ໃນວັນທີ 22 ເມສາ 2020 ທີ່ຜ່ານມາ, ທີ່ສໍານັກງານກະຊວງອຸດສາຫະກໍາ ແລະ ການຄ້າ, ບໍລິສັດ ຊັນ ພາວເວີ ໂຮນດິງ ຈໍາກັດ ໄດ້ມອບເຄື່ອງອຸປະກອນ ໃຫ້ແກ່ກະຊວງອຸດສາຫະກໍາ ແລະ ການຄ້າ ເພື່ອໃຊ້ເຂົ້າໃນວຽກງານປ້ອງກັນພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ COVID 19, ໃນນີ້ມີ ເຈວລ້າງມື ຂະໜາດ 500 ml ຈໍານວນ 20 ຕຸກ, ຜ້າອັດປາກ-ດັງ ຂະໜາດ 50 ແຜ່ນ ຈໍານວນ 10 ກັບ, ເຫຼົ້າ 90 ຂະໜາດ 150 ml ຈໍານວນ 16 ກວດ ແລະ ເຫຼົ້າ 90 ຂະໜາດ 100 ml ຈໍານວນ 84 ກວດ ລວມມູນຄ່າທັງໝົດ 7.540.000 ກີບ. ກະຊວງອຸດສາຫະກໍາ ແລະ ການຄ້າ ສະແດງຄວາມຂອບອົກຂອບໃຈຕໍ່ການຊ່ວຍເຫຼືອໃນຄັ້ງນີ້ ແລະ ຈະໄດ້ນໍາເອົາເຄື່ອງຊ່ວຍເຫຼືອດັ່ງກ່າວແຈກຍາຍໃຫ້ແກ່ບັນດາກົມເພື່ອໃຫ້ພະນັກງານໄດ້ນໍາໃຊ້ ໃນໄລຍະເວລາມາປະຕິບັດໜ້າທີ່ວຽກງານຂອງຕົນ ແລະ ອວຍພອນໄຊ ໃຫ້ບໍລິສັດ ຈົ່ງສືບຕໍ່ດໍາເນີນທຸລະກິດດ້ວຍຄວາມສະດວກ ແລະ ໄດ້ຮັບການພັດທະນາຂຶ້ນໄປເລື້ອຍໆ ກາຍເປັນແຫຼ່ງລາຍຮັບທີ່ສໍາຄັນຂອງງົບປະມານແຫ່ງຊາດ.

ແຫຼ່ງຂ່າວ: ກະຊວງອຸດສາຫະກໍາ ແລະ ການຄ້າ, ສູນ​ສະ​ຖິ​ຕິ ແລະ ຂໍ້​ມູນ​ຂ່າວ​ສານ