ກະຊວງ ອຄ ປະເມີນຜົນການນຳໃຊ້ປຶ້ມຄູ່ມືວຽກງານສະຖິຕິອຸດສາຫະກຳປຸງແຕ່ງ ແລະ ການຄ້າ, ແລະ ຄວາມເປັນໄປໄດ້ໃນການນຳໃຊ້ຮ່າງປຶ້ມຄູ່ມືສຳນວນຂ່າວສານຂອງບັນດາຕົວຊີ້ບອກຂະແໜງອຸດສາຫະກຳປຸງແຕ່ງ ແລະ ການຄ້າ
ກອງປະຊຸມປະເມີນຜົນການນຳໃຊ້ປຶ້ມຄູ່ມືວຽກງານສະຖິຕິອຸດສາຫະກຳປຸງແຕ່ງ ແລະ ການຄ້າ, ແລະ ຄວາມເປັນໄປໄດ້ໃນການນຳໃຊ້ຮ່າງປຶ້ມຄູ່ມືສຳນວນຂ່າວສານຂອງບັນດາຕົວຊີ້ບອກຂະແໜງອຸດສາຫະກຳປຸງແຕ່ງ ແລະ ການຄ້າ ໄດ້ຈັດຂຶ້ນລະຫວ່າງວັນທີ 20 ຫາ 21 ກຳລະກົດ 2016 ທີ່ຜ່ານມາ ທີ່ ກະຊວງອຸດສາຫະກຳ ແລະ ການຄ້າ (ອຄ).
ກອງປະຊຸມດັ່ງກ່າວໃຫ້ກຽດເປັນປະທານຮ່ວມໂດຍ ທ່ານ ພັນທອງ ພິດທຸມມາ ຮອງລັດຖະມົນຕີ ກະຊວງ ອຄ, ແລະ ທ່ານ ບົວຈັນ ບຸນວົງໄຊ ຮອງກົມແຜນການ ແລະ ການຮ່ວມມື ເຊິ່ງມີແຂກເຂົ້າຮ່ວມຈາກ ສູນສະຖິຕິແຫ່ງຊາດ, ບັນດາກົມອ້ອມຂ້າງທີ່ກ່ຽວຂ້ອງ, ບັນດາຫົວໜ້າພະແນກ, ຮອງພະແນກ, ຫົວໜ້າຂະແໜງການ, ຮອງຫົວໜ້າຂະແໜງການ, ວິຊາການທີ່ກ່ຽວຂ້ອງ ຈາກພະແນກອຸດສາຫະກຳ ແລະ ການຄ້າ ທົ່ວປະເທດ ເຂົ້າຮ່ວມ ລວມທັງໝົດ 80 ທ່ານ.
[ສູນສະຖິຕິ ແລະ ຂ່າວສານ]
