ແຂວງສະຫວັນນາເຂດ ເລັ່ງສ້າງຄວາມເຂັ້ມແຂງແກ່ພາກສ່ວນທຸລະກິດຂອງຕົນ ເພື່ອການກຽມຄວາມພ້ອມກ່ອນເຂົ້າເປັນປະຊາຄົມເສດຖະກິດອາຊຽນ ຫຼື AEC ໃນປີ 2015 ທີ່ຈະເຖິງນີ້ ໂດຍການຈັດສຳມະນາພາຍໃຕ້ຫົວຂໍ້ “ການກຽມຄວາມພ້ອມສຸ່ປະຊາຄົມເສດຖະກິດອາຊຽນ (AEC) ແລະ ລະບຽບການອອກໃບຢັ້ງຢືນແຫ່ງກຳເນິດສິນຄ້າ (CO)” ຂື້ນໃນວັນທີ 17 ເດືອນຕຸລະ ປີ 2014 ນີ້, ພາຍໃຕ້ການປັນປະທານຂອງ ທ່ານ ຄຳຜຸຍ ສີບຸນເຮືອງ ຮອງຫົວໜ້າພະແນກອຸດສະຫະກຳ ແລະ ການຄ້າແຂວງ, ມີປະທານສະພາການຄ້າ ແລະອຸດສະຫະກຳແຂວງ, ວິທະຍາກ່ອນຈາກກະຊວງອຸດສະຫະກຳ ແລະການຄ້າ ພ້ອມໂດຍບັນດານັກທຸລະກິດ-ຜູ້ປະກອບການພາກໃນແຂວງເຂົ້າຮ່ວມ.
ໃນຊຸດສຳມະນາ, ວິທະຍາກອນຈາກກະຊວງອຸດສະຫະກຳແລະການຄ້າ ໄດ້ຍົກໃຫ້ເຫັນບັນຫາທີ່ໜ້າສົນໃຈຫຼາຍຢ່າງເປັນຕົ້ນ:ສປປ ລາວ ກັບການກ່າວເຂົ້າສຸ່ປະຊາຄົມເສດຖະກິດອາຊຽນ 2015 ຂໍ້ສະດວກ ແລະ ສິ່ງທະ້າທາຍ ເຊິ່ງໄດ້ຍັກໃຫ້ຮູ້ກຽວກັບອາຊຽນ ແລະ ປະຊາຄົມເສດຖະກິດອາຊຽນ, ຄວາມຄຶບໜ້າຂອງການຈັດຕັ້ງປະຕິບັດ AEC, ກາລະໂອກາດ, ຂໍ້ມູນສົ່ງອອກການຄ້າສປປ ລາວ 2009-2014, ການປ່ຽນແປງພາຍຫຼັງ ປີ 2015 ແລະ ອື້ນໆ.
ນອກນັ້ນ, ຜູ້ເຂົ້າຮ່ວມສຳມານາ ຍັງໄດ້ຮັບຮູ້ເຖິງວິທີປະກອບເອກະສານ, ໃບຄຳຮ້ອງຂໍຮັບຮອງສິນຄ້າ ແລະຮຽນຮູ້ລະບຽບແຫຼ່ງກຳເນິດສິນຄ້າ, ການອອກໃບຢັ້ງຢືນແຫຼ່ງກຳເນິດສິນຄ້າ ແລະ ໄດ້ປະກອບຄຳຄິດເຫັນໃສ່ບັນຫາຕ່າງໆທີ່ພົວພັນກັບການເຂົ້າເປັນປະຊາຄົມເສດຖະກິດອາຊຽນລາວ, ເວົ້າສະເພາະແມ່ນແຂວງສະຫວັນນາເຂດ.
