ຕອນເຊົ້າ ເວລາ 11: 00 ໂມງ ຂອງວັນທີ 17 ກໍລະກົດ 2018 ທີ່ຫ້ອງຮັບແຂກຊັ້ນ 4 ຂອງກະຊວງອຸດຫະກໍາ ແລະ ການຄ້າ ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ຕ້ອນຮັບການຢ້ຽມຂໍ່ານັບ ອໍາລາ ຂອງ ທ່ານ ລີ ສາງ ກຸນ ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສປປ ເກົາຫຼີ ປະຈໍາ ສປປ ລາວ; ໂດຍມີຜູ້ຕາງໜ້າຫົວໜ້າກົມ, ຫົວໜ້າພະແນກ ວິຊາການທີ່ກ່ຽວຂ້ອງ ຈາກທັງສອງຝ່າຍເຂົ້າຮ່ວມ, ຈໍານວນ 9 ທ່ານ;
ການເຂົ້າຢ້ຽມຂໍ່ານັບໃນຄັ້ງນີ້ ເນື່ອງໃນໂອກາດທີ່ທ່ານເອກອັກຄະລັດຖະທູດ ໄດ້ສໍາເລັດໜ້າທີ່ດ້ານການທູດຢູ່ ສປປ ລາວ ເປັນເວລາ 4 ປີກວ່າ ແລະ ໄດ້ ປະກອບສ່ວນ ວຽກງານການພົວພັນສອງຝ່າຍໃນຫຼາຍດ້ານຕະຫຼອດໄລຍະຜ່ານມາ, ຈົນເຖີງເດືອນ ສິງຫາ 2018. ທ່ານ ລີ ສາງກຸນໄດ້ກ່າວວ່າ: ລັດຖະບານ ສປປ ລາວ ໄດ້ອໍານວຍຄວາມສະດວກຫຼາຍດ້ານທີ່ຂ້າພະເຈົ້າປະຕິບັດໜ້າທີ່ດ້ານການທູດແລະສະແດງຄວາມຂອບໃຈມາຍັງ ພັກ-ລັດ ກໍ່ຄືລັດຖະບານ ສປປ ລາວ ທີ່ອໍານວຍຄວາມສະດວກດ້ານດີຫຼາຍຢ່າງ, ໃນໂອກາດຕໍ່ໄປຈະມີຜູ້ໃໝ່ມາສືບຕໍ່ທາງ ດ້ານການທູດຢູ່ ສປປ ລາວ;
ນອກນີ້ ທ່ານ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ສະເໜີໃຫ້ທ່ານເອກອັກຄະລັດຖະທູດ ແຫ່ງ ສປປ ເກົາຫຼີ ສືບຕໍ່ໃຫ້ການຊ່ວຍເຫຼືອລາວ ໂດຍສະເພາະແມ່ນວຽກງານ ການດໍາເນີນທຸລະກິດ ແລະ ການລົງທຶນຄ້າຂາຍ ພ້ອມທັງສະໜັບສະໜູນໃຫ້ນັກລົງທຶນຈາກ ແຫ່ງ ສປປ ເກົາຫຼີ ມາລົງທຶນຢູ່ ສປປ ລາວ ຫຼາຍຂຶ້ນ,
ຕອນທ້າຍ ທ່ານ ນ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ຍັງກ່າວຄໍາຂອບໃຈມາຍັງທ່ານເອກອັກຄະລັດຖະທູດ ແຫ່ງ ສປປ ເກົາຫຼີ ປະຈໍາ ສປປ ລາວ ຜູ້ເກົ່າ ທີ່ໄດ້ໃຫ້ການປຶກສາຫາລືເປັນຢ່າງດີ.
ຂ່າວໂດຍ: ໄພຄໍາອີ ວິໄລຄໍາ
