ໃນຕອນ​ເຊົ້າຂອງວັນທີ 06 ມີຖຸນາ 2023 ທີ່ຫ້ອງປະຊຸມໃຫຍ່ຊັ້ນ 01 ກະຊວງອຸດສາຫະກໍາ ແລະ ການຄ້າ, ສະຖາບັນອຸດສາຫະກໍາ ແລະ ການຄ້າ ໄດ້ເປີດປະຊຸມ ພາຍໃຕ້ການເປັນປະທານຂອງ ທ່ານ ບຸນເຖິງ ດວງສະຫວັນ  ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ, ຜູ້ເຂົ້າຮ່ວມ ຮອງຫົວໜ້າສະຖາບັນ, ບັນດາທ່ານຕາງໜ້າກົມກອງອ້ອມຂ້າງກະຊວງ, ມະຫາວິທະຍາໄລແຫ່ງຊາດ, ກະຊວງກະສິກໍາ ແລະ ປ່າໄມ້, ສະພາແຫ່ງຊາດ, ຫ້ອງວ່າການລັດຖະບານກະຊວງແຜນການ ແລະ ການລົງທືນ, ສະຖາບັນຄົ້ນຄວ້າວິທະຍາສາດເສດຖະກິດ ແລະ ສັງຄົມແຫ່ງຊດ, ພາກທຸລະກິດ ແລະ ຍັງ​ມີການເຂົ້້າຮ່ວມຜ່ານລະບົບການສື່ສານທາງໄກຂອງນັກຄົ້ນຄວ້າຕ່າງປະເທດ.

       ໂອກາດນີ້ ທ່ານ ບຸນເຖິງ ດວງສະຫວັນ  ປະທານກອງປະຊຸມ ໄດ້ກ່າວເປີດມັນຕົ້ນຖືວ່າເປັນພືດເສດຖະກິດຊະນິດໜຶ່ງທີ່ນັບມື້ມີບົດບາດທີ່ສໍາຄັນຕໍ່ການສົ່ງອອກເປັນສິນຄ້າ ແລະ ໄດ້ຮັບຄວາມນິຍົມໃນການປູກເພີ້ມສູງຂື້ນ ຢູ່ ສປປ ລາວ. ໄດ້ເຜີຍແຜ່ຜົນການຄົ້ນຄວ້າ ແລະ ການແລກປ່ຽນຄວາມຮູ້ດ້ານວິຊາການປະໄຈກໍານົດການເຂົ້າຮ່ວມຕ່ອງໂສ້ມູນຄ່າສິນຄ້າກະສິກໍາຂອງຊາວກະສິກອນລາວກໍລະນີສຶກສາມັນຕົ້ນ.

         ສ່ວນໃຫຍ່ແມ່ນປູກຢູ່ ບັນດາແຂວງພາກກາງ ແລະ ພາກໃຕ້ ແລ້ວສົ່ງຜ່ານພໍ່ຄ້າຄົນກາງ ແລະ ໂຮງງານອຸດສາຫະກຳປຸງແຕ່ງ ທັງພາຍໃນ ແລະ ຕ່າງປະເທດ ອີິງຕາມສະຖິຕິພື້ນທີ່ການປູກມັນຕົ້ນແມ່ນເພີ້ມຂື້ນຈາກ 100.000 ເຮັກຕາໃນປີ 2020 ເປັນ 194.900 ເຮັກຕາ ໃນປີ 2022 ມູນຄ້າການສົ່ງອອກ ເພີ້ມຂື້ີນຈາກ 193 ລ້ານໂດລາສະຫະລັດ ມາເປັນ 328 ລ້ານໂດລາສະຫະລັດ. ກອງປະຊຸມມື້ນີ້ນອກຈາກການເຜີຍແຜ່ຜົນການຄົ້ນຄວ້າ ແລະ ແລກປ່ຽນບົດຮຽນທາງດ້ານວິຊາການແລ້ວ ຍັງໄດ້ຮັບຟັງການບັນຍາຍໃນຫົວຂໍ້ທີ່ກ່ຽວຂ້ອງກັບຕ່ອງໂສ້ມູນຄ່າສິນຄ້າກະສິກໍາຂອງຊາວກະສິກອນ ຈາກ ສະ​ຖາ​ບັນ​​ອຸດ​ສາ​ຫະ​ກຳ ແລະ ການ​ຄ້າ, ກົມປູກຟັງ, ກົມການນໍາເຂົ້າ ແລະ ສົ່ງອອກ, ມະຫາວິທະຍາໄລແຫ່ງຊາດ.

           ເພື່ອເປັນຂໍ້ມູນໃນການປັບປຸງ ແລະ ສະເໜີແນວທາງດ້ານນະໂຍບາຍ ໃນການສົ່ງເສີມເຂົ້້າຮ່ວມຕ່ອງໂສ້ມູນຄ່າສິນຄ້າກະສິກໍາຂອງຊາວກະສິກອນລາວ ໃນການຜະລິດສີນຄ້າກະຊິກໍາໃຫ້ເກີດປະໂຫຍດສູງສຸດ.

ຂ່າວ-ພາບ: ໄດ້ມາຈາກ ສະຖາບັນອຸດສາຫະກໍາ ແລະ ການຄ້າ ກະຊວງ ອຄ.