ຕອນເຊົ້າໃນເວລາ 8: 30 ນາທີ ຂອງວັນທີ 10 ມີນາ ປີ 2017 ທີ່ຫ້ອງປະຊຸມໃຫ່ຍຂອງກະຊວງອຸດສາຫະກໍາ ແລະ ການຄ້າ ໄດ້ມີພິທີເປີດປະຊຸມ, ເປັນການສະເຫຼີມສະຫລອງວັນແມ່ຍິງສາກົນຂຶ້ນ, ວັນທີ 8 ມີນາ ຄົບຮອບ 107 ປີ ເປັນວັນທີ່ມີຄວາມໝາຍຄວາມສໍາຄັນອັນຍິງໃຫ່ຍຂອງເອື້ອຍນ້ອງແມ່ຍິງ ກະຊວງອຸດສາຫະກໍາ ແລະ ການຄ້າ, ບໍລິສັດ, ລັດວິສາຫະກິດ ທີ່ຂຶ້ນກັບກະຊວງ.
ມີບັນດາຫົວໜ້າສະມາຊິກແມ່ຍິງບັນດາກົມກົມ, ສະຖາບັນ, ບໍລິສັດ, ລັດວິສາຫະກິດທີຂື້ນກັບກະຊວງຕ່າງໜ້າເລຂາໜ່ວຍພັກກົມ ແລະ ຊາວໜຸ່ມ, ກໍາມະບານເຂົ້າຮ່ວມຫຼາຍກ່ວາ 100 ທ່ານ.
ເຂົ້າຮ່ວມການເປັນປະທານກອງປະຊຸມ ທ່ານ ນາງ ບານສະຕີ ເທບພະວົງ ຄະນະພັກກະຊວງ ຫົວໜ້າຫ້ອງການກະຊວງອຸດສາຫະກໍາ ແລະ ການຄ້າ ແລະ ທ່ານ ນາງ ຈັນສຸກ ແສງພະຈັນ ປະທານຄະນະບໍລິຫານງານແມ່ຍິງກະຊວງ ຫົວໜ້າກົມຈັດຕັ້ງ ແລະ ພະນັກງານ ໄດ້ຂື້ນເລົ້າປະຫວັດຄວາມເປັນມາຂອງວັນແມ່ຍິງສາກົນ ວັນທີ 8 ມີນາ.
ທ່ານ ນາງສອນຈັນ ພຸດທະວົງ ຮອງປະທານຄະນະບໍລິຫານງານແມ່ຍິງກະຊວງ ຂຶ້ນລາຍງານບົດສະຫຼຸບການຈັດຕັ້ງວຽກງານສະຫະພັນແມ່ຍິງກະຊວງໄລຍະ 1 ປີ ຜ່ານມາ ປີ 2016 ແລະ ທິດທາງແຜນການ ປີ2017 ພ້ອມດຽວກັນນີ້.
ທ່ານ ນາງ ບານສະຕີ ເທບພະວົງ ໄດ້ໃຫ້ຄໍາໂອວາດແກ່ເອື້ອຍນ້ອງແມ່ຍິງ ໃຫ້ມີຄວາມສະມັກຄີຊ່ວຍເຫຼືອເຊິ່ງກັນ ແລະ ກັນ ສະມາຊິກທຸກຄົນເປັນເຈົ້າການໃນການພັດທະນາຕົນເອງຢ່າງຮອບດ້ານ, ຜັນຂະຫຍາຍມະຕິກອງປະຊຸມໃຫ່ຍຜູ້ແທນທົ່ວປະເທດຄັ້ງທີ່ 7 ໂດຍສະເພາະ 8 ແຜນງານຂອງສະຫະພັນແມ່ຍິງລາວ ແລະ ເຊີດຊູ້ຄວາມເປັນແບບຢ່າງທີ່ນໍາໜ້າພາທາງ, ຮັດແໜ້ນຄວາມສະມັກຄີພາຍໃນ,, ຮັກສາຮີດຄອງປະເພນີວັດທະນະທໍາໃຫ້ໄດ້ຈົບງາມຂອງຊາດລາວ.
ທ່ານ ວຽງຫຼວງ ບຸບຜາ ຮອງຫົວໜ້າກົມພິທີການທູດ ກະຊວງການຕ່າງປະເທດໄດ້ເຜີຍແຜ່ບົດຮຽນຄວາມຮູ້ຟື້ນຖານ ກ່ຽວກັບພິທີການທູດໃຫ້ແກ່ບັນດາເອື້ອຍນ້ອງແມ່ຍິງໄດ້ຮັບຮູ້ເຂົ້າໃຈ ແລະ ນໍາໄປຈັດຕັ້ງປະຕິບັດໃນເວລາສາກົນ ແລະ ງານສໍາຄັນຕ່າງໆ.
[ພາບ ແລະ ຂ່າວ: ສູນສະຖິຕິ ແລະ ຂໍ້ມູນຂ່າວສານ]
