ຕອນເຊົ້າ ເວລາ 9: 00 ໂມງ ຂອງວັນທີ 12 ມີຖຸນາ 2023 ທີ່ຫ້ອງຮັບແຂກໃຫຍ່ຊັ້ນ 4 ກະຊວງອຸດສາຫະກໍາ ແລະ ການຄ້າ, ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ ARAI Yutaka, ຫົວໜ້າອົງການບໍລິຫານຂັ້ນສູນກາງ ແຫ່ງປະເທດຢີປຸ່ນ ເຂົ້າພົບປະປຶກສາຫາລືກັບ ທ່ານ ລັດຖະມົນຕີ, ພ້ອມຄະນະມີຜູ້ຕາງໜ້າເຂົ້າຮ່ວມທັງສອງຝ່າຍ ປະມານ 15 ທ່ານ.
ໂອກາດນີ້ ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ກໍ່ແດງຄວາມຍິນດີຕ້ອນຮັບຕໍ່ ທ່ານ ນາງ ARAI Yutaka, ຕາງໜ້າອົງການການຄຸ້ມຄອງຜູ້ບໍລິໂພກ ແລະ ຄວາມປອດໄພດ້ານອາຫານ ແລະ ເປັນອົງການທີ່ຂື້ນກັບສິດອໍານາດຂອງນາຍົກລັດຖະມົນຕີ, ໄດ້ມີການຮ່ວມມືຢ່າງຕັ້ງໜ້າຊຶ່ງໂຄງການພັດທະນານິຄົມອຸດສາຫະກຳຢູ່ນະຄອນຫຼວງວຽງຈັນ: ໃນປີ 2010 ລັດຖະບານ ສປປ ລາວ ໄດ້ຮັບການຊ່ວຍເຫຼືອຈາກ ລັດຖະບານ ຍີ່ປຸ່ນ ໃນການດຳເນີນການສຶກສາຄວາມເປັນໄປໄດ້ເບື້ອງຕົ້ນ ແລະ ອອກແບບເພື່ອສ້າງນິຄົມອຸດສາຫະກຳ ຢູ່ນະຄອນຫຼວງວຽງຈັນ (Vientiane Industrail Park ) ຊຶ່ງຊ່ຽວຊານຂອງອົງການໃຈກາ ໄດ້ສຳເລັດການສຳຫຼວດອອກແບບເບື້ອງຕົ້ນ ແລະ ໄດ້ມອບບົດລາຍງານສຸດທ້າຍໃຫ້ລັດຖະບານລາວໃນ ປີ2011. ຫຼັງຈາກນັ້ນ ກະຊວງອຸກສາຫະກຳ ແລະ ການຄ້າ ໄດ້ຄົ້ນຄວ້າແຫຼ່ງທຶນມາພັດທະນາ ຊຶ່ງລັດຖະບານຍີ່ປຸ່ນໄດ້ເຫັນດີໃຫ້ກູ້ຢືມເງິນດອກເບ້ຍຕໍ່າ ແຕ່ວ່າລັດຖະບານລາວຕ້ອງມີເງິນຊົດເຊີຍສິດນຳໃຊ້ທີ່ດິນກ່ອນ ຈຶ່ງເຮັດໃຫ້ການປະຕິບັດລ່າຊ້າ. ປະຈຸບັນກະຊວງ ອຄ ໄດ້ ສະເໜີ ໃຫ້ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ພິຈາລະນາອອກສິດນຳໃຊ້ທີ່ດິນໃຫ້ແກ່ ກະຊວງ ອຄ, ປະຈຸບັນແມ່ນຢູ່ໃນຂັ້ນຕອນພິຈາລະນາ ໄດ້ຮັບທຶນຈາກ ກະຊວງເສດຖະກິດ, ການຄ້າ ແລະ ອຸດສາຫະກຳຍີ່ປຸ່ນ ( METI ) ໃນການຈັດຝຶກອົບຮົມ ແລະ ສ້າງຖານຂໍ້ມູນເຄມີ.
ດ້ານການຄ້າ ໃນປີ 2022: ມູນຄ່າການຄ້າລະຫວ່າງ ລາວ ແລະ ຢີ່ປຸ່ນ ສາມາດປະຕິບັດໄດ້ 290.5 ລ້ານໂດລາສະຫາລັດໃນນັ້ນ, ມູນຄ່າການນໍາເຂົ້້າປະຕິບັດໄດ້ 149.8 ລ້ານໂດລາສະຫາລັດ ແລະ ມູນຄ່າການສົ່ງອອກ ປະຕິບັດໄດ້ 140.6 ລ້ານໂດລາສະຫາລັດ
- ສິນຄ້ານໍາເຂົ້້າຈາກ ຢີ່ປຸ່ນ ໃນປີ 2022 ປະກອບມີ: ພາຫະນະທາງບົກ (ນອກຈາກລົດຈັກ,ລົດໄຖ), ຊິ້ນສ່ວນອາໄຫຼ່ລົດ (ລວມທັງຢາງ, ແວ່ນ, ໂສ້…), ແກ້ວ ແລະ ເຄື່ອງໃຊ້ທີ່ເຮັດດ້ວຍແກ້ວ, ລົດໄຖນາ, ເຄື່ອງໄຟຟ້າ ແລະ ອຸປະກອນໄຟຟ້າ, ເສັ້ນໄຍສັງເຄາະ, ເຄື່ອງໃຊ້ທີ່ເຮັດດ້ວຍພລາສະຕິກ, ຝ້າຍ ແລະ ຜະລິດຕະພັນຈາກຝ້າຍ, ອຸປະກອນກົນຈັກ (ນອກຈາກເຄື່ອງກົນຈັກພາຫະນະ) ແລະ ສິນຄ້າອື່ນໆ
- ສິນຄ້າລາວ ສົ່ງອອກໄປ ຢີ່ປຸ່ນ ໃນປີ 2022 ປະກອບ ມີເກີບ, ຜະລິດຕະພັນທາງເຄມີ, ເຄື່ອງໃຊ້ໄຟຟ້າ ແລະ ອຸປະກອນເຄື່ອງໃຊ້ໄຟຟ້າ, ເຄື່ອງນຸ່ງຫົ່ມ, ນ້ຳຫອມ, ເຄື່ອງສຳອາງ, ຂົນສັດປີກ, ເກືອກາລີ, ກາເຟ (ບໍ່ທັນໄດ້ປຸງແຕ່ງ), ຜະລິດຕະພັນເຄມີປະສົມສຳເລັດຮູບ, ໝາກກ້ວຍ, ເຄື່ອງຫຼີ້ນກິລາ ເມັດພືດ, ໝາກໄມ້ທີ່ມີນ້ຳມັນ, ເຟືອງ ແລະ ຫຍ້າ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ ແລະ ອື່ນໆ
ໃນການແລກປ່ຽນຄໍາຄິດຄໍາເຫັນຢ່າງກົງໄປກົງມາໃນຄັ້ງນີ້ ເພື່ອຊອກຫາທາງອອກໃນອະນາຄົດໄດ້ປັບປຸງວຽກງານການຮ່ວມມື ຂອງສອງຝ່າຍດີຂຶ້ນກວ່າເກົ່າ. ພ້ອມດຽວກັນນີ້
ທ່ານ ນາງ ARAI Yutaka ກໍ່ສະແດງຄວາມຂອບໃຈມາຍັງທ່ານລັດຖະມົນຕີ ທີ່ໃຫ້ຄໍາປຶກສາຫາລືຢ່າງກົງໄປກົງມາເປັນປະໂຫຍດໃຫ້ແກ່ສອງປະເທດ ແລະ ໃຫ້ຄໍາໝັ້ນສັນຍາວ່າຈະໃຫ້ການຮ່ວມມື ລະຫວ່າງ ສປປ ລາວ – ຢີປຸ່ນ ແລະ ອຳນວຍຄວາມສະດວກໃນວຽກງານຫຼາຍດ້ານ ເພື່ອໃຫ້ເກີດຜົນປະໂຫຍດໃຫ້ແກ່ສອງປະເທດໃນຕໍ່ໜ້າ.
ພາບ-ຂ່າວ: ໄພຄໍາອີ ສູນສະຖິຕິ ແລະ ຂໍ້ມູນຂ່າວສານ ກຜຮ / ກະຊວງ ອຄ.
