ໃນວັນທີ 23 ມັງກອນ 2017 ເວລາ 4:00ໂມງ ທີ່ຫ້ອງຮັບແຂກຂອງກະຊວງອຸດສຫະກໍາ ແລະ ການຄ້າໄດ້ຕ້ອນຮັບເອກອັກຄະລັດຖະທູດຄົນໃໝ່ຂອງປະເທດຄານາດາປະຈໍາທີ່ບາງກອກ(ປະເທດໄທ), ກ່າວຕ້ອນຮັບໂດຍ ທ່ານ ສົມຈິດ ອິນທະມິດ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ໃນການເຂົ້າຢ້ຽມຂໍ່ານັບໃນຄັ້ງນີ້ ທັງສອງທ່ານແມ່ນໄດ້ໂອ້ລົມແລກປ່ຽນບົດຮຽນເຊິ່ງກັນ ແລະ ກັນ, ຊຶ່ງນໍາມາດ້ວຍໄມຕີຈິດມິດຕະພາບ, ການຮ່ວມມືຂອງສອງປະເທດໃຫ້ນັບມື້ນັບແໜ້ນແຟ້ນຂຶ້ນ ເພື່ອເປັນການຊຸກຍູ້ສົ່ງເສີມການພັດທະນາເສດຖະກິດຂອງ ສປປ ລາວ ແລະ ໄດ້ເວົ້າເຖິງການດຶງດູດນັກລົງທຶນຂອງສອງປະເທດ, ກົດຫມາຍການລົງທຶນສະບັບໃຫມ່, ການຂຸດຄົ້ນແຮ່ທາດຂອງລາວ ແລະ ເວົ້າເຖິງການສ້າງຫນ່ວຍງານປະຕູດຽວ ທີ່ຈະສ້າງເງື່ອນໄຂອໍານວຍຄວາມສະດວກໃນການສະໜອງຂໍ້ມູນຂ່າວສານ.
ທ່ານ ສົມຈິດ ອິນທະມິດ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ສະແດງຄວາມຍິນດີ, ດີໃຈ ແລະ ຂອບໃຈຢ່າງສູງນໍາຄະນະທ່ານ ເອກອັກຄະລັດຖະທູດຄົນໃໝ່ປະຈໍາບາງກອກ(ປະເທດໄທ) ທີ່ໄດ້ເສຍ ສະຫລະເວລາອັນມີຄ່າເຂົ້າພົບປະໃນຄັ້ງນີ້.
[ພາບ ແລະ ຂ່າວ: ສູນສະຖິຕິ ແລະ ຂໍ້ມູນຂ່າວສານ]
