ໃນເວລາ 3:30 ໂມງ ຂອງວັນທີ 04 ມັງກອນ 2017 ທີ່ຫ້ອງຮັບແຂກ ກະຊວງອຸດສາຫະກໍາ ແລະ ການຄ້າ ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ຕ້ອນຮັບຄະນະທ່ານ ເອກອັກ ຄະລັດຖະທູດ ສສ ຫວຽດນາມ ໃນການເຂົ້າອໍາລາເພື່ອກັບຄືນສູ່ປະເທດຕົນ ຊຶ່ງທ່ານໄດ້ດໍາລົງຕໍາແຫນ່ງເອກອັກຄະລັດຖະທູດປະຈໍາ ສປປ ລາວມາ 1 ສະໄໝ ໂດຍການມອບຫມາຍຈາກການນໍາຂັ້ນສູງຂອງ ສສ ຫວຽດນາມ; ໃນ 1 ສະໄຫມຜ່ານມາ ໄດ້ປະຕິບັດຫນ້າທີ່ ໃນວຽກງານດ້ານການເມືອງ, ວັດທະນະທໍາ, ດ້ານການຮ່ວມມືປ້ອງກັນຄວາມສະຫງົບ, ດ້ານການຮ່ວມມືທາງດ້ານການຄ້າ-ການລົງທຶນ.
ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ຂອບໃຈຢ່າງສູງນໍາຄະນະທ່ານ ເອກອັກຄະລັດຖະທູດ ສສ ຫວຽດນາມ ທີ່ໄດ້ປະຕິບັດໜ້າທີ່ຢູ່ ສປປ ລາວ ຊຶ່ງນໍາມາດ້ວຍໄມຕີຈິດມິດຕະພາບ, ການຮ່ວມມືຂອງສອງປະເທດໃຫ້ນັບມື້ນັບແໜ້ນແຟ້ນຂຶ້ນ.
[ພາບ ແລະ ຂ່າວ: ກະຊວງອຸດສາຫະກຳ ແລະ ການຄ້າ]
