ຕອນເຊົ້າ ເວລາ 9:00 ໂມງ ຂອງວັນ 24 ມັງກອນ 2024 ທີ່ຫ້ອງປະຊຸມໃຫ່ຍຊັ້ນ 1 ກະຊວງອຸດຫະກໍາ ແລະ ການຄ້າ ໄດ້ມີກອງປະຊຸມເຜີຍແຜ່ ເຊື່ອມຊຶມ ດໍາລັດວ່າດ້ວຍ ຈັນຍາບັນຂອງພະນັກງານ-ລັດຖະກອນ
ແລະ ດຳລັດວ່າດ້ວຍການຮຽນຮູ້ຕະຫຼອດຊີວິດ ກອງປະຊຸມໂດຍເປັນປະທານຂອງ ທ່ານ ນາງ ຈັນສຸກ ແສງພະຈັນ ຮອງລັດມົນຕີ ກະຊວງອຸດສາຫະກໍາ ແລະ ການການຄ້າ ໄດ້ຈັດຂຶ້ນເພື່ອແນ່ໃສ່ໃຫ້ພະນັກງານ-ລັດຖະກອນຮັບຮູ້ ແລະ ເຂົ້າໃຈທົ່ວຂະແໜງອຸດສາຫະກຳ ແລະ ການຄ້າ.
ກອງປະຊຸມໄດ້ຮັບຟັງການເຜີຍແຜ່ຂອງ ທ່ານ ອຸໄລພົງ ພົມມະຈັກ ຫົວໜ້າພະແນກ ກົມຄຸ້ມຄອງລັດຖະກອນ ກະຊວງພາຍໃນເຜີຍແຜ່ດໍາລັດວ່າດ້ວຍຈັນຍາບັນຂອງພະນັກງານ-ລັດຖະກອນ. ທ່ານ ນາງ ພິລານີ ພິດສະໄໝ ຮອງຫົວໜ້າກົມການສຶກສານອກໂຮງຮຽນ, ກະຊວງສຶກສາ ແລະ ກິລາ, ນອກໂຮງຮຽນ ຄວາມເປັນມາ, ເຫດຜົນ ແລະ ຄວາມຈໍາເປັນໃນການສ້າງແຜນປະຕິບັດງານແຫ່ງຊາດການຮຽນຮູ້ຕະຫຼອດຊິວິດ. ເພື່ອຈັດຕັ້ງຜັນຂະຫຍາຍມະຕິກອງປະຊຸມຄົບຄະນະກາງສະໄໝຂອງຄະນະບໍລິຫານງານ ສູນກາງສະໄໝທີ XI, ຈັດຕັ້ງປະຕິບັດແຜນການພັດທະນາເສດຖະກິດສັງຄົມແຫ່ງຊາດ, ແຜນພັດທະນາອຸດສາຫະກຳປຸງແຕ່ງ ແລະ ການຄ້າ, ເພື່ອເປັນການເຊື່ອມຊຶມ ແລະ ການໂຄສະນາ, ເຜີຍແຜ່ນະໂຍບາຍລະບຽບການກ່ຽວກັບການຮຽນຮູ້ຕະຫຼອດຊີວິດລວມທັງການປູກຈິດສຳນຶກ ແລະ ສົ່ງເສີມການຮຽນຮູ້ຕະຫຼອດຊີວິດເພື່ອສ້າງຄວາມເຂັ້ມແຂງໃຫ້ແກ່ວຽກງານການພັດທະນາຊັບພະຍາກອນມະນຸດຂອງບັນດາກົມພາຍໃນກະຊວງ ອຄ, ໃນກອງປະຊຸມດັ່ງກ່າວນີ້ທາງວິທະຍາກອນຈາກກະຊວງພາຍໃນ, ກະຊວງສຶກສາທິການ ແລະ ກິລາ ຈະໄດ້ຂຶ້ນບັນຍາຍໃນຫົວຂໍ້ຕ່າງໆຕາມວາລະເພື່ອໃຫ້ຜູ້ເຂົ້າຮ່ວມໄດ້ຮັບຮູ້ ແລະ ແລກປ່ຽນຄຳຄິດເຫັນໃນວຽກງານດັ່ງກ່າວ ໃຫ້ມີຄວາມເຂົ້າໃຈຢ່າງລະອຽດຈະແຈ້ງ ແລະ ເປັນເອກະພາບກັນ.
ເພື່ອຮັບປະກັນໃຫ້ຈຸດປະສົງ ແລະ ລະດັບຄາດໝາຍ ຂອງກອງປະຊຸມເຜີຍແຜ່ດຳລັດໃນຄັ້ງນີ້ ບັນລຸໄດ້ ຜົນສຳເລັດຢ່າງຈົບງາມໃຫ້ບັນດາທ່ານທີ່ເຂົ້າຮ່ວມທັງໝົດ ຈົ່ງຍົກສູງຄວາມຮັບຜິດຊອບ ແລະ ສະຕິປັນຍາຂອງຕົນເຂົ້າໃນການຮັບຟັງ, ປຶກສາຫາລື ແລະ ແລກປ່ຽນຄໍາຄິດເຫັນ ຕໍ່ກັບເນື້ອໃນຂອງ 02 ດຳລັດດັ່ງກ່າວເພື່ອໃຫ້ມີຄວາມເຂົ້າໃຈຢ່າງລະອຽດຈະແຈ້ງ ແລະ ເລີກເຊີ່ງເຖິງຖອງ.
ພາບ-ຂ່າວ: ໄພຄໍາອີ ວິໄລຄໍາ ຫ້ອງການກະຊວງ ອຄ.
