ຕອນເຊົ້າ ເວລາ 09: 00 ໂມງ ຂອງວັນທີ 11 ມິຖຸນາ 2021 ທີ່ຫ້ອງຮັບແຂກໃຫຍ່ຊັ້ນ 4 ກະຊວງອຸດສາຫະກໍາ ແລະ ການຄ້າ, ທ່ານ ປອ. ຄຳແພງ ໄຊສົມແພງ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ນາງ Ina MARCIULIONYTE, ເອກອັກຄະລັດຖະທູດ ແຫ່ງ ສະຫະພາບເອີຣົບ ປະຈຳ ສປປ ລາວ ພ້ອມດ້ວຍຄະນະ, ມີຜູ້ຕາງໜ້າເຂົ້າຮ່ວມທັງສອງຝ່າຍ ປະມານ 20 ທ່ານ.
ໂອກາດນີ້ ທ່ານ ປອ. ຄຳແພງ ໄຊສົມແພງ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ກໍ່ແດງຄວາມຍິນດີຕ້ອນຮັບຕໍ່ ທ່ານ ນາງ Ina MARCIULIONYTE, ເອກອັກຄະລັດຖະທູດ ແຫ່ງ ສະຫະພາບເອີຣົບ ປະຈໍາ ສປປ ລາວ, ຕີລາຄາສູງຕໍ່ການມາພົບປະຄັ້ງນີ້ ລະຫວ່າງ ລາວ-ເອີຣົບ ໂດຍສະເພາະທ່ານ ໄດ້ມາແຈ້ງແຜນຕໍ່ໜ້າມີການປະຕິຮູບວຽກງານຕ່າງໆຂອງ, ໃນຕໍ໋ໜ້າສະຫະພາບເອີຣົບຈະແຜນເປີດກອງປະຊຸມລະດັບ ລັດຖະມົນຕີຂື້ນ ສະນັ້ນເພື່ອເຮັດໃຫ້ ການເສີມສ້າງຂະຫຍາຍສາຍພົວພັນທາງດ້ານເສດຖະກິດການຄ້າ ແລະ ການລົງທຶນໂຄງການຊ່ວຍເຫຼືອທີ່ຜ່ານມາ ແລະ ມີແຜນຊວ່ຍເຫຼືອໃນຕໍ່ໜ້າທັງສອງຝ່າຍໄດ້ປຶກສາຫາລືທົບທວນຄວາມເຂົ້າໃຈຮ່ວມກັນຫຼາຍດ້ານການຄ້າ ເປັນຕົ້ນອົງການການຄ້າໂລກໄດ້ສະໜັບສະໜູນດ້ານການຄ້າການ-ການລົງທຶນໃຫ້ແກ່ລາວຫຼາຍໂຄງການເປັນ ມູນຄ່າ 2.8 ລ້ານເອີໂລ ເປັນການລົງທຶນສ້າງຟື້ນຖານໂຄງລ່າງສ້າງສາພັດທະນາໃຫ້ແກ່ ສປປ ລາວ ເປັນການຊຸກຍູ້ລົງທຶນທີ່ໄດ້ຮັບສິດທິພີີເສດດ້ານການຄ້າໃຫ້ແກ້ລາວ.
ນອກນັ້ນ ຍັງໄດ້ປຶກສາຫາລືກໂຄງການອຸດສາຫະກຳພີເສດ ແລະ ອຸດສາຫະກຳສະເພາະ ໂຄງການປູກກາເຟລາວຢູ່ແຂວງຈຳປາສັກ ແລະ ການສົ່ງເສີມດ້ານອຸດສາຫະກຳ ແລະ ກະສິກຳຂອງລາວ ໃຫ້ມີຄຸນນະພາບພື່ອສົ່ງອອກ. ນອກນັ້ນ EU ຍັງໃຫ້ຄວາມຊ່ວຍເຫຼືອດ້ານອຸປະກອນການແພດ ວັກຊີນປ້ອງກັນພະຍາດໂຄວິດ 19 ແກ່ສປປ ລາວ, ທັງສອງຝ່າຍໄດ້ໃຫ້ຄໍາໝັ້ນສັນຍາສິດທິພີເສດໃຫ້ແກ່ລາວໃນຕໍ່ໜ້າ.
ທ່ານ ນາງ Ina MARCIULIONYTE, ເອກອັກຄະລັດຖະທູດສະຫະພາບເອີຣົບ ກໍ່ສະແດງຄວາມຍິນດີທີ່ທ່ານ ລັດຖະມົນຕີ ມາຮັບຕໍາແໜ່ງໜ້າທີ່ໃໝ່ ພ້ອມທັງຂອບໃຈມາຍັງ ທ່ານລັດຖະມົນຕີ ກະຊວງ ອຄ ທີ່ໄດ້ການຕ້ອນຮັບຢ່າງອົບອຸ່ນໃຫ້ແກ່ ຂ້າພະເຈົ້າ.
ຕອນທ້າຍ ທ່ານ ລັດຖະມົນຕີ ກະຊວງ ອຄ ສະແດງຄວາມຂອບໃຈ ຕໍ່ທ່ານເອກອັກຄະລັດຖະທູດ ພ້ອມດ້ວຍຄະນະ ທີ່ໄດ້ປຶກສາຫາລືນຳເອົາຜົນປະໂຫຍດໃຫ້ແກ່ ສປປ ລາວ.
ພາບ-ຂ່າວ: ໄພຄຳອີ ວິໄລຄຳ
ສູນສະຖິຕິ ແລະ ຂໍ້ມູນຂ່າວສານ
