ໃນຕອນແລງຂອງວັນທີ 21 ພະຈິກ 2016, ກະຊວງອຸດສາຫະກຳ ແລະ ການຄ້າ (ອຄ) ໄດ້ຈັດພິທີເຊັນສັນຍາໂຄງການປັບປຸງໂຄງລ່າງພື້ນຖານເຕັກນິກອິນເຕີເນັດ (Internet/WiFi) ຂອງກະຊວງອຸດສາຫະກຳ ແລະ ການຄ້າ ຂຶ້ນທີ່ຫ້ອງປະຊຸມສ່ອງແສງກະຊວງ ອຄ, ລະຫວ່າງ ເຈົ້າຂອງໂຄງການ ກໍ່ຄື ກະຊວງອຸດສາຫະກຳ ແລະ ການຄ້າ ເຊັນໂດຍທ່ານ ພຸດທະວັນ ນັນທະວົງ ຮັກສາການຫົວໜ້າຫ້ອງການກະຊວງ ອຄ ແລະ ຜູ້ໃຫ້ບໍລິການ ກໍ່ຄື ບໍລິສັດ ລາວຈຳປາ ອິນເຕີເນັດ ຈຳກັດ ເຊັນໂດຍທ່ານ Ryan Hong KF ປະທານບໍລິສັດ ລາວຈຳປາ ອິນເຕີເນັດ ຈຳກັດ.
ພິທີດັ່ງກ່າວໃຫ້ກຽດເປັນປະທານພິທີໂດຍ ທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ມີບັນດາຄະນະກົມອ້ອມຂ້າງກະຊວງ, ຄະນະຮັບຜິດຊອບຈັດຕັ້ງປະຕິບັດໂຄງການ, ພະນັກງານຂອງບໍລິສັດທີ່ໄດ້ຮັບໂຄງການ ແລະ ແຂກທີ່ຖືກເຊີນຈາກບໍລິສັດ ເຂົ້າຮ່ວມເປັນສັກຂີພິຍານ.
[ບົດຂາວ: ສູນສະຖິຕິ ແລະ ຂໍ້ມູນຂ່າວສານ, ກະຊວງ ອຄ]
