ການສ້າງຂະບວນການຕ້ອນຮັບວັນສ້າງຕັ້ງກໍາເນີດກິລາລາວ ຄົບຮອບ 53 ປີ ແລະ ວັນຄ້າຍວັນເກີດທ່ານປະທານສຸພານຸວົງ ຄົບຮອບ 110 ປີ.
ໃນຕອນເຊົ້າວັນທີ 11 ກໍລະກົດ 2019 ໜ່ວຍກຳມະບານຮາກຖານພະແນກອຸດສາຫະກຳ ແລະ ການຄ້າ ແຂວງ ອຸດົມໄຊ ໄດ້ນຳພາສະມາຊິກເຂົ້າຮ່ວມຂະບວນການອອກແຮງງານລວມຂອງແຂວງ ໂດຍການອະນາໄມຖາງຫຍ້າ ເຮັດຄວາມສະອາດ ບໍລິເວນຕົ້ນໄມ້ທີ່ປູກໃນຄວາມຮັບຜິດ ຊອບຂອງຕົນ ພາຍໃນສະໜາມກິລາແຂວງອຸດົມໄຊ ພາຍໃຕ້ການນຳພາຂອງທ່ານ ອຸ່ນຄຳ ອ່ອນພະຈັນ ປະທານໜ່ວຍກຳມະບານຮາກຖານພະ ແນກອຸດສາຫະກຳ ແລະ ການຄ້າແຂວງອຸດົມໄຊ.
ຈຸດປະສົງອອກແຮງງານລວມຄັ້ງນີ້ ເພື່ອສ້າງຂະບວນການຕ້ອນຮັບວັນສ້າງຕັ້ງກໍາເນີດກິລາລາວ ຄົບຮອບ 53 ປີ ແລະ ວັນຄ້າຍວັນເກີດ ທ່ານປະທານ ສຸພານຸວົງ ຄົບຮອບ 110 ປີ.
ແຫຼ່ງຂ່າວ ແລະ ພາບໂດຍ: ບຸນທະວີ ພະແນກ ອຄ ແຂວງອຸດົມໄຊ
ຮຽບຮຽງໂດຍ: ພູຄໍາ ຫລວງສຸພົນ ສູນສະຖິຕິ ແລະ ຂໍ້ມູນຂ່າວສານ
