ໃນລະຫວ່າງວັນທີ 12-16 ກຸມພາ 2019 ຄະນະຜູ້ແທນຈຳນວນ 20 ທ່ານ ຈາກກະຊວງອຸດສາຫະກຳ ແລະ ການຄ້າ ແລະ ຂະແໜງການທີ່ກ່ຽວຂ້ອງເຊັ່ນ: ສຳນັກງານນາຍົກລັດຖະມົນຕີ, ກະຊວງການຕ່າງປະເທດ,  ກະຊວງແຜນການ ແລະ ການລົງທຶນ, ກະຊວງຍຸຕິທຳ ແລະ ພະແນກ ອຸດສາຫະກຳ ແລະ ການຄ້າ ນະຄອນຫລວງ ທີ່ນຳພາໂດຍທ່ານ ສົມຟອງ ສຸລິວັນ ຮອງຫົວໜ້າກົມອຸດສາຫະກຳ ແລະ ຫັດຖະກຳ. ໂດຍໄດ້ຮັບການຊ່ວຍເຫລືອ ຈາກກອງທຶນພິເສດການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ (Mekong-Lancang Cooperation Special Fund-MLC) ຈຸດປະສົງ ເພື່ອສ້າງຄວາມເຂັ້ມແຂງໃຫ້ຄະນະຜູ້ແທນຈາກ ສປປ ລາວ ດ້ານການບໍລິຫານ, ການວາງແຜນຍຸດທະສາດ ແລະ ນະໂຍບາຍການພັດທະນາອຸດສາຫກະກຳ-ພັດທະນາ ບຸກຄະລາກອນ ໃຫ້ມີຄວາມຮູ້ ຄວາມເຂົ້າໃຈກ່ຽວກັບ ການວາງແຜນນະໂຍບາຍ ການສ້າງຍຸດທະສາດ ພັດທະນາອຸດສາ ຫະກຳປຸງແຕ່ງ ໂດຍມີ ວິທະຍາກອນຜູ້ຊ່ຽວຊານຈາກຫລາຍພາກສ່ວນຂອງຝ່າຍໄທ ເຂົ້າຮ່ວມແລກປ່ຽນບົດຮຽນຕົວຈິງ ຄື ¹⁾ກົມສົ່ງເສີມ ອຸດສາຫະກຳ , ²⁾ສະຖາບັນພັດທະນາອຸດສາຫະກຳສິ່ງທໍ, ³⁾ສຳນັກງານມາດຕະຖານ ຜະລິດຕະພັນ ອຸດສາຫະກຳ, ⁴⁾ສຳນັກງານເສດຖະກິດອຸດສາຫະກຳ, ⁵⁾ການນິຄົມອຸດສາຫະກຳ ແຫ່ງປະເທດໄທ ແລະ ⁶⁾ກົມໂຮງງານ ອຸດສາຫະກຳ ທີ່ກະຊວງອຸດສາຫະກຳ ແຫ່ງປະເທດໄທ.

            ຄະນະຜູ້ແທນຈາກກະຊວງອຸດສາຫະກຳ ແລະ ການຄ້າ ສປປ ລາວ ໄດ້ແລກປ່ຽນຮຽນຮູ້ກ່ຽວກັບຍຸດທະສາດ ການພັດທະນາອຸດສາຫະກຳຂອງໄທ ໂດຍສະເພາະທາງດ້ານການພັດທະນາອຸດສາຫະກຳຂອງໄທ ທີ່ເອີ້ນວ່າການ ພັດທະນາເສດຖະກິດໄທໃນຍຸກອຸດສາຫະກຳ 4.0 ປະຈຸບັນນີ້ການສົ່ງເສີມ ແລະ ພັດທະນາຄວາມສາມາດຂອງ ຜູ້ປະກອບການທຸລະກິດຂະໜາດນ້ອຍ ແລະ ກາງ, ຄວາມຮຸ້ການນຳໃຊ້ເຕັກໂນໂລຊີ ເຂົ້າໃນຂະບວນການ ຜະລິດອຸດສາຫະກຳ ເພື່ອຍົກລະດັບມາດຕະຖານການສົ່ງອອກສິນຄ້າ, ການພັດທະນາຮູບແບບ ຜະລິດຕະພັນ ²⁾ ການ ອອກແບບ ແລະ ພັດທະນາອຸດສາຫະກຳເຄື່ອງນຸ່ງຫົ່ມ ແລະ ສິ່ງທໍກ່ຽວກັບການປະສານງານ ແລະ ເຊື່ອມໂຍງ ເຄືອຂ່າຍໃຫ້ແກ່ຜູ້ປະກອບການທັງທາງດ້ານເຕັກໂນໂລຊີ, ການອອກແບບ ແລະ ການຄ້າ ພ້ອມນີ້ກໍ່ມີ ການວິໄຈໃນ ສາຂາກໍ່ສ້າງ, ການແພດ, ການກະສິກຳ ແລະ ພະຫານະ ສຳລັບການເປີດຕະຫລາດ ອຸດສາຫະກຳເຄື່ອງນຸ່ງຫົ່ມ ແລະ ສິ່ງທໍ  ³⁾ອຸດສາຫະກຳການຜະລິດ ແລະ ແປຮູບໃນສາຂາການຜະລິດເຄມີພັນ ຜະລິດຕະພັນຈາກປລາດສຕິກ ສິ່ງທໍ ແລະ ການແປຮູບຢາງພາລາ. ການອອກອະນຸຍາດປະກອບ ກິດຈະການໂຮງງານ ອຸດສາຫະກຳໃນປະເທດໄທ ⁴⁾ ລະບົບ ຈັດຖານຂໍ້ມູນສະຖິຕິອຸດສາ ຫະກຳເພື່ອເປັນຂໍ້ມູນເພີ້ມຂີດຄວາມ ສາມາດ ໃນການແຂ່ງຂັນ, ແບບວິທີການຂົນສົ່ງ ສິນຄ້າ, ການລົງທຶນລະຫວ່າງ ປະເທດ ⁵⁾ ການນິຄົມອຸດສາຫະກໍາແຫ່ງ ປະເທດໄທ ກ່ຽວກັບຂັ້ນຕອນການຂໍອະນຸຍາດ ປະກອບກິດຈະການໃນ ເຂດນິຄົມອຸດສາຫະກຳ ປະກອບດ້ວຍ 3 ຂັ້ນຕອນ ຂໍອະນຸຍາດ 1. ການຂໍອະນຸຍາດປຸກ ສ້າງອາຄານ 2. ການຂໍອະນຸຍາດນຳໃຊ້ທີ່ດິນ ແລະ 3. ການຂໍອະນຸຍາດດຳເນີນກິດຈະການ ໂດຍປະຕິບັດຕາມ ນະໂຍບາຍ ແລະ ນິຕິກຳຂອງປະເທດໄທກຳນົດໄວ້, ຈຸດພິເສດຂອງເຂດນິຄົມອຸດສາຫະກຳຂອງໄທຄື: ເປັນລັດວິສາ ຫະກິດ ແລະ ⁶⁾ ຂັ້ນຕອນການອະນຸມັດການຂໍສ້າງຕັ້ງ ແລະ ດໍາເນີນກິດຈະການໂຮງງານອຸດສາຫະກຳປຸງແຕ່ງ, ການຕິດຕາມ ແລະ ກວດກາມາດຕະຖານໂຮງງານ, ມາດຕະຖານຜະລິດຕະພັນ, ມາດຕະຖານສິ່ງແວດລ້ອມໂຮງງານ, ຄວາມປອດໄພ, ສຸຂະອານາໄມ ແລະ ການປະຫຍັດພະລັງງານ. ການອອກອານຸຍາດດ້ານອຸດສາຫະກຳປຸງແຕ່ງ ຂອງປະເທດໄທເຫັນວ່າໃຊ້ເວລາສັ້ນຊຶ່ງເປັນປະເທດອັນດັບຕົ້ນໆ ຂອງອາຊຽນເນື່ອງຈາກ ການຄຸ້ມຄອງ ແລະ ອະນຸຍາດ ຕາມກຸ່ມວຽກຂອງກະຊວງດັ່ງກ່າວ.

ຂ່າວ​ໂດຍ: ທ. ສຸກ​ທັນ​ວາ ​ແກ້ວ​ຄໍາ​ເພັດ

ຮຽບຮຽງ​ໂດຍ: ນ.ຖື ​ແຫວນ​ວົງ​ສົດ