ໃນລະຫວ່າງວັນທີ 12 – 14 ສີງຫາ 2015 ທີ່ຜ່ານມານີ້ຢູ່ທີ່ຫ້ອງປະຊຸມພະແນກອຸດສາຫະກຳ ແລະ ການຄ້າແຂວງອຸດົມໄຊ. ໄດ້ຈັດກອງປະຊຸມປະເມີນຜົນງານຂອງພະນັກງານລັດຖະກອນພາຍໃນພະແນກອຸດສາຫະກຳ ແລະ ການຄ້າ ປະຈຳສົກປີ 2014-2015 ຂື້ນຢ່າງເປັນທາງການໂດຍການເປັນປະທານຂອງທ່ານ ບຸນທັນ ວັນນະໄຈ ກຳມະການປະຈຳພັກແຂວງ ຫົວໜ້າພະແນກອຸດສາຫະກຳ ແລະ ການຄ້າແຂວງ ມີພະນັກງານລັດຖະກອນສົມບູນພາຍໃນພະແນກອຸດສາຫະກຳ ແລະ ການຄ້າ ເຂົ້າຮ່ວມທັງໝົດຈຳນວນ 44 ສະຫາຍ, ຍິງ 12 ສະຫາຍ.
ເພື່ອເຮັດໃຫ້ກອງປະຊຸມໃນຄັ້ງນີ້ມີບັນຍາກາດ, ມີຄວາມໝາຍຄວາມສຳຄັນ ແລະ ຝົດຝື້ນນັ້ນ ບັນດາແຕ່ລະສະຫາຍກໍ່ໄດ້ຂື້ນຜ່ານໃບສຳຫຼວດຂອງຕົນເອງ ໃຫ້ສະມາຊິກພາຍໃນປະກອບຄຳຄິດເຫັນ, ຕຳນິສົ່ງຂ່າວເພື່ອກໍ່ສ້າງຊຶ່ງກັນ ແລະ ກັນໂດຍສະເພາະເພື່ອເສີມຂະຫຍາຍດ້ານດີ ແລະ ປັບປຸງແກ້ໄຂດ້ານອ່ອນຂໍ້ຄົງຄ້າງໃນການຈັດຕັ້ງປະຕິບັດໃນໄລຍະ 1 ປີ ທີ່ຜ່ານມາຂອງແຕ່ລະສະຫາຍ, ເພື່ອຊອກຫາວິທີການແກ້ໄຂໃນຕໍ່ໜ້າໃຫ້ດີຂື້ນເທື່ອລະກ້າວ. ຜົນການປະເມີນພະນັກງານລັດຖະກອນເຊີ່ງສະແດງໃຫ້ເຫັນດັ່ງນີ້:
ປະເພດດີເດັ່ນຈຳນວນ 23 ສະຫາຍ ຍິງ 9 ສະຫາຍ.
ປະເພດດີຈຳນວນ 21 ສະຫາຍ ຍິງ 3 ສະຫາຍ.
ຈາກນັ້ນກໍ່ໄດ້ມີການແຂ່ງຂັນກິລາເປຕັງຊິງຂັນ ທ່ານ ຫົວໜ້າພະແນກ ອຸດສາຫະກຳ ແລະ ການຄ້າ ພ້ອມດຽວກັນນັ້ນກໍ່ໄດ້ແຂ່ງຂັນກິລາເຕະບານເພື່ອສ້າງຄວາມສາມັກຄີພາຍໃນພະແນກ ໃຫ້ແໜ້ນແຟນຂື້ນກວ່າເກົ່າ.
ຂຽນໂດຍ: ຄຳຝັ້ນ ພາວິວົງກອນ
