ຫນ້າທຳອິດ » ລັດຖະມົນຕີກະຊວງອຸດສາຫະກໍາ ແລະ ການຄ້າ ແຫ່ງ ສປປ ລາວ ມອບໃບຍ້ອງຍໍ ໃຫ້ ທ່ານ Wang Qi Hui ທີ່ປຶກສາດ້ານເສດຖະກິດການຄ້າ ແຫ່ງ ສປ ຈີນ ປະຈໍາ ສປປ ລາວ
ລັດຖະມົນຕີກະຊວງອຸດສາຫະກໍາ ແລະ ການຄ້າ ແຫ່ງ ສປປ ລາວ ມອບໃບຍ້ອງຍໍ ໃຫ້ ທ່ານ Wang Qi Hui ທີ່ປຶກສາດ້ານເສດຖະກິດການຄ້າ ແຫ່ງ ສປ ຈີນ ປະຈໍາ ສປປ ລາວ
By phaikhame evilay On 23 Sep, 2020 At 12:03 PM | Categorized As ຂ່າວສຳຄັນ | With 0 Comments

     IMG_1030.1

       ຕອນ​ເຊົ້າ ເວ​ລາ 11 : 00 ໂມງ ຂອງວັນທີ 23 ກັນຍາ 2020, ທີ່ຫ້ອງຮັບແຂກຊັ້ນ 04 ກະຊວງອຸດສາຫະກໍາ ແລະ ການຄ້າ, ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກໍາ ແລະ ການຄ້າ ທັງເປັນປະທານຄະນະກໍາມະການຮ່ວມມື ລາວ-ຈີນ ຕ້ອນຮັບການເຂົ້າຢ້ຽມຂ່ຳ​ນັບອໍາລາ ຂອງ ທ່ານ Wang QiHui ທີ່ປຶກສາດ້ານເສດຖະກິດການຄ້າ ​ແຫ່ງ ສປ ຈີນ ປະຈໍາສປປ ລາວ ມີຜູ້ຕາງໜ້າ​ຈາກທັງສອງຝ່າຍເຂົ້າຮ່ວມ ຈໍານວນ 20 ກວ່າທ່ານ ເຊັ່ນ:

IMG_1048.2

    ຫ້ອງການທີ່ປຶກສາດ້ານເສດຖະກິດການຄ້າ ​ແຫ່ງ ສປ ຈີນ ປະຈໍາ ສປປ ລາວ

  1. ທ່ານ Wang Qi Hui               ທີ່ປຶກສາດ້ານເສດຖະກິດການຄ້າຈີນ ປະຈໍາລາວ
  2. ທ່ານ Qiu Shengwei (ວິລະສິດ) ເລຂາສອງ
  3. ທ່ານ Li Nengbin (ແກ້ວປະເສີດ) ເລຂາສາມ
  4. ທ່ານ Zhao Sining                         ເລຂາສາມ
  5. ທ່ານ ນາງ Man Yue              ຜູ້ຊ່ວຍວຽກ.

ກະຊວງອຸດສາຫະກໍາ ແລະ ການຄ້າ ​ແຫ່ງ​ ສປປ ລາວ

  1. ທ່ານ ນາງ ເຂັມມະນີ ພົນເສນາ           ລມຕ, ປະທານ ຄລຈ
  2. ທ່ານ ນາງ ບານສະຕິ ເທບພະວົງ         ຫົວໜ້າຫ້ອງການ
  3. ທ່ານ ພູວຽງ ພົງສາ                       ຫົວໜ້າກົມ ຜຮ
  4. ທ່ານ ສຸລິຍົນ ພິລາວົງ                     ຫົວໜ້າກົມ ຂອ
  5. ທ່ານ ໄຊຊະນະ ໄຊຍະກອນ              ຫົວໜ້າກົມ ນຄຕ
  6. ທ່ານ ໄຊສົມເພັດ ນໍລະສິງ                ຫົວໜ້າກົມ ສຄ
  7. ທ່ານ ອະພິສິດ ແສງສຸລິວົງ                ຮອງກົມ ທຄວ.

ຄະນະກໍາມະການຮ່ວມມື ລາວ-ຈີນ ​ແຫ່ງ ສປປ ລາວ

  1. ທ່ານ ແຄນທອງ ສີສຸວົງ                   ຮອງປະທານ ຄລຈ
  2. ທ່ານ ໄຊຊະນະ ສິດທິພອນ               ຫົວໜ້າຫ້ອງການ ຄລຈ
  3. ທ່ານ ນາງ ແສງເດືອນ ໄຊຍະສອນ        ຮອງຫ້ອງການ ຄລຈ
  4. ທ່ານ ຄໍາແພງ ລັດມະນີ                    ຫົວໜ້າພະແນກ
  5. ທ່ານ ທະນູສອນ ມະນີ                    ຫົວໜ້າພະແນກ
  6. ທ່ານ ປອ ສີສຸລາດ ລາດສະສີສິນ         ຫົວໜ້າພະແນກ.

IMG_1003.3

        ໃນໂອກາດນີ້ ທ່ານ​ ນາງ ເຂັມ​ມະ​ນີ ພົນ​ເສ​ນາ ລັດ​ຖະ​ມົນ​ຕີກະ​ຊວງ​ອຸດ​ສາ​ຫະ​ກຳ ແລະ ການ​ຄ້າ ສ​ປ​ປ ລາວ ໄດ້​ສະ​ແດງ​ຄວາມ​ຍິນ​ດີ​ຕ້ອນ​ຮັບ​​​ Wang QiHui ທີ່ປຶກສາດ້ານເສດຖະກິດການຄ້າ ​ແຫ່ງ​ ສປ ຈີນ ປະຈໍາລາວ ຊຶ່ງ​ໄດ້​ດໍາລົງ​ຕໍາ​ແໜ່​ງ ​ເປັນ​ເວລາ 04 ປີ 09 ເດືອນ ນໍາພາຄະ​ນະ​ທີ​ມ​ງານ​​ເຂົ້າມາ​ຢ້ຽມ​ຂໍ່ານັບ​ອໍາ​ລາ ມື້​ນີ້, ທັງສອງຝ່າຍໄດ້ປຶກສາຫາລືຄວາມເຂົ້າໃຈ ແຕ່ປີ 2016 ມູນ​ຄ່າ​ການ​ຄ້າ ລາວ-ຈີນ ບັນ​ລຸ​ໄດ້ 6 ຕື້ 700 ລ້ານ ​ໂດ​ລາ​ສະ​ຫະ​ລັດ ແລະ ຮ່ວມ​ມື​ໃນບັນ​ດາ​ໂຄງ​ການ​ໃຫຍ່ໆ ເປັນ​ຕົ້ນ​ທາງ​ລົດ​ໄຟ ​ລາວ-ຈີນ ແລະ ໂຄງ​ການກວມ​ລວມ​ເຂດ​ເມືອງ​ໄຊ​ເສດ​ຖາ. ທ່ານລັດຖະມົນຕີ ຕີລາຄາສູງ ຕໍ່ການປະກອບສ່ວນ ຂອງທ່ານທີ່ປຶກສາດ້ານເສດຖະກິດການຄ້າ ​ແຫ່ງ​ສປ ຈີນ ປະຈໍາລາວ ໃນການຊຸກຍູ້ສົ່ງເສີມການພົວພັນຮ່ວມມືດ້ານເສດຖະກິດ, ການຄ້າ ກໍ່ຄືການຮ່ວມມືດ້ານເຕັກນິກການຊ່ວຍເຫຼືອຂອງ ສປ ຈີນ ຕໍ່ ສປປ ລາວ ຊຶ່ງໃນໄລຍະ 5 ປີ ຜ່ານມາການຄ້າ, ການລົງທຶນ ແລະ ການຊ່ວຍເຫຼືອຂອງຈີນ ຕໍ່ລາວ ແມ່ນໄດ້ຮັບການຂະຫຍາຍຕົວຢ່າງບໍ່ຢຸດຢັ້່ງ.

IMG_1016.4

ພ້ອ​ມດຽວ​ກັນ​ນີ້, ທ່ານ ລັດຖະມົນຕີກະຊວງ ອຄ, ທັງ​ເ​ປັນປະທານ ຄລຈ ຈຶ່ງໄດ້ມອບໃບຍ້ອງຍໍຂອງກະຊວງ ອຄ ແລະ ​ໃນ​ນາມຂອງ ປະທານ ຄລຈ ໃຫ້ແກ່ທ່ານ Wang QiHui ເພື່ອສະແດງເຖິງຄວາມຮູ້ບຸນຄູນ ແລະ ຜົນງານ ທີ່ຜູ້ກ່ຽວໄດ້ປະກອບສ່ວນເຂົ້າໃນການພັດທະນາການພົວພັນຮ່ວມມື ລະຫວ່າງ ລາວ-ຈີນ ກໍ່ຄືການພັດທະນາດ້ານເສດຖະກິດ-ສັງຄົມ ຂອງ ສປປ ລາວ.  ທ່ານ  Wang QiHui ສະແດງຄວາມຂອບອົກຂອບໃຈ ມາຍັງທ່ານ ລັດຖະມົນຕີ ພ້ອມດ້ວຍຄະນະທີ່ໃຫ້ການຕ້ອນຮັບ ແລະ ມອບໃບຍ້ອງຍໍໃນຄັ້ງນີ້. ນອກນັ້ນ, ທ່ານລັດຖະມົນຕີ ໄດ້ອວຍພອນ​ໄຊ ​ແກ່ທ່ານທີ່ປຶກສາດ້ານເສດຖະກິດການຄ້າ ​ແຫ່ງ ສປ ຈີນ ພ້ອມດ້ວຍຄະນະ ເນື່ອງໃນໂອກາດວັນຊາດຈີນ ຄົບຮອບ 71 ປີ ທີ່ຈະມາເຖິງໃນວັນທີ 1 ຕຸລາ 2020 ນີ້.

ຂ່າວ​ໂດຍ: ໄພ​ຄຳ​ອີ ວິ​ໄລ​ຄຳ

ສູນ​ສະ​ຖິ​ຕິ ແລະ ຂໍ້​ມູນ​ຂ່າວ​ສານ

ກະຊວງອຸດສາຫະກຳ ແລະ ການຄ້າ ສປປ ລາວ ຖະໜົນໂພນໄຊ
ຕູ້ ປນ 4107 ນະຄອນຫຼວງວຽງຈັນ, ສປປລາວ.