ໃນວັນທີ 25 ທັນວາ 2024 ທີ່ກະຊວງອຸດສາຫະກໍາ ແລະ ການຄ້າ, ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກຳ ແລະ ການຄ້າ ໄດ້ຕ້ອນຮັບການເຂົ້າ ພົບປະຂອງ ທ່ານ ຫງວຽນ ມິງ ເຕິມ ເອກອັກຄະລັດຖະທູດ ສສ ຫວຽດນາມ ປະຈຳ ສປປ ລາວ ຄົນໃໝ່,
ໂອກາດນີ້ທ່ານລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ສະແດງຄວາມຍິນດີຕ້ອນຮັບທ່ານເອກອັກຄະລັດຖະທູດຫວຽດນາມ ຜູ້ໃໝ່ ເນື່ອງໃນໂອກາດມາຮັບໜ້າທີ່ໃໝ່ຢູ່ ສປປ ລາວ ແລະ ເຊື່ອໝັ້ນວ່າພາຍໃຕ້ການຊີ້ນຳ-ນຳພາຂອງທ່ານເອກອັກຄະລັດຖະທູດ ຈະເຮັດໃຫ້ການສາຍພົວພັນຮ່ວມມື ລະຫວ່າງ ລາວ-ຫວຽດນາມ ໄດ້ຮັບການຊຸກຍູ້ສົ່ງເສີມ ແລະ ພັດທະນາໃຫ້ນັບມື້ນັບເຕີບໃຫຍ່ຂຶ້ນໄປເລື້ອຍໆ ສະແດງຄວາມຂອບໃຈມາຍັງສະຖານທູດ ແລະ ລັດຖະບານຫວຽດນາມ ທີ່ໄດ້ໃຫ້ການສະໜັບສະໜູນ ແລະ ຊ່ວຍເຫຼືອລາວໃນໄລຍະຜ່ານມາເປັນຕົ້ນຜົນສຳເລັດຂອງວຽກງານກວດກາການຄ້າຊາຍແດນປະຈຳປີ ທີ່ໄດ້ພັດປ່ຽນກັນເປັນເຈົ້າພາບ ສ້າງອຳນວຍຄວາມສະດວກຂອງບັນດາດ່ານຂອງລາວ ແລະ ຫວຽດນາມ ຜົນສຳເລັດຂອງການປັບປຸງສັນຍາການຄ້າສອງຝ່າຍ ລາວ-ຫວຽດນາມ ທີ່ໄດ້ລົງນາມຮ່ວມກັນໃນເດືອນເມສາ 2024 ຜົນສຳເລັດຂອງການລົງນາມໃນບົດບັນທຶກຄວາມເຂົ້າໃຈ ເພື່ອຕ້ານ ແລະ ສັະກັດກັ້ນການຄ້າຂາຍນອກລະບົບ ຜົນສຳເລັດຂອງການກະກຽມກອງປະຊຸມ JC 47 ແລະ ແຜນການຮ່ວມມືຂອງສອງລັດຖະບານປະ ຈຳປີ 2025 ໃນນັ້ນກໍ່ໄດ້ມີວຽກງານຮ່ວມມືດ້ານອຸດສາຫະກຳ ແລະ ການຄ້າ ເປັນຕົ້ນແຜນການສ້າງສາງນໍ້າມັນ ແລະ ອື່ນໆ ສືບຕໍ່ຊຸກຍູ້ສົ່ງເສີມການພົວພັນຮ່ວມມືຮອບດ້ານລະຫວ່າງສອງພັກສອງລັດລາວ-ຫວຽດນາມທີ່ໄດ້ຕົກລົງ ແລະ ລົງນາມໃນຜ່ານມາ ແລະ ໃນຕໍ່ໜ້າ ໃຫ້ໄດ້ຮັບການຈັດຕັ້ງປະຕິບັດຢ່າງມີປະສິດທິພາບ ແລະ ໄດ້ຮັບຜົນສຳເລັດຕາມຈຸດປະສົງ ແລະ ເປົ້າໝາຍທີ່ວາງໄວ້.
ພ້ອມນີ້ ທ່ານລັດຖະມົນຕີສະເໜີແລກປ່ຽນບັນຫາທີ່ສຳຄັນກັບທ່ານເອກະອັກຄະລັດຖະທູດຫວຽດນາມ ເປັນ ຕົ້ນການຜັນຂະຫຍາຍສັນຍາການຄ້າ ສະບັບປັບປຸງໃຫ້ສາມາດຈັດຕັ້ງປະຕິບັດຢ່າງມີປະສິດທິພາບ ແລະ ບັນລຸຕາມຈຸດປະສົງເປົ້າໝາຍທີ່ວາງໄວ້ ປັດຈຸບັນນີ້ ລາວໄດ້ສຳເລັດບັນດາຂັ້ນຕອນພາຍໃນແລ້ວ ແລະ ໄດ້ສົ່ງໜັງສືຢືນຢັນການສຳເລັດຂັ້ນຕອນພາຍໃນສະບັບລົງວັນທີ 25 ກໍລະກົດ 2024 ໃຫ້ຝ່າຍຫວຽດນາມແລ້ວ ສະເໜີທາງສະຖານທູດຊ່ວຍປະສານຕື່ມ ກ່ຽວກັບການດຳເນີນຕາມຂັ້ນຕອນພາຍໃນຂອງຫວຽດນາມ ປຶກສາຫາລືກ່ຽວກັບການສະໜັບສະໜູນຊ່ວຍເຫຼືອຂອງລັດຖະບານຫວຽດນາມ ໃນການສ້າງສາງນ້ຳມັນຢູ່ລາວ ທັງນີ້ແນ່ໃສ່ເພື່ອເພີ່ມການຊື້ນໍ້າມັນຈາກຫວຽດ ນາມ ແລກປ່ຽນຂໍ້ມູນກ່ຽວກັບການຄ້າທາງດ້ານເອເລັກໂຕຣນິກໃນການສົ່ງ ເສີມ ແລະ ຂະຫຍາຍຕະຫຼາດສິນຄ້າຂອງພາກທຸລະກິດ ປັດຈຸບັນໄດ້ປະກອບສ່ວນສໍາຄັນໃຫ້ແກ່ການຂະຫຍາຍຕົວທາງດ້ານເສດຖະກິດຂອງປະເທດ ສະເໜີມອບໃຫ້ກົມເຈລະຈາການຄ້າ ແລະ ຮ່ວມມືເສດຖະກິດສາກົນເປັນໃຈກາງໃນການປະສານກົມການຄ້າຕ່າງປະເທດ ແລະ ບັນດາກົມກ່ຽວຂ້ອງຂອງສອງກະຊວງ ອຄ ລາວ ແລະ ຫວຽດນາມເພື່ອສືບຕໍ່ປະສານງານ ຄົ້ນຄວ້າແລະວາງແຜນຈັດຕັ້ງຜັນຂະຫຍາຍ
ຂ່າວ-ພາບ: ສູນທອງ ສູນສະຖິຕິ ແລະ ຂໍ້ມູນຂ່າວສານ
