີ້, ກໍ່ໄດ້ມີການປະກອບຄໍາຄິດເຫັນຈາກຜູ້ເຂົ້າຮ່ວມຢ່າງກົງໄປກົງມາ ​ແລະ ​ໃຫ້ມີ​ກົນ​ໄກ​ການ​ປະສານ​ງານຂອງ​ຂະ​ແໜງ​ການ​ກ່ຽວຂ້ອງ ທີ່ສາມາດ​ຈັດຕັ້ງປະຕິບັດ ຢ່າງ​ເປັນ​ຮູບ​ປະ​ທໍາ.

ຂ່າວ​ໂດຍ: ນ ຖື ​ແຫວນ​ວົງ​ສົດ

ຮູບ​ພາບ: ທ ​ໄພ​ຄໍາ​ອີ ວິ​ໄລ​ຄໍາ