ໃນລະຫວ່າງວັນທີ 08 – 09 ທັນວາ 2020 ຜ່ານມາ, ທີ່ສະໂມສອນປົກຄອງເມຶີອງຜົ້ງສາລີ,  ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກໍາ ແລະ ການຄ້າ ໄດ້ນໍາພາຄະນະວິຊາການ ລົງເຄື່ອນໄຫວວຽກງານ ແລະ ເຂົ້າຮ່ວມກອງປະຊຸມພົບປະແລກປ່ຽນ ແລະ ຖອດຖອນບົດຮຽນວຽກງານອຸດສາຫະກຳ ແລະ ການຄ້າ 7 ແຂວງພາກເໜຶີອ ຄັ້ງທີ Vl ໂດຍແບ່ງເປັນກອງປະຊຸມພາຍໃນຂະແໜງການ ໃນພາກບ່າຍຂອງວັນທີ 8 ທັນວາ 2020 ແລະ ກອງປະຊຸມຮ່ວມກັບການນໍາແຂວງ ໃນພາກເຊົ້າຂອງວັນທີ 9 ທັນວາ 2020  ໂດຍການເຂົ້າຮ່ວມຂອງການນໍາຈາກ 4 ແຂວງຄຶີ: ເຈົ້າແຂວງ-ຮອງເຈົ້າ ແຂວງໆ ຜົ້ງສາລີ, ຮອງເລຂາພັກແຂວງຫຼວງນໍ້າທາ, ຮອງເຈົ້າແຂວງໆ ອຸດົມໄຊ ແລະ ຮອງເຈົ້າແຂວງໆ ຊຽງຂວາງ. ພ້ອມທັງ ຜູ້ເຂົ້າຮ່ວມຈາກຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກ, ພະນັກງານຈາກກະຊວງອຸດສາຫະກຳ ແລະ ການຄ້າ ຈໍານວນໜຶ່ງ ແລະ ພະແນກອຸດສາຫະກໍາ ແລະ ການຄ້າ 7 ແຂວງພາກເໜຶີອ ແລະ ພາກສ່ວນທີ່ກ່ຽວຂ້ອງ.

          ໃນກອງປະຊຸມ ໄດ້ຮັບຟັງການລາຍງານຫຍໍ້ ກ່ຽວກັບຜົນການຈັດຕັ້ງຜັນຂະຫຍາຍເນຶີ້ອໃນບົດບັນທຶກ ກອງປະຊຸມພົບປະແລກປ່ຽນ ແລະ ຖອດຖອນບົດຮຽນ ຄັ້ງທີ V ໃນປີ 2019 ທີ່ ແຂວງ ຫົວພັນ ບັນດາເນຶີ້ອໃນທີ່ໄດ້ເອກະພາບກັນປະກອບມີ 7 ໜ້າວຽກທີ່ຈະຕ້ອງໄດ້ສຶີບຕໍ່ສຸມໃສ່ຈັດຕັ້ງຜັນຂະຫຍາຍ ປະກອບມີ: ການສ້າງຄວາມເຂັ້ມແຂງ ໃຫ້ແກ່ SME, ການດັດສົມໂຮງງານປຸງແຕ່ງໄມ້ທີ່ຕິດຜັນກັບ ຄຳສັ່ງເລກທີ 15/ນຍ, ການສ້າງຕັ້ງສະມາຄົມ ຫຼຶີ ສະຫະກອນ ແລະ ການສ້າງຕັ້ງກຸ່ມຜະລິດ, ການຄຸ້ມຄອງຕະຫຼາດ, ການຄຸ້ມຄອງລາຄາສິນຄ້າ-ການບໍລິການ, ວຽກງານກວດກາການຄ້າ, ການສະກັດກັ້ນການນຳເຂົ້າສິນຄ້ານອກລະບົບ, ການຄ້າຂາຍເຖື່ີ່ອນ, ການເຄຶີ່ອນຍ້າຍສັດບໍ່ຖືກຕ້ອງ ແລະ ການຄຸ້ມຄອງຊາວຄ້າຂາຍຕ່າໆປະເທດ, ຍົກສູງການປະສານງານ ແລະ ການພົວພັນຮ່ວມມຶີ ລະຫວ່າງແຂວງຕໍ່ແຂວງໃຫ້ແຂງແຮງ, ວຽກງານການຄຸ້ມຄອງສະພາການຄ້າ ແລະ ອຸດສາຫະກໍາແຂວງ ແລະ ການຄຸ້ມຄອງວິສາຫະກິດຂອງລັດ. ພ້ອມທັງຜ່ານທິດທາງແຜນການຮ່ວມມຶີພັດທະນາວຽກງານອຸດສາຫະກຳ ແລະ ການຄ້າ ຈົນຮອດກອງປະຊຸມຄັ້ງຕໍ່ໄປ. ພ້ອມນີ້, ຍັງໄດ້ຮັບຟັງຄໍາເຫັນຈາກການນໍາແຂວງ ຊຶ່ງໄດ້ເນັ້ນໃສ່ການສໍາພັນທຸລະກິດ ລະຫວ່າງກັນໃນ 7 ແຂວງພາກເໜືອ ແລະ ການແລກປ່ຽນຂໍ້ມູນຂ່າວສານດ້ານອຸດສາຫະກໍາ ແລະ ການຄ້ານໍາກັນ. ຈຸດປະສົງຫຼັກຂອງກອງປະຊຸມຄັ້ງນີ້ແມ່ນ ສ້າງເງຶີອນໄຂ, ສ້າງໂອກາດໃຫ້ພະນັກງານຫຼັກແຫຼ່ງ ໃນຂະແໜງອຸດສາຫະກຳ ແລະ ການຄ້າ 7 ແຂວງພາກເໜຶີອ ໄດ້ມີໂອກາດພົບປະແລກປ່ຽນຄໍາຄິດຄໍາເຫັນ ແລະ ຖອດຖອນບົດຮຽນກັບບັນດາກົມຈາກກະຊວງອຸດສາຫະກຳ ແລະ ການຄ້າ, ປຶກສາຫາລືຊອກວິທີທາງແກ້ໄຂບັນດາບັນຫາຂໍ້ຫຍຸ້ງຍາກ ທີ່ເປັນອຸປະສັກຕໍ່ການບໍລິຫານຄຸ້ມຄອງດ້ານມະຫາພາກຕາມການແບ່ງຂັ້ນຄຸ້ມຄອງ ແລະ ເພຶີ່ອຕີແຕກບັນດາບັນຫາທີ່ເປັນສິ່ງກີດຂວາງ; ປະກົດການຫຍໍ້ທໍ້ທີ່ເກີດຂຶ້ນໃນວຽກງານອຸດສາຫະກໍາ ແລະ ການຄ້າ, ການລົງທຶນ ແລະ ການບໍລິການໃຫ້ໝົດໄປເທື່ອລະຂັ້ນ, ແນໃສ່ຫັນເປັນທັນສະໄໝໃນການບໍລິຫານຄຸ້ມຄອງວຽກງານອຸດສາຫະກຳ ແລະ ການຄ້າ ຢູ່ບັນດາແຂວງພາກເໜຶີອ ໃຫ້ມີບາດລ້ຽວຫັນປ່ຽນໃໝ່ຢ່າງຕັ້ງໜ້າ ຕາມສີສັນເສດຖະກິດພູດອຍ, ຂະຫຍາຍກຳລັງການຜະລິດຢູ່ໃນທ່າບຸກ ຕາມທິດຫັນເປັນອຸດສາຫະກຳທັນສະໄໝ, ສີຂຽວ, ສົມດຸນ ແລະ ຍືນຍົງ ກາຍເປັນຕ່ອງໂສ້ສຳຄັນທີ່ຂັບເຂື່ອນພັດທະນາເສດຖະກິດ-ສັງຄົມຂອງແຂວງ ໃຫ້ມີບາດກ້າວຂະຫຍາຍຕົວຕໍ່ເນື່ອງ, ໝັ້ນທ່ຽງ ແລະ ຍຶີນຍົງ.

     ໃນຕອນທ້າຍ, ຍັງມີພິທີຮ່ວມລົງນາມເຊັນບົດບັນທຶກ ການຮ່ວມມຶີ ລະຫວ່າງ ກະຊວງອຸດສາຫະກຳ ແລະ ການຄ້າ ກັບ ອົງການປົກຄອງແຂວງຜົ້ງສາລີ ໂດຍທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ແລະ ທ່ານ ຄໍາຜອຍ ວັນນະສານ ເຈົ້າແຂວງໆ ຜົ້ງສາລີ ແລະ ມີການເຂົ້າຮ່ວມເປັນສັກຂີພະຍານ ຂອງພາກສ່ວນທີ່ກ່ຽວຂ້ອງ.

     ນອກນັ້ນ, ທ່ານລັດຖະມົນຕີ ພ້ອມຄະນະຍັງໄດ້ເຂົ້າຮ່ວມ ພິທີສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ, ວັນຄ້າຍວັນເກີດ ທ່ານ ປະທານ ໄກສອນ ພົມວິຫານ ຄົບຮອບ 100 ປີ ແລະ ພິທີເປີດງານເທດສະການອາຫານ ແລະ ດື່ມນໍ້າຊາ ຄັ້ງທີ 1 ໃນວັນທີ 9 ທັນວາ 2020 ໃນໂອກາດນີ້ດ້ວຍ.

ພາບ-ຂ່າວໂດຍ: ທ ພັນທະກອນ ມຸ່ງມີໄຊ ຫ້ອງການກະຊວງ ອຄ

ຮຽບຮຽງໂດຍ: ນ ຖື ແຫວນວົງສົດ ສູນສະຖິຕິ ແລະ ຂໍ້ມູນຂ່າວສານ ກຜຮ