ໃນຕອນເຊົ້າ ຂອງວັນທີ 29 ກໍລະກົດ 2024 ທີ່ກະຊວງອຸດສາຫະກຳ ແລະ ການຄ້າ ໄດ້ຕ້ອນຮັບທ່ານ ດຣ ປີເຕີ ເຄ ເນ ລໍາ, ປະທານສະພາພັດທະນາການຄ້າ ຮົງກົງ ທີ່ໄດ້ເດີນທາງມາເຄື່ອນໄຫວທາງ ລັດຖະການ ທີ່ ສປປ ລາວ ຖືວ່າເປັນຄັ້ງທໍາອິດຂອງຄະນະ ທີ່ໄດ້ເດີນທາງມາຢ້ຽມຢາມ ກະຊວງ ອຄ. ເປັນກຽດຕ້ອນຮັບໂດຍ ທ່ານ ມະໄລທອງ ກົມມະສິດ ລັດຖະມົນຕີກະຊວງ ອຄ ເຊິ່ງຕາງໜ້າຈາກບັນດາກົມ, ຫ້ອງການ, ສຳນັກງານ ຈນກ ແລະ ສະຖາບັນ ກໍ່ເຂົ້າຮ່ວມ.
ຈຸດປະສົງການມາພົບປະໃນຄັ້ງນີ້: 1, ເພື່ອສຶກສາ ແລະ ຮຽນຮູ້ການພັດທະນາອຸດສາຫະກໍາຂອງລາວ ແລະ ຊອກຫາໂອກາດໃນສົ່ງເສີມວຽກງານການຄ້າຂອງສອງຝ່າຍ. 2, ເພື່ອໂຄສະນາ ແລະ ສົ່ງເສີມຂໍ້ໄດ້ປຽບທີ່ເປັນເອກະລັກຂອງ ຮົງກົງ ໃນການເຊື່ອມຕໍ່ເສດຖະກິດ GBA (ກວາງຕຸງ-ຮົງກົງ-ມາເກົາ) ແລະ ໜຶ່ງແລວທາງໜຶ່ງເສັ້ນທາງ.
ການຮ່ວມມື ໃນໄລຍະຜ່ານມາກົມສົ່ງເສີມການຄ້າ ແລະ ຫັດຖະກໍາ ແລະ ສະພາພັດທະນາການຄ້າຮົງກົງ ໄດ້ເຊັນບົດບັນທຶກຄວາມເຂົ້າໃຈ ໃນປີ 2016.
ສະພາບລວມໃນການພັດທະນາເສດຖະກິດ ແລະ ການຄ້າ ຂອງລາວ:
- ການຮ່ວມມື ລາວ-ຮົງກົງ: ຮົງກົງ ເປັນປະເທດຄູ່ຄ້າອັນດັບ 12 ເຊິ່ງໃນປີ 2023 ມູນຄ່າລວມການຄ້າສອງຝ່າຍແມ່ນ 101,010,161 ໂດລາສະຫະລັດ, ໃນນັ້ນ ສປປ ລາວ ນຳເຂົ້າ ແມ່ນ 18,046,478 ໂດລາສະຫະລັດ, ສປປ ລາວ ສົ່ງອອກ ແມ່ນ 82,963,683 ໂດລາສະຫະລັດ. ລາຍການສິນຄ້າສົ່ງອອກໄປ ຮົງກົງ: ສ່ວນໃຫ່ຍແມ່ນ ຄຳປະສົມ, ຄຳແທ່ງ, ເຄື່ອງມື ແລະ ອຸປະກອນທັດສະນະສາດ, ຢາສູບ, ເຄື່ອງນຸ່ງຫົ່ມ, ສີ້້ນສ່ວນໂທລະສັບ ແລະ ອຸປະກອນເຄື່ອງໃຊ້ໄຟຟ້າ, ເກີບ ແລະ ອື່ນໆ. ລາຍການສິນຄ້າ ນຳເຂົ້າ ຈາກ ຮົງກົງ: ເຫລັກ ແລະ ເຄື່ອງທີ່ເຮັດດ້ວຍເຫລັກ, ອຸປະກອນກົນຈັກ, ຜະລິດຕະພັນການຢາ, ຝ້າຍແລະຜະລິດຕະພັນຈາກຝ້າຍ, ເຄື່ອງທີ່ເຮັດດ້ວຍແຜ, ເຄື່ອງທີີ່ເຮັດດ້ວຍປາດສຕິກ ແລະ ສິນຄ້າອື່ນໆ.
- ການເປັນເຈົ້າພາບໃນການຈັດກອງປະຊຸມອາຊຽນ ຂອງ ສປປ ລາວ:
- ທິດທາງການພັດທະນາຂະແໜງອຸດສາຫະກໍາ ແລະ ການຄ້າ ຂອງ ລາວ:
- ບົດບັນທຶກຄວາມເຂົ້າໃຈ ລະຫວ່າງ ກົມສົ່ງເສີມການຄ້າ ແລະ ຫັດຖະກໍາ ແລະ ສະພາພັດທະນາການຄ້າຮົງກົງ: ໃນເດືອນ ເມສາ 2016, ກົມສົ່ງເສີມການຄ້າ ແລະ ຫັດຖະກໍາ ແລະ ສະພາພັດທະນາການຄ້າຮົງກົງ (HKTDC) ໄດ້ເຊັນບົດບັນທຶກຄວາມເຂົ້າໃຈ ໂດຍມີຈຸດປະສົງ ແນໃສ່ການສົ່ງເສີມທຸລະກິດ ລາວ ແລະ ຮົງກົງ, ຜ່ານການຈັດຕັ້ງປະຕິບັດ MOU ສະບັບດັ່ງກ່າວ ແມ່ນຍັງບໍ່ທັນໄດ້ມີກິດຈະກໍາອັນພົ້ນເດັ່ນຮ່ວມກັນເທົ່າທີ່ຄວນ.
ແຜນການຮ່ວມມື ແລະ ຜັນຂະຫຍາຍ ໃນຕໍ່ໜ້າ
- ນໍາສະເໜີ ຂໍ້ໄດ້ປຽບທີ່ເປັນເອກະລັກຂອງຮົງກົງ ໃນການພັດທະນາເຂດຮົງກົງ ໃຫ້ກາຍເປັນຈຸດເຊື່ອມຕໍ່ເສດຖະ ກິດ GBA ເຂດອ່າວໃຫຍ່ (ກວາງຕຸງ-ຮົງກົງ-ມາເກົາ), ປະກອບດ້ວຍ 09 ເມືອງ ແລະ 02 ເຂດປົກຄອງພິເສດໃນພາກໃຕ້ຂອງຈີນ.
- ສະເໜີ ຜັນຂະຫຍາຍເນື້ອໃນບົດບັນທຶກຄວາມເຂົ້າໃຈ (MOU) ລະຫວ່າງ ກົມສົ່ງເສີມການຄ້າ ແລະ ຫັດຖະກໍາ ແລະ ສະພາພັດທະນາການຄ້າຮົງກົງ ໃຫ້ກາຍເປັນແຜນງານ ແລະ ໂຄງການທີ່ເປັນປະໂຫຍດກັບທັງສອງຝ່າຍ.
- ສະເໜີສືບຕໍ່ເສີມຂະຫຍາຍການຮ່ວມມືດ້ານອຸດສາຫະກໍາ ແລະ ການຄ້າ ໂດຍສະເພາະ ຊຸກຍູ້ສົ່ງເສີມໃຫ້ພາກທຸລະກິດຮົງກົງ ເຂົ້າມາລົງທຶນ ໃນ ສປປ ລາວ ໃຫ້ຫຼາຍຂຶ້ນ.
- ສະເໜີ ຮົງກົງ ຊ່ວຍຄົ້ນຄ້ວາໃຫ້ການຊ່ວຍເຫຼືອ ແລະ ສະໜັບສະໜູນ ສປປ ລາວ ໃນການພັດທະນາເສດຖະກິດ-ສັງຄົມ ກໍ່ຄືການພັດທະນາ ດ້ານອຸດສາຫະກໍາປຸງແຕ່ງ, ສົ່ງເສີມການຄ້າ, ວຽກງານ ອີຄອມເມີດ, ການຄ້າ ແລະ ວຽກງານຊັບສິນທາງປັນຍາ ເປັນຕົ້ນ.
- ສະເໜີ ການຮ່ວມມືທາງດ້ານວິຊາການຕ່າງໆ, ການພົບປະສອງຝ່າຍ ແລະ ການເຊື້ອເຊີນເຂົ້າຮ່ວມວຽກງານກິດຈະກໍາທີ່ກ່ຽວຂ້ອງ ລະຫວ່າງ ສອງຝ່າຍ ລາວ-ຮົງກົງ.
ຂ່າວ-ພາບ: ເພັດປະກາຍ ສີສົມບູນ
