ຕອນບ່າຍ ເວລາ 2: 00 ໂມງ ຂອງວັນທີ 5 ມີຖຸນາ 2020 ທີ່ຫ້ອງຮັບແຂກຊັ້ນ 4 ກະຊວງອຸດສາຫະກຳ ແລະ ການຄ້າ ໄດ້ມີພິທີມອບ-ຮັບຢ່າງເປັນທາງການໃນເຂົ້າຮ່ວມໃນຄັ້ງນີ້ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ແລະ ທ່ານ Zhao Jinyun ຕາງໜ້າກອງທຶນວັດທະນາທຳ ແລະ ການສຶກສາ ຫົວຢຽນ ເມືອງ ຊົງຊີງ, ສປ ຈີນ
ແລະ ມີຫົວໜ້າຫ້ອງການສອງພາກສ່ວນເຂົ້າຮ່ວມ; ມູນຄ່າການມອບມີດັ່ງນີ້:
- ຜ້າອັດປາກ-ດັງ ຈຳນວນ 50. 000 ອັນ ມູນຄ່າ 125.000 ຢວນ ເທົ່າກັບ 157.375.000 ກີບ.
ໃນໂອກາດນີ້, ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ມອບຕໍ່ໃຫ້ ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາ ແລະ ກິລາ ມີລາຍລະອຽດດັ່ງນີ້:
- ຜ້າອັດປາກ ຈຳນວນ 40.000 ອັດ (10 ແກັດ) ມູນຄ່າ 125.900.000 ກີບ.
- ສະບູ (Dettol) ຈຳນວນ 10 ແກັດ (960 ກ້ອນ) ມູນຄ່າ 48.000.000 ກີບ.
- ນ້ຳຢາລ້າງມື້ ຈຳນວນ 10 ແກັດ (100 ຕຸກ ຫຼື 100 ລິດ) ມູນຄ່າ 8.000.000 ກີບ.
ລວມມູນຄ່າທັງໝົດ: 181.900.000 ກີບ.
ຈຳນວນເຄື່ອງດັ່ງກ່າວໃຫ້ກະຊວງສຶກສາໄປມອບຕໍ່ໃຫ້ນັກຮຽນນັກສຶກສາຜູ້ທີ່ຂາດເຂີນຢູ່ຫ່າງໄກສອກຫຼີກຊົນລະບົດ. ໃນໂອກາດນີ້ ທ່ານ ລັດຖະມົນຕີ ກະຊວງອຸດສາຫະກຳ ແລະ ການຄ້າກໍ່ໄດ້ມອບໃບກຽດຕິຄຸນ ໃຫ້ແກ່ ກອງທຶນວັດທະນາທຳ ແລະ ການສຶກສາ ຫົວຢຽນ ເມືອງ ຊົງຊີງ, ສປ ຈີນ ແລະ ສອງລັດຖະມົນຕີ ກໍ່ສະແດງຄວາມຂອບອົກຂອບໃຈຕໍ່ການຊ່ວຍເຫຼືອໃນຄັ້ງນີ້ ແລະ ຈະໄດ້ນໍາເອົາເຄື່ອງຊ່ວຍເຫຼືອດັ່ງກ່າວແຈກຢາຍ ໃຫ້ຜູ້ທີ່ຈຳເປັນຢູ່ຫ່າງໄກສອກຫຼີກ ແລະ ອວຍ ພອນໄຊ ໃຫ້ຜູ້ຕາງໜ້າກອງທຶນວັດທະນາທຳ ແລະ ການສຶກສາ ຫົວຢຽນ ເມືອງ ຊົງຊີງ, ສປ ຈີນ ແລະ ໄດ້ຮັບການຮ່ວມມືພັດທະນາເປັນຢ່າງດີ.
ຂ່າວໂດຍ: ໄພຄຳອີ ວິໄລຄຳ
ສູນສະຖິຕິ ແລະ ຂໍ້ມູນຂ່າວສານ
