ຕອນເຊົ້າ ເວລາ 9: 30 ໂມງ ຂອງວັນທີ 9 ພຶດສະພາ 2018 ທີ່ຫ້ອງຮັບແຂກຊັ້ນ 4 ຂອງກະຊວງອຸດຫະກໍາ ແລະ ການຄ້າ ທ່ານ ພັນທອງ ພິດທຸມມາ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ ຕ້ອນຮັບການຢ້ຽມພົບປະ ອົງການ JICA ຂອງຍີ່ປຸ່ນ ໃນອົງການພັດທະນາຊັບພະຍາກອນມະນຸດ ດ້ານການພັດທະນາອຸດສາຫະກໍາປຸງແຕ່ງໄມ້ ແລະ ເຟີນີເຈີ, ພ້ອມດ້ວຍຄະນະ; ໂດຍມີຜູ້ຕາງໜ້າຈາທັງສອງຝ່າຍເຂົ້າຮ່ວມ ຈໍານວນ 10 ທ່ານ.
ການເຂົ້າຢ້ຽມພົບປະໃນຄັ້ງນີ້ ອົງການ JICA ຂອງຍີ່ປຸ່ນ ໄດ້ຍົກບັນຫາປືກສາຫາລືກ່ຽວກັບຂີດໝາຍອັນສໍາຄັນທັງສອງຝ່າຍໃນການເສີມຂະຫຍາຍສາຍພົວພັນຮ່ວມມືໃນໄລຍະຜ່ານມາພ້ອມທັງຕີລາຄາສູງຕໍ່ການພົວພັນຮ່ວມມືທີ່ດີຂອງ ສປປ ລາວ ກັບ ອົງການ JICA ຂອງຍີ່ປຸ່ນ ຊຶ່ງຜ່ານມາໄດ້ສົ່ງເສີມການຮ່ວມມືດ້ານການພັດທະນາອຸດສາຫະກໍາປຸງແຕ່ງໄມ້ ແລະ ເຟີນີເຈີ, ແລະ ຜະລິດຕະພັນໄມ້ສໍາເລັດຮູບເພື່ອສົ່ງອອກ ໂດຍເລີ່ມຕົ້ນແຕ່ ປີ 2014-2017 ແລະ ສືບບຕໍ່ ປີ 2018ນອກຈາກນັ້ນຍັງສົ່ງເສີມການປູກໄມ້ໃຫ້ເປັນປ່າ ຢູ່ ສປປ ລາວ ໃຫ້ຫຼາຍຂຶ້ນ.
ຕອນທ້າຍ ທ່ານ ພັນທອງ ພິດທຸມມາ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ຍັງຂອບໃຈມາຍັງ ອົງການ JICA ຂອງຍີ່ປຸ່ນ ທີ່ໄດ້ໃຫ້ການປຶກສາຫາລືເປັນຢ່າງດີ.
ຂ່າວໂດຍ: ໄພຄໍາອີ ວິໄລຄໍາ
