ເປີດບັ້ນຝຶກອົບຮົມຄັ້ງປະຖົມລະລຶກລະບົບບັນຊີຄູ່ ໃຫ້ແກ່ພະນັກງານກະຊວງອຸດສາຫະກໍາ ແລະ ການຄ້າ ເວລາ 8:30 ຂອງວັນທີ 28 ມີນາ 2017 ທີ່ຫ້ອງປະຊຸມໃຫ່ຍກະຊວງອຸດສາຫະກໍາ ແລະ ການຄ້າ ບັ້ນຝຶກອົບຮົມຄັ້ງປະຖົມລະລຶກກ່ຽວກັບການບັນຊີຂອງອົງການຈັດຕັ້ງແຫ່ງລັດ (ລະບົບບັນຊີຄູ່) ໃຫ້ແກ່ພະນັກງານກະຊວງອຸດສາຫະກໍາ ແລະ ການຄ້າ, ມີພະນັກງານຫຼັກແຫຼງຈາກຫ້ອງການ, ສະຖາບັນຄົ້ນຄ້ວາເສດຖະກິດອຸດສາຫະກໍາ ແລະ ການຄ້າ ແລະ ບັນດາກົມອ້ອມຂ້າງກະຊວງເຂົ້າຮ່ວມການຝຶກອົບຮົມຄັ້ງນີ້ປະມານ 40 ທ່ານ, ຍິງ 18 ທ່ານ ກອງປະຊຸມຈະດໍາເນີນເປັນເວລາ 3 ວັນ ຈົນເຖິງ ວັນທີ 30 ມີນາ ຈຶ່ງສໍາເລັດ.
ໂດຍການເປັນປະທານການຝຶກອົບຮົມຄັ້ງນີ້ມີ ທ່ານ ນາງ ບານສະຕິ ເທບພະວົງ ຄະນະພັກກະຊວງຫົວໜ້າຫ້ອງການກະຊວງອຸດສາຫະກໍາ ແລະ ການຄ້າ ທ່ານໄດ້ກ່າວເປີດການຝຶກອົບຮົມກ່ຽວກັບລະບົບບັນຊີຄູ່ໂດຍສະເພາະໄດ້ເນັ້ນໜັກທາງດ້ານເຕັກນິກການບັນຊີໃຫ້ຜູ້ເຂົ້າຮ່ວມຝຶກອົບຮົມເອົາໃຈໃສ່ຕິດຕາມ ຈາກຄູຝຶກກົມບັນຊີກະ ຊວງການເງິນ, ສະນັ້ນໃຫ້ພະນັກງານທີ່ເຮັດວຽກກ່ຽວກັບບັນຊີເຂົ້າໃຈຮຽນຮູ້ ແລະ ກໍາແໜ້ນລະບົບບັນຊີຄູ່ໃນການຈັດຕັ້ງປະຕິບັດໃຫ້ຖືກຕ້ອງສອດຄ່ອງກັບຄວາມເປັນຈິງ ພ້ອມກັນນີ້ ທ່ານ ບຸນຖອງ ໂສພາວັນດີ ຮອງຫົວໜ້າຫ້ອງການກະຊວງອຸດສາຫະກໍາ ແລະ ການຄ້າ ກໍເຂົ້າຮ່ວມໃນການຕິດຕາມການຝຶກອົບຮົມຄັ້ງນີ້ຢ່າງສຸດກົກສຸດປາຍ.
[ພາບ ແລະ ຂ່າວ: ສູນສະຖິຕິ ແລະ ຂໍ້ມູນຂ່າວສານ]
