ຕອນບ່າຍຂອງວັນທີ 20 ມິີນາ 2017 ຄະນະບໍລິຫານງານຫນັງສືພິມເສດຖະກິດ-ການຄ້າລາຍວັນ ໄດ້ຈັດຖະແຫຼງຂ່າວວ່າດ້ວຍການສົ່ງເສີມການອ່ານ ດ້ວຍການແຈກຢາຍລ້າຂຶ້ນ ທີ່ສະມາຄົມນັກຂ່າວແຫ່ງ ສປປ ລາວ ໂດຍການ ເຂົ້າຮ່ວມຂອງ ທ່ານ ສິລິສຳພັນ ວໍຣະຈິດ ຄະນະພັກກະຊວງ, ຫົວໜ້າກົມແຜນການ ແລະ ການຮ່ວມມື ກະຊວງອຸດສາຫະກຳ ແລະ ການຄ້າ, ທ່ານ ສົມສະຫນຸກ ມີໄຊ ຮອງປະທານສະມາຄົມນັກຂ່າວ ແຫ່ງ ສປປ ລາວ, ທ່ານ ປີ່ນ ປາດຖະຫນາ ຄະນະພັກກະຊວງ ຖະແຫລງຂ່າວ-ວັດທະນະທໍາ ແລະ ການທ່ອງທ່ຽວ, ຫົວຫນ້າກົມສື່ມວນຊົນ; ບັນດາທ່ານຜູ້ຕ່າງໜ້າສື່ມວນຊົນ ແລະ ນັກຂ່າວຫຼາຍສະຖາບັນ ຈໍານວນ 50 ກວ່າທ່ານ.
ໜັງສືພິມເສດຖະກິດ-ການຄ້າ ໃນນາມບໍລິສັດໂຄລາວ ເປັນຜູ້ໃຫ້ການສະຫນັບສະໜູນ ມີຈຸດປະສົງຢາກໃຫ້ໜັງສືພິມເສດຖະກິດ-ການຄ້າລາຍວັນ ເປັນແຫຼ່ງສົ່ງຄວາມຮູ້ໃຫ້ແກ່ສັງຄົມລາວ ແລະ ຂໍປະກາດໃຫ້ສັງຄົມຮັບຮູ້ຢ່າງທົ່ວເຖິງກັນວ່າ: ນັບແຕ່ວັນທີ 22 ມີນາ 2017 ເປັາຕົ້ນໄປ ໜັງສືພິມເສດຖະກິດ-ການຄ້າ ຂອງກະຊວງອຸດສາຫະກໍາ ແລະ ການຄ້າ ຈະພິມແຈກຢາຍລ້າໃຫ້ແກ່ສັງຄົມລາວທຸກທົ່ວຫນ້າ ເພື່ອໃຫ້ຄົນລາວໄດ້ອ່ານໜັງສືພິມ ແລະ ກາຍເປັນແຫຼ່ງຄວາມຮູ້ຄູ່ສັງຄົມ ຢ່າງແທ້ຈິງ ໂດຍການອຸປະຖໍາສັ່ງຈອງເໝົາພິມເພື່ອແຈກຢາຍໃຫ້ສັງຄົມໄດ້ອ່ານ ຂອງກຸ່ມບໍລິສັດໂຄລາວ
ຫາກອົງການຈັດຕັ້ງ ແລະ ນິຕິບຸກຄົນໃດ (ຢູ່ນະຄອນຫຼວງວຽງຈັນ) ທີ່ມີຄວາມປະສົງຕ້ອງການອ່ານໜັງສືພິມ ເສດຖະກິດ-ການຄ້າ ແມ່ນໃຫ້ເຮັດໜັງສືສະເຫນີ ຫຼື ປະສານມາຫາທີມງານ ຫນັງສືພິມເສດຖະກິດ-ການຄ້າລາຍວັນ ໂດຍກົງ ທີ່ເບີໂທລະສັບ 021 813 003, laoedaily@hotmail.com ສ່ວນຕ່າງແຂວງ ກໍ່ໃຫ້ປະສານຫາຕົວແທນຢູ່ບັນດາແຂວງຕ່າງໆ ຫຼື ຕິດຕໍ່ໂດຍກົງຫາພວກເຮົາກໍ່ໄດ້.
[ພາບ ແລະ ຂ່າວ: ສູນສະຖິຕິ ແລະ ຂໍ້ມູນຂ່າວສານ]
