ເວລາ 14:00 ໂມງ ຂອງວັນທີ 17 ມີນາ 2017 ທີ່ ຫ້ອງການ ຄຊປປ ລ ແຂວງໄຊຍະບູລີ ໄດ້ມີພິທີມອບເຄື່ອງຊ່ວຍເຫຼືອຈາກການຮ່ວມຈິດຮ່ວມໃຈຂອງຄະນະຊາວໜຸ່ມກະຊວງອຸດສາຫະກຳ ແລະ ການຄ້າ ໂດຍຕາງໜ້າມອບເຄື່ອງແມ່ນ ທ່ານໄຊສົມເພັດ ນໍຣະສິງຫ໌ ຮອງຫົວໜ້າສະຖາບັນເສດຖະກິດອຸດສາຫະກໍາ ແລະ ການຄ້າ, ຫົວໜ້າຄະນະບໍລິຫານງານຊາວໜຸ່ມກະຊວງອຸດສາຫະກຳ ແລະ ການຄ້າ ແລະ ຕາງໜ້າຮັບໂດຍທ່ານ ນາງ ຄຳຜິວ ພັນທະວົງ ເລຂາ ຄຊປປ ລ ແຂວງ ໄຊຍະບູລີ
ຈຸດປະສົງການມອບຮັບແມ່ນເພື່ອໃຫ້ ຄຊປປລ ແຂວງໄຊຍະບູລີນຳເຄື່ອງອຸປະກອນດັ່ງກ່າວເພື່ອໄປສືບຕໍ່ໝູນໃຊ້ເຂົ້າໃນການຊ່ວຍເຫຼືອບັນເທົາທຸກໃຫ້ແກ່ຊາວໜຸ່ມປະຊາຊົນປະຕິວັດລາວຜູ້ທີ່ຢູ່ຫ່າງໄກຊອກຫຼີກແລະທຸກຍາກຂາດເຂີນ, ເຊິ່ງມີ: ເຄື່ອງຫລີ້ນກິລາ, ເຄື້ອງນຸ່ງຮົມ ແລະ ເຄື່ອງໄຊ້ອື່ນໆ ມູນຄ່າລວມຂອງເຄື່ອງທີ່ມອບຮັບກັນໃນຄັ້ງນີ້ຕົກເປັນເງິນປະມານ 3,500,000 ກີບ.
[ພາບ ແລະ ຂ່າວ: ສູນສະຖິຕິ ແລະ ຂໍ້ມູນຂ່າວສານ]
