ໃນຕອນບ່າຍ ຂອງວັນທີ 15 ຕຸລາ 2024 ທີ່ຫ້ອງປະຊຸມໃຫ່ຍຊັ້ນ I  ຂອງກະຊວງອຸດສາຫະກໍາ ແລະ ການຄ້າ ໄດ້ມີພິທີປະກາດການຈັດຕັ້ງ ແລະ ສັບຊ້ອນຂື້ນ ໂດຍການເປັນປະທານຂອງທ່ານ ມະໄລທອງ ກົມມະສິດ ກໍາມະການສໍາຮອງສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງອຸດສາຫະກໍາ ແລະ ການຄ້າ ໂດຍມີຫົວຫນ້າ ຮອງຫົວຫນ້າຫ້ອງການ, ບັນດາກົມ, ສຳນັກງານ ແລະ ສະຖານບັນອຸດສາຫະກຳ ແລະ ການຄ້າ ພ້ອມດ້ວຍພະນັກງານຫລັກແຫຼ່ງເຂົ້າຮ່ວມ, ໃນພິທີດັ່ງກ່າວນີ້ ທ່ານ ນ. ກິ່ງສະດອນ ເພັດດາວເຮືອງ ຫົວຫນ້າກົມຈັດຕັ້ງ ແລະ ພະນັກງານ ໄດ້ຂື້ນຜ່ານມະຕິ ແລະ ຂໍ້ຕົກລົງວ່າດ້ວຍການອະນຸມັດວ່າດ້ວຍການແຕ່ງຕັ້ງສັບປ່ຽນໜ້າທີ່ຂອງພະນັກງານຂັ້ນນຳພາ-ຄຸ້ມຄອງ ຊຶ່ງມີລາຍລະອຽດດັ່ງນີ້:

ອະນຸມັດແຕ່ງຕັ້ງ ແລະ ຊັບຊ້ອນ ພະນັກງານນໍາພາຄຸ້ມຄອງ 3 ທ່ານຄື: (1) ແຕ່ງຕັ້ງທ່ານ  ບັນຊາ ຈັນມິ່ງ  ຫົວໜ້າພະແນກເຄື່ອງໝາຍການຄ້າ ເປັນຮອງຫົວໜ້າກົມຊັບສິນທາງປັນຍາ,(2) ສັບຊ້ອນ ທ່ານ ພຸດສະຫວັນ ຂຸນຈັນທະ ຮອງຫົວໜ້າກົມການຄ້າຕ່າງປະເທດ ໄປເປັນ ຮອງຫົວໜ້າກົມອຸດສາຫະກຳ ແລະ ເປັນປະທານສະພາບໍລິຫານເສດຖະກິດນິຄົມອຸດສາຫະກໍາ ແລະ ການຄ້າ ວຽງຈັນ-ໂນນທອງ  (3) ສັບຊ້ອນ ທ່ານ ກຸສິມ ຈັນທະປັນຍາ ຮອງຫົວໜ້າຫ້ອງການ ໄປເປັນ ຮອງຫົວໜ້າກົມການຄ້າຕ່າງປະເທດ.

ໃນຕອນທ້າຍຂອງພິທີທ່ານປະທານກໍ່ໄດ້ມີຄຳເຫັນໂອ້ລົມເຊິ່ງທ່ານໄດ້ກ່າວວ່າ ການແຕ່ງຕັ້ງ ແລະ ສັບຊ້ອນ ປະຈຳການຂອງພະນັກງານການນຳຄັ້ງນີ້ ແມ່ນປະຕິບັດຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໄໝ່ ທີ່ຈະຕ້ອງໄດ້ມີການປັບປຸງປ່ຽນແປງແກ້ໄຂ, ພ້ອມດຽວກັນນັ້ນຍັງໄດ້ຮຽກຮ້ອງໃຫ້ຜູ້ທີ່ໄດ້ຮັບການແຕ່ງຕັ້ງໄໝ່ຈົ່ງໄດ້ສຸມສະຕິປັນຍາເຫື່ອແຮງ ຄວາມອາດສາມາດຂອງຕົນເພື່ອພັດທະນາວຽກງານຂອງຂະແໜງອຸດສາຫະກຳ ແລະ ການຄ້າ ແລະ ຜູ້ທີ່ສັບຊ້ອນໄປຮັບໜ້າທີ່ໄໝ່ ກໍ່ຈົ່ງສືບຕໍ່ປະຕິບັດໜ້າວຽກຂອງຕົນຮັບຜິດຊອບຕາມພາລະບົດບາດໃຫ້ໄດ້ຮັບໝາກຜົນຕາມແຜນການທີ່ວາງໄວ້ໃຫ້ມີຜົນສຳເລັດເປັນກ້າວໆເຊັ່ນດຽວກັນ.