ໃນຕອນເຊົ້າເວລາ 8:00 ໂມງ ຂອງວັນທີ 12/7/2019 ໜ່ວຍພັກພະແນກອຸດສາຫະກຳ ແລະ ການຄ້າ ແຂວງອຸດົມໄຊ  ໄດ້ຈັດພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ ຈຳນວນ 03 ສະຫາຍ ທີ່ຫ້ອງປະຊຸມພະແນກອຸດສາຫະກຳ ແລະ ການຄ້າ ແຂວງອຸດົມໄຊ  ໂດຍພາຍໃຕ້ການເປັນປະທານຂອງ ສະຫາຍ ບຸນທຳ ວັນນະພອນ ຮອງເລຂາໜ່ວຍພັກ ເຂົ້າຮ່ວມໃນພິທີມີຄະນະໜ່ວຍພັກ, ສະມາຊິກພັກສົມບຸນ ແລະ ສຳຮອງ ຈຳນວນ  24 ສະຫາຍ ຍິງ  02 ສະຫາຍ.

        ໃນພິທີດັ່ງກ່າວມະຫາຊົນຜູ້ກ້າວໜ້າທັງ 03 ສະຫາຍ ໄດ້ຂຶ້ນຜ່ານໃບສະເໜີເຂົ້າເປັນສະມາຊິກພັກ ຫຼັງຈາກນັ້ນຄະນະຈັດຕັ້ງພິທີ ໄດ້ຂຶ້ນຜ່ານມະຕິຕົກລົງ ຂອງຄະນະພັກແຂວງ ກ່ຽວກັບການຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ  ແລະ ພ້ອມດຽວກັນນີ້ ສະຫາຍຮອງເລຂາໜ່ວຍພັກ ໄດ້ມີຄຳໂອ້ລົມຕໍ່ກອງປະຊຸມໂດຍເນັ້ນໃຫ້ບັນດາສະຫາຍສະມາຊິກພັກສຳຮອງເອົາໃຈໃສ່ປະຕິບັດກົດລະບຽບພັກໃຫ້ເຂັ້ມງວດ ແລະ ຕາງໜ້າສະມາຊິກພັກສຳຮອງ ຂຶ້ນຮັບຄຳໂອວາດ, ກອງປະຊຸມໄດ້ດຳເນີນໄປເປັນເວລາເຄິ່ງມື້ຈິ່ງປິດລົງ .

 ແຫຼ່ງຂ່າວ ແລະ ພາບໂດຍ : ບຸນທະວີ ພະແນກອ.ຄ ແຂວງ ອຸດົມໄຊ

ຮຽບຮຽງໂດຍ: ພູຄໍາ ຫລວງສຸພົນ ສູນສະຖິຕິ ແລະ ຂໍ້ມູນຂ່າວສານ