ໃນວັນທີ 24 ກໍລະກົດ 2020 ຜ່ານມາ, ທ່ານ ວາລະໄຊ ເລັ່ງສະຫວັດ ຫົວໜ້າກົມການຄ້າພາຍໃນ ກະຊວງອຸດສາຫະກໍາ ແລະ ການຄ້າ ໄດ້ແຈ້ງ ໃຫ້ບັນດາຫົວໜ່ວຍວິສາຫະກິດ ທີ່ໄດ້ຮັບໃບອະນຸຍາດດໍາເນີນທຸລະກິດການຄ້າຂາຍຍົກ ແລະ ຂາຍຍ່ອຍຈາກກົມການຄ້າພາຍໃນ ນັບແຕ່ວັນທີ 5/03/2019-30/10/2019 ເຂົ້າມາພົບ ແລະ ອະທິບາຍເຫດຜົນຕໍ່ເຈົ້າໜ້າທີ່ກົມການຄ້າພາຍໃນ ບໍ່ໃຫ້ກາຍວັນທີ 30 ກັນຍາ 2020 ; ຖ້າວິສາຫະກິດໃດຫາກບໍ່ເຂົ້າມາພົບ ຫຼື ບໍ່ມີເຫດຜົນພຽງພໍ ເຈົ້າໜ້າທີ່ກົມການຄ້າພາຍໃນ ຈະໄດ້ປະຕິບັດມາດຕະການແຈ້ງໂຈະ, ລົບລ້າງໃບອະນຸຍາດ ຕາມກົດໝາຍ ແລະ ລະບຽບການ.
ຈຸດປະສົງເພື່ອຮັບປະກັນໃຫ້ການຄຸ້ມຄອງ, ຕິດຕາມ ແລະ ກວດກາ ບັນດາວິສາຫະກິດທີ່ເຄື່ອນໄຫວທຸລະກິດ ກ່ຽວກັບການຄ້າຂາຍຍົກ ແລະ ຂາຍຍ່ອຍໃຫ້ຖືກຕ້ອງຕາມກົດໝາຍ ແລະ ລະບຽບການ.
ແຫຼ່ງຂໍ້ມູນ: ພະແນກຄຸ້ມຄອງ ແລະ ພັດທະນາຕາໜ່າງການຄ້າ, ກຄພນ
ຮຽບຮຽງໂດຍ: ນ ຖື ແຫວນວົງສົດ, ສູນສະຖິຕິ ແລະ ຂໍ້ມູນຂ່າວສານ ກຜຮ
077-ຄພຄ.ກຄພນ
ລາຍຊື່ບໍລິສັດທີ່ເກີນ90ວັນ(3).pdf