ໃນວັນທີ 3 ມັງກອນ 2018 ຢູ່ທີ່ພະແນກອຸດສາຫະກຳ ແລະ ການຄ້າແຂວງຄຳມ່ວນ ໄດ້ເຜີຍແຜ່ເອກະສານສຳຄັນຂອງຊາດ – ຂອງພັກຄື : ເອກະສານວັນຊາດທີ 2 ທັນວາຄົບຮອບ 42 ປີ, ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 97 ປີ, ວັນມະຫາປະຕິວັດເດືອນຕຸລາລັດເຊຍຄົບຮອບ 100 ປີ ແລະ ເອກະສານມະຕິກອງປະຊຸມຄົບຄະນະບໍລິຫານງານສູນກາງພັກຄັ້ງທີ 5 ສະໄໝທີ x ເປັນກຽດປາຖະກະຖາວັນສໍາຄັນດັ່ງກ່າວໂດຍ ທ່ານ ທອງໄຊ ມັງໝໍ່ເມກ ຫົວໜ້າພະແນກອຸດສາຫະກຳ ແລະ ການຄ້າແຂວງ, ມີບັນດາທ່ານໃນຄະນະພະແນກ, ຂະແໜງການ ແລະ ພະນັກງານວິຊາການອ້ອມຂ້າງພະແນກເຂົ້າຮ່ວມ.
ຈຸດປະສົງໃນການເຜີຍແຜ່ຄັ້ງນີ້ກໍ່ເພື່ອແນໃສ່ເຮັດໃຫ້ສະມາຊິກພັກ ແລະ ພະນັກງານໄດ້ມີຄວາມຮັບຮູ້, ເຂົ້າໃຈ, ກໍາແໜ້ນເຊື່ອມຊຶມຜົນງານ, ຄຸນງາມຄວາມດີໂດຍສະເພາະມູນເຊື້ອນໍ້າໃຈຮັກຊາດ – ຮັກຜືນແຜ່ນດິນ, ມູນເຊື້ອອັນອົງອາດກ້າຫານຂອງປະຊາຊົນລາວບັນດາເຜົ່າ ພາຍໃຕ້ການນຳພາຂອງພັກປະຊາຊົນ ປະຕິວັດລາວ ໄດ້ສາມັກຄີກັນຕໍ່ສູ້ຢ່າງພິລະອາດຫານຕ້ານການຮຸກຮານ ແລະ ການຄອບຄອງຂອງຈັກກະພັດລ່າເມືອງຂຶ້ນທັງແບບເກົ່າ ແລະ ແບບໃໝ່ ຈົນສາມາດປົດປ່ອຍປະເທດຊາດຢ່າງມີໄຊ, ສ້າງຕັ້ງສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງ ສະຫງ່າຜ່າເຜີຍ ໃນວັນທີ 2 ທັນວາ 1975. ໃນໂອກາດດຽວກັນນັ້ນເພື່ອແນໃສ່ເຮັດໃຫ້ການຈັດຕັ້ງປະຕິບັດວຽກງານໃນຕໍ່ໜ້າໃຫ້ມີຜົນສຳເລັດລຸລ່ວງໄປດ້ວຍດີ ກໍ່ຍັງໄດ້ຜ່ານຂໍ້ຕົກລົງຂອງຫົວໜ້າພະແນກອຸດສາຫະກຳ ແລະ ການຄ້າແຂວງ ວ່າດ້ວຍການແຕ່ງຕັ້ງຄະນະຊີ້ນຳ, ກອງເລຂາ, ວິຊາການໃນການຈັດຕັ້ງປະຕິບັດວຽກງານສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາຢູ່ໃນ 10 ຕົວເມືອງໃນທົ່ວແຂວງ.
ຂ່າວ : ມະນີວັນ
