ຕອນບ່າຍ ເວລາ 3: 00 ໂມງ ຂອງວັນທີ 27 ກໍລະກົດ 2018 ທີ່ກະຊວງແຮງງານ ແລະ ສະຫວັດດີການສັງຄົມ
ທ່ານ ບຸນມີ ມະນີວົງ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ຕາງໜ້າກະຊວງ ອຄ ມອບເຄື່ອງຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ ຢູ່ເມືອງສະໜາມໄຊ ແຂວງອັດຕະປື; ຕາງໜ້າຝ່າຍຮັບເຄື່ອງໂດຍ ທ່ານ ບຸນຄົງ ຫລ້າສຸກັນ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ພ້ອມດ້ວຍຜູ້ຕາງໜ້າເປັນສັກຂີພິຍານຈາກທັງສອງຝ່າຍເຂົ້າຮ່ວມ, ຈໍານວນ 07 ທ່ານ;
ໃນການຊ່ວຍເຫຼືອຄັ້ງນີ້ ເປັນວັດຖຸສິ່ງຂອງ ແລະ ເງິນ ໃນນີ້: ມີເຄື່ອງນຸ່ງຫົ່ມ, ຢາປົວພະຍາດ, ອາຫານແຫ້ງ, ເກີບແຕະ, ເຈ້ຍທິດຊູ, ໝີ່ຍໍາຍໍາ , ເຂົ້າໜົມ, ເຂົ້າສານໜຽວ, ຜ້າຂາວຫໍ່ສົບ, ແພັມເພິດເດັກ, ຜ້າສະບົງຄູບາ, ເປັນມູນຄ່າທັງໝົດ: 32.500.000 ກີບ;
ຕອນທ້າຍ ທ່ານ ບຸນຄົງ ຫລ້າສຸກັນ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ຍັງກ່າວຄໍາຂອບໃຈມາຍັງ ທ່ານ ບຸນມີ ມະນີວົງ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ທີ່ໃຫ້ການຊ່ວຍເຫຼືອປະຊາຊົນ ຜູ້ປະສົບໄພນໍ້າຖ້ວມເພື່ອແກ້ໄຂບັນເທົາຄວາມທຸກຂອງປະຊາຊົນທີ່ແຂວງອັດຕະປື.
ຂ່າວໂດຍ: ໄພຄໍາອີ ວິໄລຄໍາ
