ທ່ານລັດຖະມົນຕີວ່າການ ກະຊວງອຸດສາຫະກຳ ແລະ ການຄ້າ ສືບຕໍ່ເຄື່ອນໄຫວຊຸກຍູ້ວຽກງານການຄ້າຢູ່ແຂວງຜົ້ງສາລີ
ໃນຕອນເຊົ້າຂອງວັນອັງຄານ, ວັນທີ 13 ຕຸລາ 2015, ທ່ານ ນາງ ເຂັມມະນີ ພົນເສນາ ລັດຖະມົນຕີວ່າການ ກະຊວງອຸດສາຫະກໍາ ແລະ ການຄ້າ ສືບຕໍ່ນໍາພາຄະນະພະນັກງານຂອງກະຊວງອຸດສາຫະກໍາ ແລະ ການຄ້າ ພົບປະກັບຄະນະນໍາ ແລະ ພະນັກງານຂອງພະແນກອຸດສາຫະກໍາ ແລະ ການຄ້າແຂວງ ຜົ້ງສາລີ ແລະ ເຂົ້າຢ້ຽມຂໍ່ານັບ ທ່ານ ຄໍາເຈນ ວົງໂພສີ ເຈົ້າແຂວງ ແຂວງຜົ້ງສາລີ, ຊຶ່ງໄດ້ແລກປ່ຽນຮ່ວມກັນກ່ຽວກັບສະພາບການພັດທະນາວຽກງານອຸດສາຫະກໍາ ແລະ ການຄ້າ ຂອງແຂວງ ໃນໄລຍະຜ່ານມາ ໂດຍສະເພາະແມ່ນບັນຫາການສົ່ງອອກສິນຄ້າກະສິກໍາ ຂອງ ແຂວງຜົ້ງສາລີ ໄປ ສປ ຈີນ.
ໃນຕອນບ່າຍຂອງມື້ດຽວກັນ ຄະນະຂອງກະຊວງ ຍັງໄດ້ລົງຢ້ຽມຢາມພື້ນຖານການຜະລິດທີ່ເປັນທ່າແຮງຂອງແຂວງຕື່ມອີກ.
[ພາບ ແລະ ຂ່າວ: ກະຊວງອຸດສາຫະກຳ ແລະ ການຄ້າ]
