ຕອນບ່າຍ ເວລາ 2: 00 ໂມງ ຂອງວັນທີ 18 ທັນວາ 2019 ທີ່ຫ້ອງປະຊຸມໃຫຍ່ຊັ້ນ I ກະຊວງອຸດສາຫະກຳ ແລະ ການຄ້າ ໄດ້ມີພິທີມອບຮັບຊຸດອຸປະກອນຮັບໃຊ້ວຽກງານທະບຽນ ແລະ ຄຸ້ມຄອງວິສາຫະກິດ ລະຫ່ວາງ ທ່ານ ບຸນເຖິງ ດວງສະຫວັນ ຫົວໜ້າກົມສົ່ງເສີມວິສາຫະກິດຂະໜາດນ້ອຍ ແລະ ກາງ ທັງເປັນຫົວໜ້າໂຄງການ ພັດທະນາພາກເອກະຊົນ ແລະ ວິສາຫະກິດຂະໜາດນ້ອຍ ແລະ ກາງ ໄລຍະ 2(PSME-2) ແລະ ທ່ານປອ ສົມພວງ ພຽນພິນິດ ຫົວໜ້າກົມທະບຽນ ແລະ ຄຸ້ມຄອງວິສາຫະກິດ ກະຊວງອຸດສາຫະກຳ ແລະ ການຄ້າ ໂດຍການເຂົ້າຮ່ວມເປັນສັກຂີພະຍານຂອງ ທ່ານ ສົມຈິດ ອິນທະມິດ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ, ປະທານຄະນະຊີ້ນຳໂຄງການພັດທະນາພາກເອກະຊົນ ແລະ ວິສາຫະກິດຂະໜາດນ້ອຍ ແລະ ກາງ ໄລຍະ 2; ຮ່ວມກັບ ທ່ານ ພັນທຸເລດ ຫຼວງລາດ ຕາງໜ້າຫ້ອງການທະນາຄານພັດທະນາອາຊີປະຈຳ ສປປ ລາວ, ແລະ ມີຜູ້ຕາງໜ້າຈາກບັນດາກົມ ພາຍໃນ ກະຊວງ ອຄ, ຜູ້ຕາງໜ້າສະພາ ການຄ້າ ແລະ ອຸດສາຫະກໍາ ແຫ່ງຊາດລາວ ແລະ ພະນັກງານທີ່ກ່ຽວຂ້ອງ ເຂົ້າຮ່ວມປະມານ 60 ກວ່າທ່ານ.
ການມອບຮັບຄັ້ງນີ້ທາງໂຄງການກໍ່ໄດ້ຈັດຊື້ຊຸດອຸປະກອນປະກອບ ໃຫ້ແກ່ 23 ຫ້ອງການອຸດສາຫະກໍາ ແລະ ການຄ້າເມືອງ ຂອງ 07 ແຂວງ(ແຂວງອຸດົມໄຊ, ຫົວພັນ, ຫຼວງພະບາງ, ຜົ້ງສາລີ, ສະຫວັນນະເຂດ, ສາລະວັນ ແລະ ເຊກອງ) ທີ່ຍັງເຫຼືອ ເພື່ອສ້າງໃຫ້ໜ່ວຍງານບໍລິການວຽກງານທະບຽນ ແລະ ຄຸ້ມຄອງວິສາຫະກິດສາມາດຈັດຕັ້ງປະຕິບັດໄດ້ຄົບທັງ 167 ຈຸດທົ່ວປະເທດ ຊຶ່ງລວມມູນຄ່າ 860 ລ້ານກ່ວາກີບ.
ໃນເດືອນມີນາ 2019 ທີ່ຜ່ານມາ ທາງໂຄງການກໍ່ໄດ້ຈັດຊື້ອຸປະກອນປະກອບໃຫ້ 110 ຈຸດຂຶ້ນທະບຽນວິສາຫະກິດ ລວມເປັນມູນຄ່າ 690 ລ້ານກວ່າກີບ. ນັບແຕ່ປີ 2015-2019, ໂຄງການ PSME 2 ໄດ້ໃຫ້ການຊ່ວຍເຫຼືອ ກົມທະບຽນ ແລະ ຄຸ້ມຄອງວິສາຫະກິດ, ກະຊວງອຸດສາຫະກໍາ ແລະ ການຄ້າ ເພື່ອປັບປຸງລະບົບການຂຶ້້ນທະບຽນວິສາຫະກິດ ລວມເປັນມູນຄ່າທັງໝົດ ປະມານ 6,9 ຕື້ກີບ. ໃນນັ້ນ ລວມມີການຈັດຊື້ ພາຫານະ ແລະ ອຸປະກອນ, ການຈ້າງຊ່ຽວຊານເພື່ອສ້າງລະບົບ ໂປຣແກຣມຄຸ້ມຄອງວິສາຫະກິດ ໃຫ້ສາມາດເຊື່ອມຕໍ່່ກັບລະບົບທະບຽນອາກອນ (TaxRIS) ແລະ ສ້າງເວັບໄຊ໌ ຖານຂໍ້ມູນວິສາຫະກິດແຫ່ງຊາດ (www.ned.gov.la) ແລະ ການຈັດກອງປະຊຸມ-ຝຶກອົບຮົມ; ໂດຍເຫັນ ໄດ້ຄວາມສໍາຄັນຂອງການສ້າງສະພາບແວດລ້ອມທີ່ເອື້້ອອໍານວຍໃຫ້ແກ່ການດໍາເນີນທຸລະກິດ ໂດຍສະເພາະແມ່ນວິສາຫະກິດຂະໜາດນ້ອຍ ແລະ ກາງ (SME) ທະນາຄານພັດທະນາອາຊີໄດ້ໃຫ້ການຊ່ວຍເຫຼືອປັບປຸງລະບົບ ການຂຶ້ນທະບຽນວິສາຫະກິດໃນຂອບເຂດທົ່ວປະເທດ ຢ່າງຕໍ່ເນື່ອງ ໂດຍເລີ່ມຈາກໂຄງການ PSME 1 ໃນເມື່ອກ່ອນ ແລະ ໂຄງການ PSME 2 ໃນປະຈບຸັນ.
ທັງນີ້ກໍ່່ເພື່ອເຮັດ ໃຫ້ການຂຶ້້ນທະບຽນມີຄວາມສະດວກ ວ່ອງໄວ ແລະ ບໍ່ມີຄ່າໃຊ້ຈ່າຍສູງ ເພື່ອສ້າງເງື່່ອນໄຂໃຫ້ພາກທຸລະກິດ ໂດຍສະເພາະແມ່ນວິສາຫະກິດຂະໜາດນ້ອຍ ແລະ ກາງ ຫັນເຂົ້າສູ່ລະບົບ ໄດ້ງ່າຍຂຶ້ນ. ການຊ່ວຍເຫຼືອຂອງ ADB ແມ່ນເພື່ອຈັດຕັ້ງຜັນຂະຫຍາຍນະໂຍບາຍສ້າງສະພາບແວດລ້ອມທີ່ເອື້້ອອໍານວຍໃຫ້ແກ່ການສ້າງຕັ້ງ ແລະ ດໍາເນີນທຸລະກິດ ຕາມທີ່ກໍານົດໃນແຜນພັດທະນາວິສາຫະກິດຂະໜາດນອ້ຍ ແລະ ກາງ 2016-2020 ຊຶ່ງໄດ້ປະກອບສ່ວນອັນສໍາຄັນ ເຂົ້າໃນການຈັດຕັ້ງຜັນຂະຫຍາຍຄໍາສັ່ງ ສະບັບເລກທີ 02/ນຍ, ລົງວັນທີ 01 ກຸມພາ 2018 ວ່າດ້ວຍການປັບປຸງບັນດາລະບຽບການ ແລະ ກົນໄກປະສານງານ ໃນການດໍາເນີນທຸລະກິດ ຢູ່ໃນ ສປປ ລາວ.
ຂ່າວໂດຍ: ໄພຄຳອີ ວິໄລຄຳ
ສູນສະຖິຕິ ແລະ ຂໍ້ມູນຂ່າວສານ
