ຕອນເຊົ້າ 11: 00 ໂມງ ຂອງວັນທີ 5 ພະຈິກ 2020 ທີ່ຫ້ອງຮັບແຂກໃຫຍ່ຊັ້ນ 4 ກະຊວງອຸດສາຫະກໍາ ແລະ ການຄ້າ, ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ໃຫ້ກຽດຕ້ອນຮັບການ ເຂົ້າຢ້ຽມຂໍ່ານັບ ຂອງ ທ່ານ ນາງ Sonomi Tanaka, ຜູ້ຕາງໜ້າທະນາຄານພັດທະນາອາຊີ ປະຈຳ ສປປ ລາວ ພ້ອມດ້ວຍຄະນະ ຊຶ່ງທັງສອງຝ່າຍມີຜູ້ເຂົ້າຮ່ວມປະມານ 9 ທ່ານ.
ໂອກາດນີ້ ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ກໍ່ແດງຄວາມຍິນດີຕໍ່ ທ່ານ ນາງ Sonomi Tanaka, ຜູ້ຕາງໜ້າທະນາຄານພັດທະນາອາຊີ ປະຈຳ ສປປ ລາວ ຄົນໃໝ່ໃນການມາແນະນຳຕົວ ແລະ ປຶກສາຫາລືໃນຕໍ່ໜ້າ ຈະໃຫ້ນະໂຍບາຍຂອບການຮ່ວມມື ໂດຍມີເງື່ອນໄຂເປັນຕົ້ນ ການປະຕິບັດວຽກງານຊຸກຍູ້ສົ່ງເສີມການຮ່ວມມືລະຫວ່າງທະນາຄານພັດທະນາອາຊີ ແລະ ສປປ ລາວ ໃຫ້ນັບມື້ນັບຂະຫຍາຍຕົວ ມີປະສິດທິຜົນ ແລະ ທິດທາງແຜນການຂອງບັນດາວຽກງານຕ່າງໆ ຊຶ່ງເປັນການປະກອບສ່ວນສ້າງສາພັດທະນາປະເທດຊາດ ໃຫ້ຈະເລີນຮຸ່ງເຮືອງ.
ໃນຕອນທ້າຍ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກໍາ ແລະ ການຄ້າ ສະແດງຄວາມຂອບໃຈຕໍ່ ທ່ານ ນາງ Sonomi Tanaka, ຜູ້ຕາງໜ້າທະນາຄານພັດທະນາອາຊີ ປະຈຳ ສປປ ລາວ ຄົນໃໝ່ ທີ່ໄດ້ໃຫ້ການປຶກສາຫາລືວຽກງານການຮ່ວມມືຫຼາຍດ້ານໃນຕໍ່ໜ້າ ຊຶ່ງຈະເປັນ ຜົນປະໂຫຍດແກ່ ສປປ ລາວ.
ຂ່າວໂດຍ: ໄພຄຳອີ ວິໄລຄຳ
ສູນສະຖິຕິ ແລະ ຂໍ້ມູນຂ່າວສານ
