ຕອນບ່າຍເວລາ 13:00 ໂມງ  ຂອງວັນທີ 2 ສິງຫາ 2019 ຜ່ານມາ ທີ່ຫ້ອງປະຊຸມພະແນກອຸດສາຫະກຳ ແລະ ການຄ້າ ແຂວງອຸດົມໄຊ ໄດ້ຈັດພິທີຕ້ອນຮັບຄະນະທີມງານທີ່ມາຈາກພະແນກອຸດສາຫະກຳ ແລະ ການຄ້າແຂວງຫຼວງນໍ້າທາ ນໍາພາຄະນະໂດຍ ທ່ານ ປອ ຄໍາແກ້ວ ຈັນທະວົງ ຮອງຫົວໜ້າພະແນກ ອຄ ຫຼວງນໍ້າທາ ; ເຊິ່ງໃຫ້ກຽດຕ້ອນຮັບ ໂດຍທ່ານ ຄໍາເພົ້າ ສີລິສຸກ ກໍາມະການພັກແຂວງ, ເລຂາໜ່ວຍພັກ, ຫົວໜ້າພະແນກອຸດສາຫະກຳ ແລະ ການຄ້າແຂວງອຸດົມໄຊ, ມີຄະນະພະແນກ, ຫົວໜ້າຂະແໜງ, ຮອງຂະແໜງ ແລະ ວິຊາການທັງສອງ ພະແນກ ອຄ ແຂວງ ເຂົ້າຮ່ວມທັງໝົດຈໍານວນ 80 ກວ່າທ່ານ.

           ຈຸດປະສົງ ເພື່ອພົບປະແລກປ່ຽນບົດຮຽນ ການເຄື່ອນໄຫວວຽກງານໃນໄລຍະຜ່ານມາ ຂອງສອງ ພະແນກ ອຄ ແຂວງ ແລະ ຢ້ຽມຢາມຜູກແໜ້ນຄວາມສາມັກຄີຮັກແພງເຊິ່ງກັນ ແລະ ກັນ. ຈາກນັ້ນກໍ່ໄດ້ຈັດການແຂ່ງຂັນກິລາຟຸດຊໍມິດຕະພາບ ຍິງ-ຊາຍ  ແລະ ຮ່ວມພາເຂົ້າສາມັກຄີ ດ້ວຍບັນຍາກາດທີ່ຟົດຟື້ນ, ເບີກບານມ່ວນຊື່ນ ແລະ ມີຄວາມ

ໝາຍ.

           ງານພົບປະແລກປ່ຽນບົດຮຽນດັ່ງກ່າວ ແມ່ນສອງພະແນກອຸດສາຫະກໍາ ແລະ ການຄ້າ ໄດ້ປະຕິບັດກັນມາໃນແຕ່ລະປີ ໂດຍຜັດປ່ຽນຫມູນວຽນກັນເປັນເຈົ້າພາບ, ເຊິ່ງປີ 2020 ຈະແມ່ນພະແນກອຸດສາຫະກໍາ ແລະ ການຄ້າແຂວງຫຼວງນໍ້າທາ ເປັນເຈົ້າພາບ.

                                                                      ຂຽນ​ໂດຍ: ຄຳ​ຝັ້ນ ພາ​ວິ​ວົງ​ກອນ ພະ​ແນ​ກ ອຄ ​ແຂວງ ອຸດົມ​ໄຊ

ຮຽບຮຽງໂດຍ:  ນ ຖື ​ແຫວນ​ວົງ​ສົດ ສູນ​ສະຖິຕິ ​ແລະ ຂໍ້​ມູນ​ຂ່າວສານ ກົມ ຜຮ