ຕອນເຊົ້າຂອງວັນທີ 20 ມີນາ 2017 ທີ່ຫ້ອງການ ການຄ້າເມືອງສັງທອງ ນະຄອນຫລວງວຽງຈັນ ໄດ້ຈັດກອງປະຊຸມສ່ອງແສງເຄື່ອນທີ່ປະຈໍາອາທິດ ຂອງພະແນກອຸດສາຫະກໍາ ແລະ ການຄ້ານະຄອນຫຼວງຂຶ້ນ ໂດຍການເປັນປະທານ ຂອງ ທ່ານ ສົມຈິດ ອິນທະມິດ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ພ້ອມນີ້ເຂົ້າຮ່ວມໃນກອງປະຊຸມດັ້ງກ່າວຍັງມີ ທ່ານ ຫົວໜ້າກົມການຄ້າພາຍໃນ, ທ່ານ ຫົວໜ້າພະແນກອຸດສາຫະກໍາ ແລະ ການຄ້າ ນະຄອນຫລວງ, ເຈົ້າຫນ້າທີ່ກວດກາການຄ້າຂັ້ນກະຊວງ ແລະ ນະຄອນຫລວງ ແລະ ຕາງໜ້າຈາກຂະແໜງການທີ່ກ່ຽວຂ້ອງ ຫຼັງຈາກນັ້ນໄດ້ມີພິທີ ທໍາລາຍສິນຄ້າໝົດອາຍຸ ແລະ ເຊື່ອມຄຸນນະພາບ.
ການຈັດກອງປະຊຸມການເຄື່ອນໄຫວໃນຄັ້ງນີ້ ແມ່ນການສ່ອງແສງເຄື່ອນທີ່ ຂອງເຈົ້າຫນ້າທີ່ກວດກາການຄ້າຂັ້ນກະຊວງ, ພະແນກ ອຄ ນະຄອນຫລວງ, ປະສານສົມທົບກັບເຈົ້າຫນ້າທີ່ກວດກາການຄ້າເມືອງສັງທອງ ເພື່ອເປັນການປົກປ້ອງຜູ້ຊົມໃຊ້ ແລະ ຄຸ້ມຄອງລາຄາສິນຄ້າ, ໂດຍການລົງຕິດຕາມ ແລະ ຮັບຟັງການລາຍງານ ຂັ້ນຕອນການຈັດຕັ້ງປະຕິບັດ ຂອງເຈົ້າໜ້າທີ່ກວດກາການຄ້າຫ້ອງການການຄ້າເມືອງສັງທອງ ນະຄອນຫລວງວຽງຈັນ.
[ພາບ ແລະ ຂ່າວ: ສູນສະຖິຕິ ແລະ ຂໍ້ມູນຂ່າວສານ]
