ຕອນເຊົ້າ ເວລາ 11: 00 ໂມງ ຂອງວັນທີ 18 ມັງ​ກອນ 2021 ທີ່ຫ້ອງຮັບແຂກໃຫຍ່ຊັ້ນ 4 ກະຊວງ   ອຸດສາຫະກໍາ ແລະ ການຄ້າ ໄດ້ມີການຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ນາງ  ອີນາ ມາຊຸຍລີອົງນີເຕ (Ina MACIULIONYTE), ເອັກອັກຄະລັດຖະທູດ ແຫ່ງ ສະຫະພາບເອີຣົບ (EU) ປະຈໍາ ສປປ ລາວ ເນື່ອງໃນໂອກາດການເຂົ້າຢ້ຽມຂໍ່ານັບຄັ້ງນີ້ ມີຜູ້ຕາງໜ້າ​ຈາກທັງສອງຝ່າຍເຂົ້າຮ່ວມ ຈໍານວນ 10 ​ທ່ານ.

      ໃນ​ໂອ​ກາດ​ພົບ​ປະ​ຄັ້ງ​ນີ້ ສອງ​ຝ່າຍ​ໄດ້​ປຶກ​ສາ​ຫາ​ລື ແລະ ທ່ານ ລັດຖະມົນຕີ ໄດ້ແຈ້ງກ່ຽວກັບສະພາບເສດຖະກິດມະຫາພາກຂອງ ສປປ ລາວ ພາຍຫຼັງທີ່ໄດ້ຖືກກະທົບຈາກການລະບາດຂອງພະຍາດ COVID-19, ໄດ້ສົ່ງຜົນກະທົບຢ່າງຫຼວງຫຼາຍໃຫ້ກັບທຸກຂະແໜງການ ຈາກຜົນກະທົບຂອງການລະບາດ Covid-19, ມູນຄ່າການຄ້າທັງ ໝົດ ໃນປີ 2020 ໄດ້ມີການຫຼຸດລົງເລັກ ໜ້ອຍ 0,72% ເຊິ່ງຄິດເປັນມູນຄ່າປະມານ 320 ລ້ານໂດລາສະຫະລັດ. ທ່ານ ລັດຖະມົນຕີ ຍັງໄດ້ຕີລາຄາສູງການປະຕິບັດວຽກງານການພົວພັນຮ່ວມມື ແລະ ຊ່ວຍເຫຼືອ ໃຫ້​ແກ່ ສປປ ລາວ ໃນໄລຍະຜ່ານມາເປັນການປະກອບສ່ວນອັນສຳຄັນໃນການພັດທະນາເສດຖະກິດ-ສັງຄົມກໍ່ຄືການປະຕິບັດແຜນ 5 ປິຄັ້ງທີ VIII  ໃຫ້ການຊ່ວຍເຫຼືອໃນການແກ້ໄຂຄວາມທຸກຍາກຂອງປະຊາຊົນໂດຍສະເພາະການຍົກລະດັບວຽກງານໃນຂົງເຂດການຄ້າ, ການສຶກສາ, ຂົງເຂດສັງຄົມ ແລະ ອື່ນໆ.

        ຕອນທ້າຍນີ້ ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າ  ສະແດງຄວາມຍິນດີ ຕໍ່ ທ່ານ ເອກອັກຄະລັດຖະທູດ​ໃນການໃຫ້ຄວາມຮ່ວມມືເປັນຢ່າງດີ ແລະ ທ່ານ ເອກອັກຄະລັດຖະທູດ ກໍ່ສະແດງຄວາມຂອບໃຈ ມາຍັງທ່ານລັດຖະມົນຕີ ກະຊວງ ອຄ ທີ່ໃຫ້ການຕ້ອນຮັບຢ່າງອົບອຸ່ນ ແລະ ດ້ວຍໄມຕີຈິດມິດຕະພາບ.

ພາບ-ຂ່າວໂດຍ: ໄພ​ຄຳ​ອີ ວິ​ໄລ​ຄຳ

ສູນ​ສະ​ຖິ​ຕິ ແລະ ໍ້​ມູນ​ຂ່າວ​ສານ